鯊魚皮游水衫

出自維基百科,自由嘅百科全書
Jump to navigation Jump to search
鯊魚皮游水衫(撳咗成隻脚但冇撳到手嘅版)

 鯊魚皮游水衫粵拼saa1 jyu4*2 pei4*2 jau4 seoi2 saam1英文Shark-Skin-Inspired Fastskin Swimsuit),簡稱鯊魚皮saa1 jyu4*2 pei4*2Shark-Skin),又叫神奇游水衫san4 kei4 jau4 seoi2 saam1)或快皮faai3 pei4*2fastskin)。佢係一種借鑒咗鯊魚皮嚟整嘅游水衫。呢種游水衫喺20世紀90年代尾出現,佢係一種高科技嘅游水衫。而呢種游水衫係用一種布料撳嗮成個身,手臂同腳(有啲品種係撳咗半隻脚或成隻脚,冇撳到手;有啲品種係撳咗半隻脚同半隻手)嘅游水衫。喺1999年——2009年之間,佢唔單止喺打破游水世界紀錄入面出嗮名,重經歷咗從高科技游水衫行業嘅一家獨大到俾其他公司反超嘅過程。雖然話喺2010年開始,國際泳協唔畀啲鯊魚皮入去比賽度,但而家呢種游水衫喺商場度有得賣[1]

出名[編輯]

米高菲比斯依文蘇利雲喺2008年北京奧運會嘅4×100游水接力比賽入面,都係着住件鯊魚皮嚟比賽嘅。

講話呢件游水衫,最早係喺1999年正式俾國際泳協批准咗去參賽,而呢件嘢最先喺2000年嘅悉尼奧運會出現嘅。喺嗰陣時嘅游水比賽入面,有位嗌伊恩科比嘅17歲游水運動員,成日着住件黑色嘅連體緊身游水衫嚟比賽,佢就因為噉就喺游水比賽入面一嘢攞咗4嚿金牌同1嚿銀牌返嚟,結果佢着嘅呢種游水衫俾人猛咁關注,後嚟呢種新型嘅技術俾好多游水嘅運動員鍾意佢。[2]到咗2004年嘅雅典奧運會,有47位游水運動員就係着住件鯊魚皮游水衫嚟比賽嘅。喺2008年嘅北京奧運會入面,由於鯊魚皮猛咁出現重打破咗105次嘅世界紀錄,尤其嗰陣時嘅米高菲比斯,一嘢攞咗8嚿金牌。就係噉,鯊魚皮就出嗮名。不過到咗2009年7月30號嘅大會入面話咗,快皮喺2010年開始,冇得入去比賽度喇[3]

版本[編輯]

而家嘅鯊魚皮從開始出現到而家,一共出咗4代產品。

第1代鯊魚皮[編輯]

第1代鯊魚皮喺2000年出現,佢用咗纖維嚟借鑒鯊魚嘅皮膚結構嚟整,佢可以降低水嘅阻力重提高咗3%~7.5%嘅游水速度。而呢種游水衫喺悉尼奧運會入面就出嗮名,其中有83%嘅參賽選手揀咗着呢件嘢嚟參加比賽。

第2代鯊魚皮[編輯]

第2代鯊魚皮喺2004年出現,佢按返第1代嘅基礎,喺面料嘅表面度加啲細粒嘅仔,降低咗30%嘅阻力,重比第1代嘅提升咗7.5%嘅游水速度。

第3代鯊魚皮[編輯]

第3代鯊魚皮喺2007年出現,佢用咗防氧彈性紗同特細尼龍紗嚟整。喺彈性方面嚟睇,同以前嘅同類產品高咗15%,可以降低肌肉嘅振動同能量嘅損耗。

第4代鯊魚皮[編輯]

第4代鯊魚皮喺2008年出現,佢用咗超輕、低阻力、防水同快乾嘅LZR Pulse面料嚟整,佢重係全球第一套用咗高科技熔接嚟整嘅無皺比賽游水衫。

超聲縫合技術[編輯]

內文: 超聲縫合技術

而家嘅鯊魚皮游水衫係用咗超聲縫合技術嚟整嘅。所謂「超聲縫合技術」,就係而家最先進嘅服裝縫合技術,呢項技術嘅工作原理係用咗高頻率振盪,跟住用燒焊嚟將聲波傳到去要整嘅熔接面度,一陣間就將啲物理分子產生摩擦去到塑膠熔點,跟住固體材料好快噉溶嗮就搞掂。

[編輯]

  1. 去SPEEDO、arena或英發嘅正品專賣鋪就有得賣。
  2. SPEEDO“鲨鱼皮”泳衣史无前例公开发售 和訊網 喺2011年11月29號搵到
  3. 国际泳联通过高科技泳衣限制案 鲨鱼皮明年全面“禁赛” 周口晚報 喺2009年7月30號搵到

睇埋[編輯]

連出去[編輯]