游水帽

出自維基百科,自由嘅百科全書
Jump to navigation Jump to search
專業嘅游水帽裝備

游水帽粵拼jau4 seoi2 mou6),又嗌泳帽wing6 mou6),係游水時帶係頭頂嘅裝備,主要用矽膠橡膠氨綸嚟整。佢既可以保持頭髮乾燥,有可以降低向前遊水時嘅阻力,甚至喺長時間游水時,幫頭保温都得。

發展史[編輯]

早期啲泳客為咗保持佢嘅髮型一致而用咗簡單嘅頭髮網嚟保護秀髮。直到1883年,橡膠游水帽開始正式面世,雖然嗰時介紹游水帽會成為時尚設備,但材質好重,一度冇乜人知。直到1920年代初改用輕啲嘅橡膠乳材質先至有人知,嗰時冚嘅範圍介乎穆斯林佬噉摟頭摟髻同飛行員頭頂帶嘅帽之間,但下巴有條扣響度。隨後無耐變成用橡膠整。1940年代由於戰亂關係,加上多數橡膠用嗮喺軍事,所以游水帽變成奢侈品。不過有位有游水帽嘅女仔嚟保護佢啲秀髮,後嚟有好多女仔費事游完水之後搞亂嗮髮型,加上嗰時電髮要使好多錢,所以班女仔諗住有佢哋嘅游水帽嚟保護佢啲秀髮。隨住時尚業喺1950年代開始發展,1960年代出現咗好多帶色彩同好多花紋圖案嘅游水帽,加上材質變薄咗,而且下邊條扣都冇咗,所以越嚟越多人用。

1960年代尾到1970年代初,由於男仔嘅長髮髮型令泳池啲水質堪憂,所以管理人員開始修改規定,話長髮啲人一定要帶游水帽落去游水。從而1970年代初,游水帽跌出時尚界,一度淪落為普通裝備。到咗1980~1990年代,由於全球各地興起室內泳池,專業嘅游水裝備亦開始興起,所以游水帽亦重新開始流行。

作用[編輯]

而家啲泳場,好少甚至見唔到唔帶泳帽啲泳客落去游水。
保護頭髮

泳池啲水用消毒過,因為氯會整損部分頭髮甚至出現乾枯變黃。重可以唔畀長髮喺水猛咁飄,甚至被扯甩。冬泳時可以幫頭部保温。

防止傳播同感染病菌

由於頭皮有好多真菌,唔可以俾消毒水完全殺死,加上病菌好易傳畀其他人。

減少甩髮

既防止塞住泳池嘅水循環系統,又防止游水嗰時手扯到人哋嘅頭髮,甚至防止自己甩嘅頭髮周圍都係。

方便救生

顏色比較明顯嘅游水帽好易吸引眼球同埋方便救援工作。若果有帶住游水帽啲泳客遇溺,救生員會第一時間做反應去救。

減少阻力

游水帽可以減少水對頭髮嘅阻力。

連出去[編輯]