布堅尼

布堅尼

布堅尼（粵拼：bou3 gin1 nei4；阿拉伯文：بوركيني‎；英文：burkini／burqini），又叫波堅尼（bo1 gin1 nei4），係一種女仔嘅游水衫，由澳洲籍黎巴嫩人阿克達渣力餮研發出嚟。佢更加係伊斯蘭教徒嘅女仔游水着住嘅其中一種游水衫。布堅尼喺2007年2月出現，依家已經吸引咗全球各地買家嘅興趣。好多中東同埋歐洲國家地區都話想引入呢件嘢嚟做救生制服喇。

構造

呢種游水衫係除咗頭嘅面部、手同埋腳之外，其他部位都係被啲衫料遮嵌嗮（已經夠嗮穆斯林地區啲人嘅保守態度）嘅同時都可以輕足咁去游水都得啦。呢種游水衫可以話係好好咁解決咗嗰啲保守嘅穆斯林女仔想去游水但係又話着咗件沖涼嘅衫就話唔舒服嘅態度。

同潛水裝嘅區別

呢件嘢雖然話睇落去好似件全長版嘅潛水衫同埋兜帽喺埋一齊咁嘅嘢，但係有啲同潛水衫唔同嘅係，呢件嘢雖然話係用游水衫材料整嘅，但係佢哋冇用過氯丁橡膠嚟整，而係用咗聚酯纖維同埋特弗龍呢兩筍嘢，而且成件游水衫嘅包嵌程度，比潛水衫重要重啲嘅。

喺伊斯蘭教嘅理解

澳洲嘅伊斯蘭教教導人舍伊克·泰·艾甸·希拉莉（Sheik Taj Aldin al-Hilali）話過：「布堅尼喺伊斯蘭法同埋清真地區入面，都係符合伊斯蘭教令嘅理解。」

彈

雖然喺世界各個國家入面對伊斯蘭教徒著布堅尼呢種游水衫，都係有好廣泛嘅理解喇。但係喺歐洲嘅一部份國家仔入面，都出現過有啲女仔喺公眾場合入面，着住件布堅尼游水就引起咗社會嘅廣泛輿論。喺2009年8月份嘅法國嗰頭，試過有個女仔因為着布堅尼去游水，搞到俾政府告。因為法國政府話過，唔畀當地嘅婦女喺當地嘅泳池入面着住布堅尼游水衫去游水，因為泳池有自身嘅衛生標準，而唔係對女性嘅歧視。加上呢啲噉嘅游水衫喺公共場合着住會掂到各種病毒，而呢啲病毒入咗水之後就會傳畀其他游水嗰啲人搞到有病。

呢個詞語嘅合成詞嚟法

「布堅尼」係由波卡同埋比堅尼組成嘅一個新嘅詞語，係註冊商標。