泳裝

泳裝嘅種類

左邊嘅係女人嘅比堅尼游水裝，右邊嘅係男人嘅三角游水褲。

泳裝（粵拼：wing6 zong1），又叫游水裝（jau4 seoi2 zong1）、水着，係游水時或喺海灘活動同選美入面着嘅一種裝，特色係又薄又貼身。喺世俗地區，男人興只着游水褲（泳褲）遮屁股罅同下陰及其週圍，女人通常着游水衫（泳衣），除上述數處，重遮埋𢆡頭及其週圍。

發展史

游水衫發展史道道都反映咗唔同時期社會（尤其係觀念同文化）嘅演變，亦反映咗社會道德同性觀念嘅地區差異。

16世紀前

16世紀前重未有「游水衫」，嗰時啲人去游水都係剝光豬落去嘅。而喺古希臘入面，啲人認為，海就係又天然又simple嘅，所以落海游水唔使著埋衫褲落去。而喺古羅馬，就已經有浴場，搞到阿德拿海附近成日都人山人海。由於游水要剝光啲身，所以喺歐洲嗰邊就有「成日剝光豬」嘅講法。

16世紀

到咗中世紀嗰陣，有人用借口嚟唔俾女仔同男仔喺埋一齊游水同沖凉。但係到咗16世紀，「成日剝光豬」嘅講法俾人哋話成鹹濕。結果就有咗游水衫，而最早嘅游水衫，男仔係著住條圍裙落去游水，而女仔係著住件亞麻襯衫嘅。嗰時游水衫係貴族先有。

17～18世紀

到咗17世紀，同醫療有關嘅沖涼方式先至畀咗女仔機會去沖涼。但如果女仔想落去沖涼，必須要着埋長袖同埋剝光隻脚嘅出汗衫，重有出面有頂帽嚟撳住成個身嚟沖涼嘅。嗰陣時，佢哋嘅帆布沖涼衫係又硬又大嘅，好似啲牧師專門著嘅衫咁大個袖，而呢種衫可以喺水度整開，搞到人哋睇唔到個身係點。如果啲女仔一出咗水，侍者就會幫佢哋著返啲長嘅瞓覺衫同埋拖鞋，唔畀佢啲濕苙苙嘅衫將成個身剝嗮出嚟。之後，男嘅轎車夫就將沖過涼嘅女仔搬返去屋企再放喺張床度，等啲女仔慢慢噉喺床上面出汗。而喺17世紀60年代嘅英國，游水衫嘅活動開到鬼咁犀利。而嗰時啲男仔重可以喺游水嗰陣剝光嗮，不過返上岸之後就要著返啲衫同褲。

19世紀

1815年嘅游水衫

到咗1822年，由於有醫生對呢種噉嘅游水杉就猛咁鬧，話佢係阻住啲水同身嘅有病部位嘅直接接觸，會影響啲藥效。搞到出咗呢三種方案：

1. 病人唔著游水衫係最好嘅方法
2. 如估唔著就唔舒服嘅話，啲游水衫就一定要儘量整到有幾大就有幾大、有幾闊就有幾闊，有幾輕就有幾輕。
3. 游水場地分開男、女兩個區

雖然話第1種方案係比較激，但係好多人揀咗第3種方案。就喺嗰陣時，有笪海灘就因為咁，先至分開咗兩部分（有男專用區同埋女專用區），甚至重有啲女仔用嘅海灘重成日用塊布嚟遮住成個身，唔畀啲男仔去睇嘅。後嚟到咗維多利亞年代（1837年—1901年）嗰陣，由於有越嚟越多嘅民眾嚟到英國嘅海邊去游水。而呢種新生活嘅方式出現，就搞咗新嘅游水衫出現咗。而嗰陣時女仔著嘅游水衫，係用咗深色嘅法蘭面料嚟整嘅衫同埋褲。嗰陣時都將話「係唔係罅形」嘅嘢，都入埋衫嘅規則入面，而到咗19世紀60年代就出咗新版本嘅游水衫，而呢種版本嘅游水衫係土耳其版本嘅燈籠褲，上面有簡單又連埋腳嘅連身裙。雖然話呢種衫係搞到嗰陣時保守主義嘅人鬧到狗噉滯，但係過咗好耐，呢種噉嘅游水衫就喺海灘入面出現咗。而呢種游水衫就成日向下轆，重好牙煙噉滯。

由於嗰陣時嘅社會好關住「公眾場合入面嘅形象」，搞到男仔開始要迫住著衫落去游水。重有嗰陣時話一條短褲唔好睇，所以連男仔嘅游水衫都變咗好厚嘅套裝，唔單止成個身都撳住嗮，重連手同腳都撳埋。而男仔最早嘅游水杉係有厚嘩嘰嚟整嘅，腰嘅部份冇鬆緊帶，所以成日都跌落嚟（如估喺水底入面嘅話，重會跌倒腳趾嗰邊）。雖然話呢筍嘢會成日俾人話唔文明，但係啲男仔就對呢個好反感，一見到有機會，就重係剝光豬去游水。

20世紀初

一件頭嘅出現

安尼迪克拿文著嘅一件頭，呢件係一件頭最早嘅版本。

喺20世紀嗰時，游水衫凈係啲連衫嘅短裙，同家陣街邊成日著嘅裙同衫差唔多。其實嗰時大多數人喺公眾游水池度玩水嘅，都係冇專業嘅游水衫褲。喺一件頭出嚟之前嘅2年（1907年），有位叫安尼迪克拿文嘅澳洲女仔，開始整符合佢自己嘅游水衫，而佢係將游水杉同歌舞雜技演員嘅緊身絲襪嚟整咗合體而搞出咗睇到出面，重體現出大膽嘅體育精神嘅游水衫。而呢種游水衫同埋跳水衫就喺英國同埋美國都引起咗強烈嘅反響。而專業嘅游水衫褲就係喺1909年出現嘅，就係依家講嘅「一件頭」，佢係由時裝界嘅傳奇人物CHANEL嚟整嘅，嗰時重係第一件真正意義上嘅現代游水衫。雖然話呢種游水衫喺一定程度入面，睇到剝光咗嘅四肢同一細部份嘅身，話女仔有傷風化嘅嫌疑，但CHANEL話唔係噉，重著埋呢件嘢上身話清楚點解，結果好多嗰時啲後生女好快就有樣學樣。到咗1930年代，女仔嘅緊身游水衫都幾流行下。而游水衫重出現咗一種同底衫差唔多樣嘅設計，而且重變咗好多：其中背帶頂住咗條袖，褲腳變得越嚟越短，而領鈦口就變到得越嚟越低。搞到猛咁流行嘅日光浴重整到游水衫喺睇到埐皮，而且避免咗背帶出現咗條曬痕。

游水褲嘅出現

喺19世紀尾之前，男仔都係著類似全身游水裝啲裝備落去游水，但嗰時用嘅係條紋品種。直到19世紀尾，五種唔同嘅男仔泳裝喺開始出現：分別係短筒褲、游水衫、運動短褲、正規游水褲同緊身游水褲。不過男游水衫喺20世紀反映咗道德壓力嘅下降同社會對剝光豬現象嘅寬容態度，但嗰時有人反對重笑男仔啲游水衫必須要有袖同褲腳、緊身褲同底衫嘅做法。直到1928年奧運開幕之後，男仔先至有露出好多身體部位啲泳裝，但嗰時用嘅係背心+短褲嘅連體組合品種。

從1930年代開始，有啲男仔可以凈着游水褲兼剝光上身而去游水。但嗰時凈得美國地區先至有，後嚟噉嘅行為俾美國法官猛咁鬧，重話唔希望見到男仔凈着條褲兼剝光上身而去游水。而嗰種泳裝發展到一條類似三角褲嘅四角褲噉，上邊加多件類似男人胸罩噉嘅裝備，但下邊加咗橛布料擋住肚腩，附近有拉鏈同褲連埋。不過嗰時法官唔希望見到男仔所謂「凈着條褲兼剝光上身而去游水」嘅規定同講法直到1948年奧運開幕之後先至取消咗。

隨後社會開始接受男仔凈着條褲兼剝光上身嘅形式落去游水，1967年發展到好多種顏色嘅條紋品種兼喺1972年奧運開幕之後先至得到推廣。

20世紀中

比堅尼嘅出現

女仔嘅游水衫出現咗兩件式品種，而且兩件都冇連埋一齊嘅。到咗1940年代出現咗而家講嘅「比堅尼」，係由法國佬設計嘅一種游水衫。喺1946年，由於美國夏威夷嘅珍珠港發生咗原子彈爆炸，而且咁啱得咁橋炸咗比堅尼島先至改成噉嘅名。佢係攞咗三件布同四條帶嚟整嘅游水衫，而呢種衫喺1946年7月5號出現嘅。呢種衫料喺女仔嘅衫入面，係世界上撳住個身嘅面積最細嘅游水衫，通過胸罩嚟遮住個胸，背脊除咗條繩之外，成身幾乎剝光豬噉滯，而三角褲嘅胯重儘量向上整咗，重最大限度噉睇到個大髀。呢件嘢重好細，啹埋一搆就可以裝入個火柴盒入面喇。由於比堅尼嘅出現，就將以前嘅保守觀念簡化咗，變成而家嘅時尚意識。而世界上第一個著比堅尼嘅係法國佬——米些蓮畢拿甸尼。

望怒堅尼嘅出現

隨著世界各地嘅經濟發展同埋出現咗現代嘅生活方式，結果材料就越嚟越犀利，啲料重越嚟越多添。喺1958年由於用咗人造彈性纖維整件游水衫，由於呢啲游水衫同底衫好相似，所以喺20世紀60年代，有啲嗰陣時嘅後生仔重將啲游水衫當成係底衫嚟著。到咗1964年代出現咗「望怒堅尼」款式，等於比堅尼嘅下件駁住兩條掛喺膊頭嘅繩，對𢆡露哂出嚟。雖然話呢種游水衫承認咗道德嘅約束力，但又吸引人對性器官嘅注意。雖然國際範圍越嚟越多人接受唔著上裝或成身剝光豬去游水，但得好少人用呢種方式去游水。

望堅尼

望堅尼唔同望怒堅尼——雖然兩者都係一件過，不過前者有布𢫏住對姩姑。

20世紀尾

喺1989年，美國嗰邊有位叫茱莉荷嘅摩䆃推出咗一系嘅游水衫，而呢種游水衫就係「將個大髀放返入去女式嘅游水衫入面」嘅品種。而佢嘅設計啱好通過咗強調啲游水衫嘅整體性同埋佢嘅魅力，搞到啲人諗返之前20世紀40年代嗰陣時喺荷里活入面出現過嘅游水衫。

三角游水褲嘅出現

早期男仔允許凈着條四角褲就乜都冇著嘅泳裝喺1948奧運得到推廣之後，到1978年出現咗而家講嘅「三角游水褲」。嗰時蘇格蘭泳手——大衛威奇為咗展示佢喺1976年奧運攞咗男子200m蝶泳冠軍嘅葳蕤成就，喺1978年嗌咗設計師設計出種同嗰時四角游水褲相比，更加少布料嘅游水褲出嚟。而設計師話成大衛威奇因為個身從第個人睇，冇乜胸毛噉。後嚟呢種游水褲喺1980年奧運開幕之後先至得到推廣，1992年奧運期間亦衍生咗低腰版。

鯊魚皮游水衫、全身游水衫嘅出現

部分男仔着嘅全身游水裝，家下喺市面上有得賣。

睇埋：鯊魚皮游水衫同全身游水裝

到咗20世紀90年代，游水衫嘅風格又重新行返去以前19世紀嘅品種，雖然話比20世紀初同20世紀中嘅游水衫品種係覆蓋咗身嘅好多位，但係同19世紀嘅游水衫唔同嘅係，呢種游水衫係重新用咗啲原嚟嘅縫合方式同埋調節體態嘅方式。就喺嗰陣時，Speedo公司就開發咗鯊魚皮品種嘅游水衫，而呢個係有水衫嘅使用面料係最有重大意義嘅更新。而呢種游水衫係用咗特殊嘅面料去整嘅，佢根據咗仿生學原理，呢種游水衫同鯊魚皮唔同嘅係，佢喺水入面嘅阻力要比人體嘅皮膚低3%，聽話最多可以將比賽嘅成績提高7.5%。而呢種游水衫係為咗最大限度咁減小運動員喺水入面嘅阻力，所以除咗手同面以外，其他部位都係撳住嗮。呢種游水衫喺2000年，澳洲嘅游水選手伊恩科比就係著過呢種游水衫啦，而呢種連體嘅游水衫就引起咗好多人關注。雖然話呢種游水衫響1999年就允許喺奧運入面用，但係到咗2012年就冇呢隻歌仔唱啦。不過呢種游水衫依家重喺市面上有得賣。

21世紀

依家游水衫嘅品種已經越嚟越多，重有越嚟越貼身同埋衿用，同時重越嚟越有審美嘅價值。

布堅尼嘅出現

内文：布堅尼

喺2007年2月，澳洲籍黎巴嫩人阿克達渣力餮就研發咗一件游水衫，呢種係伊斯蘭教徒嘅女仔去游水嗰陣，成日着住嘅游水衫。依家已經吸引咗全球各地買家嘅興趣。好多中東同埋歐洲國家地區都話想引入呢件嘢嚟做救生制服。

依家嘅品種

喺西方嘅文化入面，其中男仔嘅游水衫品種大部份都係沙灘褲、四角游水褲、三角游水褲、T字游水褲同埋G字褲呢5種，全部係爲咗減少身體下面嘅覆蓋。

而女仔嘅游水衫品種大部份都係一件頭、比堅尼或者係T字游水褲呢3種。雖然話呢啲品種嘅樣、長度都裁切入面都係有多方面嘅趨勢，但係喺裁切方面，都係同一般嘅連衫褲呢啲嘢係冇乜大嘅區別。而喺2007年出嘅波堅尼，係專門照顧咗啲穆斯林嘅女仔去游水嘅，佢係除咗面同埋手掌、腳底之外就全部都遮冚嗮（同潛水衫有啲似）。呢筍嘢家陣重有個升級版本嘅，就係遮冚嗮成身嘅游水衫喇。而遮冚嗮成身嘅游水衫喺伊斯蘭教嗰邊，可以睇成係謙虛嘅行為。喺埃及嗰頭重出現咗遮冚嗮成身嘅「伊斯蘭版游水衫」。

女泳裝

• 
  一件頭（經典）
• 
  兩件頭（經典）
• 
  比堅尼
• 
  坦堅尼
• 
  望怒堅尼
• 
  望堅尼
• 
  布堅尼

男泳裝

• 
  三角游水褲
• 
  齊腳游水褲
• 
  T字游水褲
• 
  長髀游水褲
• 
  曼堅尼

男女都啱着嘅泳裝

• 
  鯊魚皮游水衫
• 
  防曬游水衫
• 
  全身游水裝
• 
  沖浪衫

睇埋

• 潛水衫
• 一件頭
• 比堅尼
• 校園游水裝
• 鯊魚皮游水衫
• 全身游水裝
• 沙灘褲
• 波堅尼
• 三角游水褲
• 四角游水褲
• T字游水褲

出面網頁

• 游水衫發展史
• 游水衫發展史
• 舊相見證游水衫嘅發展史
• 清涼邂逅：泳裝進化簡史
• 比堅尼科學 泳裝資訊網站
• Bathing suits through the years CNN
• Bathing suits through the years Chicago Tribune
• Fashion Era: The Evolution of Swimsuits Over the Years LuLu's
• Fashion Era: The Evolution of Swimsuits Over the YearsSTYLEWE