面堅尼

面堅尼

面堅尼（粵拼：min3 gin1 nei4；英文：Facekini）係游水時或部分海灘活動用嘅一種頭笠，個樣好似頭笠噉，但佢係又薄又貼膚，多數扱住成個頭除眼耳嘴鼻之外嘅部位。

名

個名喺2012年8月27號出自網民嘅瘋狂炒作。嗰時俾法國路透社改成咗「facekini」一詞，源自英文單詞「face」同「bikini」組成嘅詞彙。

發展史

面堅尼喺1928年開始面世，但因為嗰時生產水平比較落後，加上佢嘅影響力冇咁大而一直冇人用。直到2004年，山東青島設計家張式範喺原嚟嘅氼水帽基礎上整出咗噉嘅面罩，成為第二代產品。佢嘅目的係帶咗佢之後，唔使喺海入面游水時俾白蚱猛咁做攻擊對象。嗰時比第一代產品多咗彩色元素同顏色變柔和，但嗰時嗌成游水頭罩。由於路透社喺2012年8月27號影咗好多青島啲女仔著游水頭罩重發埋上網而引發全球關注，令好多中國大陸網民話佢做面堅尼。2014年8月27號發佈咗第三代產品，喺原嚟第二代產品基礎上改進成更加貼膚同佩戴得好舒適。後嚟設計家考慮到前三代產品嘅外形會俾人話成「有外星人入侵」同嚇嚫細路，喺2015年6月1號發佈咗第四代產品，特色係將原嚟嘅單調外形加咗中華元素入去。個半月後又發佈咗第五代產品，特色係第三或第四代產品嘅基礎上加咗個衫，變成連衫式產品。

2016年8月31號，面堅尼正式發佈到第六代產品，特色同第五代產品差唔多，但個樣變成似全身游水裝同頭罩嘅混合版，同布堅尼有些少相似，但個樣睇落似幪面超人。

特色

而家嘅面堅尼都係用拉伸形式嘅泳裝紡織物整，而且出現咗五顏六色嘅版。佢既可以防白蚱，又可以防太陽啲紫外線。呢種產品喺近海灘啲泳裝舖同網上都有得賣。