溫哥華白浪足球會

出自維基百科,自由嘅百科全書
溫哥華白浪
Vancouver Whitecaps
全名溫哥華白浪足球會
外文全名Vancouver Whitecaps F.C.
花名白浪
創會1974年
主場卑詩大球場(BC Place Stadium)
(容納人數:21000人 )
主席 羅拔·里納杜慈
領隊 卡爾·羅賓遜
打緊聯賽北美足球大聯盟
球會網站
波衫供應阿迪達斯
波衫廣告加拿大貝爾電訊
主場波衫
作客波衫

溫哥華白浪粵拼wan1 go1 waa4 baak6 long6英文Vancouver Whitecaps,有時誤譯做「溫哥華白帽」)係加拿大溫哥華嘅一支職業足球隊,1974年組隊,2011賽季加入北美足球大聯盟(Major League Soccer),成為大聯盟嘅第16支球隊。

球員及教練組[編輯]

現役球員[編輯]

號碼
位置
球員名
1 美國 布萊恩·梅雷迪斯
3 智利 克里斯提安·古鐵雷斯
4 法國 蘭科·維謝利諾維奇
6 大韓民國 黃仁範
7 法國 大衛·米林科維奇
9 加拿大 盧卡斯·卡瓦利尼
11 哥倫比亞 克里斯提安·達霍美
12 哥倫比亞 弗雷迪·蒙特羅
13 加拿大 德雷克·科爾尼里厄斯
15 澳洲 安德魯·羅斯
16 加拿大 馬克西米利安·克雷普
17 加納 雷歐納德·歐烏蘇
19 畿內亞比紹 札尼歐·比凱爾
20 突尼西亞 賈瑟爾·赫米理
22 阿根廷 艾里克·戈多伊
號碼
位置
球員名
27 加拿大 萊恩·拉珀索
28 美國 雅各·內爾溫斯基
29 秘魯 約爾迪·雷納
31 加拿大 羅素·泰拔
31 加拿大 帕特里克·梅特卡夫
34 加拿大 吉安弗蘭科·法克伊內利
50 加拿大 瑟洛尼厄斯·貝爾
51 加拿大 托馬斯·哈薩爾
52 伊拉克 阿里·阿德南
54 加拿大 賽門·科林
62 加拿大 達米亞諾·佩契雷
65 加拿大 邁克爾·巴爾迪西莫
87 加拿大 托桑特·瑞克茨
94 加拿大 若爾日·穆庫姆比盧瓦

外借球員[編輯]

目前無外借球員。

教練組[編輯]

現任總教練卡爾·羅賓遜

更新到2014年2月25號[1]

職位 粵語姓名 外文姓名 國籍
總教練 卡爾·羅賓遜 Carl Robinson 威爾斯
助理教練 珀馬田 Martyn Pert 英格蘭
體能教練 戈敦·科利斯特 Gordon Forrest 蘇格蘭
守門員教練 馬遼斯·略夫德 Marius Røvde 挪威
錄影分析師及球探負責人 丹尼爾·舒騰茨 Daniel Stenz 德國

過去嘅主教練[編輯]

任職時間 粵語姓名 外文姓名 國籍
舊聯賽(加足聯美職足聯A級聯賽聯合足聯甲組)時期
1987年-1993年 羅拔·里納杜慈 Bob Lenarduzzi 加拿大
1994年-1999年 卡爾·華倫泰因 Carl Valentine 英格蘭
2000年-2001年 地爾·威廉·米秋 Dale William Mitchell 加拿大
2002年-2004年 安東尼奧·豐些卡 António Fonseca 葡萄牙
2005年-2007年 波布·利利 Bob Lilley 美國
2008年-2011年 提圖勒·索達勒遜[2] Teitur Þórðarson 冰島
大聯盟時期
2011年-2011年5月30號 提圖勒·索達勒遜 Teitur Þórðarson 冰島
2011年5月30號-2011年10月25號 湯馬士·商 Tom Soehn 美國
2011年10月26號-2013年10月29號 馬田·倫尼[3] Martin Rennie 蘇格蘭

歷史[編輯]

舊北美聯賽時期[編輯]

舊北美聯賽時期嘅溫哥華白浪球衫
主場波衫
作客波衫

第一支叫做「溫哥華白浪」嘅球隊係喺1973年12月11號成立嘅。最初嘅投資者包括:哈勞德·卡樸慈(後來成為總裁)、德尼·菲弛(後來成為總教練)、活禾德百貨公司嘅東主查爾斯·N·活禾德、律師查克·韋爾斯、卑詩軸承工程公司嘅總裁溫迪·麥當努、以及查理·布朗牛扒餐廳嘅東主派崔克·麥古利亞里同哈利·毛[4]

根據溫哥華白浪嘅官方解釋,「白浪」爾個名喺德尼·菲弛諗出來嘅:喺一個天晴嘅晏晝,德尼·菲弛揸車通過獅門橋嘅時候,見到橋下邊嘅白浪,又見到遠方山頂白色嘅雪,好似啲山峰戴徂白色嘅帽恁樣(英文「whitecaps」一個詞嘅時候指白浪,但係拆成兩個詞「white caps」嘅時候就解做「白色嘅帽」),於是就諗到徂「Whitecaps」爾個名[5]

1974年,溫哥華白浪開始喺北美足球聯賽作賽。1979年,經過幾年嘅磨練之後,溫哥華白浪贏到球會歷史上第一座聯賽冠軍獎盃「足球碗」——先係爆冷擊敗當時公認嘅奪冠大熱門紐約宇宙,再係喺紐約擊敗另一支強隊譚帕灣狂人。爾個時代嘅溫哥華白浪亦都培育出徂好多當時街知巷聞嘅明星,包括蕭華諾·里納杜慈李斯·帕遜斯古靈·莊遜等等,其中唔少更加為加拿大國家隊上過陣。經歷過季後賽洗禮嘅溫哥華,對足球嘅熱情驟然飆升。每當溫哥華白浪打主場比賽嘅時候,帝國大球場幾乎都一票難求,更經常出現門票售罄嘅現象。

1983年,喺帝國大球場打徂9年足球之後,溫哥華白浪將主場搬徂去容量更大嘅卑詩大球場。1983年6月20號,溫哥華白浪喺主場迎戰西雅圖海灣人嘅比賽,入場人數高達60342人[6],創徂加拿大歷史上觀戰人數最多嘅足球賽嘅紀錄。爾項紀錄直到2012年先至被滿地可衝擊打破[6]。不幸嘅係,北美足球聯賽喺1984賽季之後終止運作,溫哥華白浪亦都被迫折埋。

加足聯時期[編輯]

羅拔·里納杜慈帶領溫哥華86人創造徂球隊歷史上最長嘅不敗紀錄。

1985年11月,由社區組建嘅「西海岸足球社」開始喺溫哥華組建一支新球隊。新球隊個名叫做「溫哥華86人」,起爾個名嘅原因有三個[7]

  1. 1986年係加拿大第一次殺入世界杯
  2. 1886年係溫哥華建城嘅年份;
  3. 最初有份出錢籌辦球隊嘅人一共有86位。

86人嘅股東試過好多次想將「白浪」爾個名買返來畀支新球隊用,但係每次「白浪」嘅擁有人都唔係無興趣做買賣,就係獅子大開口[8]。雖然係恁,但係好多原來效力過溫哥華白浪嘅人,包括球員同教練,都紛紛轉投溫哥華86人,其中出名嘅包括安東尼·維特斯(股東)、李斯·帕遜斯(總經理)、羅拔·里納杜慈(教練)、卡爾·華倫泰因詹·伊士頓小大衛·諾曼等等。

1987年,溫哥華86人加入加拿大足球聯賽,第一場比賽迎戰愛民頓磚人。從1988年開始,溫哥華86人連續四個賽季奪得加足聯總冠軍[9][10][11][12],連續五個賽季常規賽排名第一[9][10][11][12][13],成為全加拿大最強嘅足球隊。爾喺1988-1989賽季,喺1988年6月客場輸俾北約克火箭3-1之後,由羅拔·里納杜慈執教嘅溫哥華86人更加創下徂球會歷史上最長嘅46場不敗紀錄[14],直到1989年8月客場輸俾愛民頓磚人2-1。2004年,爾支創紀錄嘅球隊進入徂卑詩體育名人堂[15]。1990年,溫哥華86人喺本拿比主場以3-2擊敗前來踢館嘅馬里蘭海灣,第一次奪得北美球會冠軍杯。

不幸嘅係,由於積累已久嘅財政困難越來越嚴重,加足聯喺1992賽季之後被迫終止運作,溫哥華86人亦都無辦法獨善其身,被迫退出當年嘅中北美洲及加勒比海聯賽冠軍杯。

美職聯/聯合足球聯賽系統時期[編輯]

聯合足球聯賽時期嘅溫哥華白浪球衫
主場波衫
作客波衫

加足聯喺1992年被迫折埋之後,溫哥華再一次面臨無聯賽打嘅危機。1992年10月6號,溫哥華86人宣佈轉投當時爭取緊成為美國足總第一級聯賽嘅美國職業足球聯賽[16][17]。但係由於美國足總決定從零開始建立一個足球大聯盟,美國職業足球聯賽最後都係做唔到第一級聯賽。1997年,美國職業足球聯賽被聯合足球聯賽系統吸收,溫哥華白浪亦都跟著加入徂聯合足球聯賽甲組。同樣喺1992年,由於羅拔·里納杜慈被加拿大足總聘任為國家隊總教練,最後一位效力過第一代溫哥華白浪嘅球員卡爾·華倫泰因(Carl Valentine)接任總教練[18]

卡爾·華倫泰因1999年從溫哥華86人退徂休,但係10年之後佢又返到徂改頭換面嘅溫哥華白浪。宜家佢擔任緊16歲以下青年隊嘅助理教練[19]

卡爾·華倫泰因喺1999年退徂休[20]。2000年,喺大批球迷嘅支持下,溫哥華86人嘅新股東大衛·史達匿(David Stadnyk)終於由第一代白浪總裁莊·勒斯頓手頭上買到「白浪」爾個名。同年10月26號,溫哥華86人正式將球隊名改返做「溫哥華白浪」[21]。2002年,大衛·史達匿退徂休,溫哥華白浪後來攈到貴格利·奇亞富特(Gregory Kerfoot)接收大衛·史達匿手頭上嘅股權。貴格利·奇亞富特成為新大股東之後做嘅第一件事,係收購徂一支位於溫哥華嘅女子足球隊「溫哥華天使」,再將溫哥華天使同原來86人隊嘅女子隊合併成一支新球隊「溫哥華怒濤」(Vancouver Breakers),加入聯合足球聯賽女子組作賽[18]。2003年,球會旗下嘅所有球隊(包括青訓項目)開始統一用「白浪足球會」做通用名。

2006年,溫哥華白浪第一次成為雙料冠軍:先係女子隊喺2006年8月6號以3-0擊敗渥太華暴怒女子隊,奪得聯合足球聯賽女子組冠軍[18],跟著係男子隊喺羅車斯特PAETEC公園球場以0-3擊敗主場嘅羅車斯特犀牛,奪得聯合足球聯賽甲組總冠軍——亦都係自1991年奪得加足聯總冠軍以來第一次奪得聯賽總冠軍[18]。2008年10月12號,溫哥華白浪憑藉查爾斯·格比奇(Charles Gbeke)嘅兩粒入球,以2-1擊敗波多黎各島民,再次奪得聯合足球聯賽甲組冠軍。但係好景不長,2009賽季嘅溫哥華白浪到季尾祇係排喺聯賽第七,勉強入到季後賽,不過最後都係被滿地可衝擊兩個回合以6-3淘汰徂出局,衛冕失敗[22]

2009年,由於美國商人謝菲·古帕(Jeff Cooper)同其他幾個甲組球隊股東重建北美足球聯賽嘅計劃失敗,美國足協臨時組建徂美國足協乙組職業聯賽USSF Division 2 Professional League),作為2010賽季嘅過渡聯賽[23]。由於溫哥華白浪嘅大股東貴格利·奇亞富特有份參與組建北美足球聯賽,因此被美國足協編入北美賽區,到季尾喺聯賽排名第五,喺四強賽出局。

大聯盟時期[編輯]

艾歷·阿斯利射入徂球隊喺大聯盟嘅第一粒入球。

2008年7月24號,北美足球大聯盟宣佈會喺2011年賽季引入兩支新球隊[24]。同一年,溫哥華白浪嘅大股東貴格利·奇亞富特同加拿大商人謝菲·馬列以及美國商人史提芬·盧佐拍檔,馬上組建徂財團競投擴張名額,重吸引到籃球明星史提芬·拿殊加盟(史提芬·拿殊個細佬就係長年擔當溫哥華隊長,重為加拿大國家隊效力過嘅名宿馬田·拿殊[25][26]。財團喺同一年10月15號正式遞交徂標書[27],而貴格利·奇亞富特同謝菲·馬列就代表財團喺11月21日同大聯盟高層會面。大聯盟總監當·加伯同總裁馬克·阿拔喺12月7號到訪溫哥華,參觀卑詩大球場[28]

馬田·倫尼帶領溫哥華白浪第一次殺入徂大聯盟季後賽。

2009年3月18號,大聯盟宣佈溫哥華奪得其中一個擴張名額[29]。一年之後,代表溫哥華競投嘅財團宣佈會繼續用「白浪」做隊名[30][31][32][33]。為徂準備加入大聯盟,溫哥華白浪派人四出招攬人才,先係喺2009年11月24號挖到熱刺嘅保羅·巴伯過來做行政總裁,再係挖到華盛頓特區嘅前主教練湯馬士·商來做營運總監,同埋尼德蘭人列哈特·顧律茨豪滕來做技術總監兼青訓總教練。帶領球隊奪得過北美聯合足球聯賽專業組冠軍嘅總教練嘅提圖勒·索達勒遜繼續做總教練。

2011年3月19號,溫哥華白浪第一次喺大聯盟亮相,以4-2擊敗多倫多FC,法國球員艾歷·阿斯利射入白浪喺大聯盟嘅第一粒入球。但係今次勝利祇係剎那光輝,之後溫哥華白浪連續14場比賽都贏唔到,最後聯賽包尾收季。5月30號,喺溫哥華白浪以1-1艱難恁逼和徂紐約紅牛之後,提圖勒·索達勒遜被白浪炒徂魷魚[34],營運總監湯馬士·商接任臨時總教練[34],直到8月9號白浪請到蘇格蘭人馬田·倫尼接任總教練[35]

溫哥華白浪嘅第一場大聯盟比賽:喺帝國球場迎戰多倫多FC。

2012年10月21號,溫哥華白浪成為第一支殺入大聯盟季後賽嘅加拿大球隊[36],不過喺聯賽第一輪就被洛杉磯銀河踢徂出局。2013年,由於喺最後兩場比賽裡邊表現失常,溫哥華白浪再次同季後賽失之交臂。常規賽結束徂兩日之後,溫哥華白浪宣佈唔同總教練馬田·倫尼續約[37]。兩個月之後,溫哥華白浪宣佈提拔助理教練卡爾·羅賓遜做總教練[38]

2014年十月,作為大聯盟常規賽排名最高嘅加拿大球隊,加上加拿大冠軍賽2015年女足世界杯時間衝突,溫哥華白浪第一次獲得2016年中北美洲及加勒比海聯賽冠軍杯嘅參賽資格。一個星期之後,溫哥華白浪成為徂第一支兩次殺入大聯盟季後賽嘅加拿大球隊。可惜嘅係,係季後賽第一輪,溫哥華白浪就因為一個好具爭議性嘅手球判罰,而以1-2被FC達拉斯擊敗。

2015年6月1號,2015-2016中北美洲及加勒比海聯賽冠軍杯小組賽抽籤結果出爐:溫哥華白浪會喺小組賽階段硬撼洪都拉斯奧林匹亞體育會,以及同區死敵西雅圖海灣人[39]

歷代會徽[編輯]

主場[編輯]

史旺加德球場

溫哥華白浪自從喺1974年成立以來,一共用過三座主場:

  • 1974年組隊之後嘅第一座主場係為1954年大英帝國運動會而建造嘅帝國大球場,同加拿大加式足球聯賽卑詩雄獅隊共享主場,1983年兩支球隊搬澌去卑詩大球場之後,帝國大球場喺1990年代拆徂;
  • 1985年組建嘅溫哥華86人以溫哥華東邊嘅本拿比史旺加德球場做主場,直到2011年進入大聯盟
  • 2011年上半賽季,由於當時卑詩大球場裝緊新屋頂,白浪隊以帝國球場(一座喺帝國大球場舊址上邊起嘅臨時球場)作為主場,同樣係同卑詩雄獅隊共享主場,卑詩大球場翻新完成之後,兩支球隊同時搬徂返去卑詩大球場,而帝國球場就喺無幾耐之後拆徂。

溫哥華白浪原本計劃喺溫哥華嘅煤氣鎮起一座專屬球場,但係由於遭到居民嘅強烈反對,爾項計劃已經無限期擱置[40]

紀錄[編輯]

賽季數據[編輯]

第一代白浪時期[編輯]

賽季 聯賽 積分 常規賽 季後賽
1974 北美足球聯賽 5 11 4 70 西賽區第四 未入圍
1975 北美足球聯賽室內錦標賽 1 1 2 第四分區第二 未入圍
1975 北美足球聯賽 11 11 99 西賽區第四 未入圍
1976 北美足球聯賽室內錦標賽 0 2 0 西分區第四 未入圍
1976 北美足球聯賽 14 10 120 太平洋賽區西分區第三 第一輪出局(西雅圖
1977 北美足球聯賽 14 12 124 太平洋賽區西分區第二 賽區決賽出局(西雅圖
1978 北美足球聯賽 24 6 199 國聯賽區西分區第一 第一輪晉級 (多倫多)
賽區半決賽出局(波特蘭)
1979 北美足球聯賽 20 10 172 國聯賽區西分區第一 賽區八強賽晉級(達拉斯
賽區半決賽晉級(洛杉磯
贏賽區總決賽(紐約
贏1979年足球碗譚帕灣
1979/80 北美足球聯賽室內錦標賽 未參賽
1980 北美足球聯賽 16 16 139 國聯賽區西分區第三 第一輪出局(西雅圖
1980/81 北美足球聯賽室內錦標賽 11 7 北分區第一 第一輪晉級(加州
半決賽出局(愛民頓
1981 北美足球聯賽 21 11 186 西北分區第一 第一輪出局(譚帕灣
1981/82 北美足球聯賽室內錦標賽 10 8 國聯賽區西北分區第二 第一輪出局(聖地亞哥
1982 北美足球聯賽 20 12 160 西分區第三 第一輪出局(聖地亞哥
1982/83 北美足球聯賽室內錦標賽 賽季取消
1983 北美足球聯賽 24 6 187 西分區第一 第一輪出局(多倫多
1983/84 北美足球聯賽室內錦標賽 12 20 第五 未入圍
1984 北美足球聯賽 13 11 117 西分區第二 半決賽出局(芝加哥

第二代白浪時期(包括86人時期)[編輯]

年份 聯賽級別 聯賽 常規賽 季後賽 加拿大
冠軍賽
北美冠軍賽 北美
聯賽
冠軍
1987 加足聯 西賽區第二 半決賽
1988 加足聯 西賽區第一 冠軍
1989 加足聯 西賽區第一 冠軍
1990 加足聯 西賽區第一 冠軍 冠軍
1991 加足聯 第一 冠軍
1992 加足聯 第一 總決賽 八強賽 第一輪
1993 美職聯 第一 半決賽
1994 美職聯 第六 未入圍
1995 A聯賽 第三 半決賽
1996 A聯賽 第五 未入圍
1997 A級聯賽 太平洋分區第三 賽區總決賽
1998 A級聯賽 太平洋分區第四 賽區八強賽
1999 A級聯賽 太平洋分區第二 賽區八強賽
2000 A級聯賽 太平洋分區第三 賽區半決賽
2001 A級聯賽 西賽區第一 半決賽
2002 A級聯賽 太平洋分區第三 賽區總決賽 季軍
2003 A級聯賽 太平洋分區第二 分區總決賽 季軍
2004 A級聯賽 西賽區第二 半決賽 殿軍
2005 USL甲組聯賽 第三 八強賽 亞軍
2006 USL甲組聯賽 第四 冠軍 季軍
2007 USL甲組聯賽 第七 八強賽 亞軍
2008 USL甲組聯賽 第二 冠軍 季軍 未入圍
2009 USL甲組聯賽 第七 總決賽 亞軍 未入圍
2010 美國足協
乙組聯賽
北美賽區第二,聯賽第五 半決賽 亞軍 未入圍

大聯盟時期[編輯]

賽季 常規賽 排名 季後賽




北美
聯賽
冠軍
頭號射手
比賽 入球 失球 積分 賽區
排名
聯賽
排名
球員 常規賽
入球
2011 34 6 18 10 35 55 28 9 18 未入圍 亞軍 未入圍 巴西 卡美洛·聖維佐 12
2012 34 11 13 10 35 41 43 5 11 第一輪 亞軍 未入圍 牙買加 達倫·馬托斯 7
2013 34 13 12 9 53 45 48 7 13 未入圍 亞軍 未入圍 巴西 卡美洛·聖維佐 22
2014 34 12 8 14 42 40 50 5 9 第一輪 半決賽 未入圍 智利 彼德羅·莫拉利斯 10

個人紀錄[編輯]

最佳射手[編輯]

排名 位置 姓名 國籍 效力年份 常規賽 季後賽 加拿大
冠軍賽
北美聯賽
冠軍杯
總數
中文 外文
1 前鋒 卡美洛·聖維佐 Camilo Sanvezzo 巴西 巴西 2011–13 39 0 4 43
2 前鋒 達倫·馬托斯 Darren Mattocks 牙買加 牙買加 2012– 16 1 1 18
3 前鋒 艾歷·阿斯利 Éric Hassli  法國 2011–12 12 3 15
4 前鋒 堅尼·苗勒 Kenny Miller 蘇格蘭 蘇格蘭 2012–14 13 0 0 13
5 前鋒 彼德羅·莫拉利斯 Pedro Morales  智利 2014– 10 0 1 11
前鋒 奇古塔·曼尼 Kekuta Manneh 甘比亞 甘比亞 2013– 10 0 1 11
7 中場 基亞桑·哥菲 Gershon Koffie 加納 加納 2011– 8 0 0 8
8 後衛 佐敦·夏維 Jordan Harvey 美國 美國 2011– 7 0 0 7
前鋒 艾力·烏勒塔多 Erik Hurtado 美國 美國 2013– 5 1 1 7
10 前鋒 些巴斯迪恩·勒圖 Sébastien le Toux  法國 2012 4 2 6

出賽次數最多[編輯]

排名 位置 姓名 國籍 效力年份 常規賽 季後賽 加拿大
冠軍賽
北美聯賽
冠軍杯
總數
中文 外文
1 中場 基亞桑·哥菲 Gershon Koffie 加納 加納 2011– 106 2 9 117
2 後衛 佐敦·夏維 Jordan Harvey 美國 美國 2011– 98 2 7 107
3 前鋒 卡美洛·聖維佐 Camilo Sanvezzo 巴西 巴西 2011–13 92 0 10 102
4 前鋒 達倫·馬托斯 Darren Mattocks 牙買加 牙買加 2012– 72 2 7 81
5 中場 羅素·泰拔 Russell Teibert 加拿大 加拿大 2011– 69 0 10 79
6 後衛 阿蘭·羅莎 Alain Rochat 瑞士 2011–13 67 1 9 77
後衛 謝伊·德美列 Jay DeMerit 美國 美國 2011–14 71 1 5 77
8 後衛 李榮杓 이영표 韓國 韓國 2012–13 65 1 3 69
9 守龍門 祖·卡農 Joe Cannon 美國 美國 2011–13 56 0 3 59
10 後衛 安迪·奧拜仁 Andy O'Brien  愛爾蘭 2012–14 50 2 4 56

年度最佳球員[編輯]

卡美洛·聖維佐係溫哥華白浪加入大聯盟之後最好嘅射手之一。
年度 姓名 國籍
中文 外文
2011 卡美洛·聖維佐 Camilo Sanvezzo 巴西 巴西
2012 李榮杓 이영표 韓國 韓國
2013 卡美洛·聖維佐 Camilo Sanvezzo 巴西 巴西
2014 彼德羅·莫拉利斯 Pedro Morales  智利

金靴獎[編輯]

年度 姓名 國籍 入球
中文 外文
2011 卡美洛·聖維佐 Camilo Sanvezzo 巴西 巴西 12
2012 達倫·馬托斯 Darren Mattocks 牙買加 牙買加 7
2013 卡美洛·聖維佐 Camilo Sanvezzo 巴西 巴西 22
2014 彼德羅·莫拉利斯 Pedro Morales  智利 10

主要對手[編輯]

卡斯卡迪亞盃對手[編輯]

卡斯卡迪亞盃係溫哥華白浪、西雅圖海灣人同埋波特蘭伐木工三支球隊嘅支持者喺2004年自發成立嘅盃賽,因此伊三支球隊互為主要對手。

加拿大冠軍賽對手[編輯]

加拿大冠軍賽係加拿大職業足球隊嘅最高榮譽,贏到加拿大冠軍賽就可以代表加拿大出戰中北美及加勒比海聯賽冠軍盃,因此參加加拿大冠軍賽嘅五支球隊,包括溫哥華白浪、滿地可衝擊多倫多足球會渥太華暴怒愛民頓足球會,互為主要對手。

睇埋[編輯]

參考[編輯]

  1. "Technical Staff | Vancouver Whitecaps FC". www.whitecapsfc.com. 喺February 25, 2014搵到.
  2. "Thordarson Given His Big Chance". Prost Amerika. September 2, 2010. 原著喺2011年7月15號歸檔. 喺March 13, 2011搵到.
  3. Martin MacMahon (August 9, 2011). "Whitecaps name Rennie as head coach starting in 2012". MLSsoccer.com. 原著喺2011年8月19號歸檔. 喺November 4, 2011搵到.
  4. Fryatt, David (2002). "THE PCSL - When did soccer have its beginnings in British Columbia?". The PCSL. 原著喺2013年2月3號歸檔. 喺April 10, 2013搵到.
  5. "Whitecaps FC mourn the passing of former club GM Denny Veitch". 溫哥華白浪. 2011-12-22. 原著喺2012-02-04歸檔. 喺2015-03-14搵到.
  6. 6.0 6.1 Press Release (May 12, 2012). "Report: Impact ties LA Galaxy 1-1 in front of 60,860 spectators at Olympic Stadium | Montreal Impact". Impactmontreal.com. 原著喺2015年9月24號歸檔. 喺January 11, 2014搵到.
  7. . 溫哥華白浪. 喺2015-03-14搵到.
  8. Davidson, Neil (October 25, 2000). "Whitecaps roll in, 86ers roll out of A-League". Canadian Broadcasting Corporation - Sports. 喺April 24, 2013搵到.
  9. 9.0 9.1 "This Year in American Soccer: 1988". 原著喺2013-07-13歸檔. 喺2015-03-14搵到.
  10. 10.0 10.1 "This Year in American Soccer: 1989". 原著喺2012-02-09歸檔. 喺2015-03-14搵到.
  11. 11.0 11.1 "This Year in American Soccer: 1990". 原著喺2013-07-13歸檔. 喺2015-03-14搵到.
  12. 12.0 12.1 "This Year in American Soccer: 1991". 原著喺2014-12-28歸檔. 喺2015-03-14搵到.
  13. "This Year in American Soccer: 1992". 原著喺2009-12-06歸檔. 喺2015-03-14搵到.
  14. . 溫哥華白浪. 喺2015-03-14搵到.
  15. "1989 Vancouver '86ers (M)". 卑詩體育名人堂. 原著喺2015-02-12歸檔. 喺2015-03-14搵到.
  16. "Deals - Soccer - APSL - Announced that the Vancouver 86ers will join the league for the 1992-93 season". The Seattle Times Newspaper. October 8, 1992. 喺August 11, 2014搵到.
  17. "SOCCER American Professional Soccer League pg 17". The Indiana Gazette Newspaper. October 8, 1992. 喺August 11, 2014搵到.
  18. 18.0 18.1 18.2 18.3 "2011 Vancouver Whitecaps FC Media Guide" (PDF). 溫哥華白浪. 原著 (PDF)喺2016-03-03歸檔. 喺2015-03-15搵到.
  19. "Soccer Operations". 溫哥華白浪. 喺2015-03-16搵到.
  20. Litterer, David (January 31, 2010). "The Year in American Soccer - 1999". American Soccer Archives. 原著喺2013年2月3號歸檔. 喺March 31, 2013搵到.
  21. "History | Vancouver Whitecaps FC". Whitecapsfc.com. 喺May 28, 2013搵到.
  22. "Montreal wins USL-1 title". www.uslsoccer.com. October 17, 2009. 原著喺2011年5月14號歸檔. 喺January 9, 2010搵到.
  23. "Division 2 Professional League To Operate in 2010". ussoccer.com. 2010-01-07. 原著喺2010-01-10歸檔. 喺2010-01-09搵到.
  24. "Major League Soccer: News: Article". 原著喺2008年7月27號歸檔. 喺2015年3月13號搵到.
  25. Grange, Michael (February 24, 2011). "Has soccer's time come in Canada?". The Globe and Mail. 喺October 7, 2012搵到. {{cite news}}: Italic or bold markup not allowed in: |publisher= (help)
  26. "'Caps pursue franchise in MLS". 原著喺2008年7月31號歸檔. 喺2015年3月13號搵到.
  27. "MLS News and Notes". The Star-Ledger. 2008-11-21.
  28. "MLS bosses tour BC Place". 溫哥華太陽報. 2008-12-11. 原著喺2009-02-12歸檔. 喺2015-03-13搵到.
  29. "MLS awards Vancouver team for 2011". March 18, 2009. 喺October 17, 2010搵到.
  30. "It's official: Whitecaps joining MLS in 2011". The Vancouver Sun. March 18, 2009. 原著喺2009年3月22號歸檔. 喺2015年3月13號搵到.
  31. "MLS expected to announce Vancouver expansion team". CBC News. March 17, 2009.
  32. "Whitecaps to announce they will join MLS in 2011". The Vancouver Sun. March 17, 2009. 原著喺2009年3月22號歸檔. 喺2015年3月13號搵到.
  33. "Whitecaps to announce MLS franchise secured". Canwest News Service. March 17, 2009. 原著喺2009年3月21號歸檔. 喺2015年3月13號搵到.
  34. 34.0 34.1 Vancouver Whitecaps FC (May 30, 2011). "Whitecaps FC announce technical staff changes". WhitecapsFC. 原著喺2011年6月2號歸檔. 喺May 30, 2011搵到.
  35. Martin MacMahon. "Vancouver's Rennie opens camp, names first assistant". MLSsoccer.com. 原著喺2011年11月14號歸檔. 喺November 4, 2011搵到.
  36. The Canadian Press (October 21, 2012). "Whitecaps 1st Canadian team to make MLS playoffs". CBC.ca. 喺October 22, 2012搵到.
  37. "Whitecaps fire head coach Martin Rennie - CBC Sports - Soccer". Cbc.ca. October 29, 2013. 喺October 29, 2013搵到.
  38. "Vancouver Whitecaps introduce Carl Robinson as head coach". Vancouver Sun. 16 December 2013. 原著喺2013年12月20號歸檔. 喺16 December 2013搵到.
  39. 哥華白浪Twitter. 溫哥華白浪. 2015-06-01. 喺2015-06-02搵到.
  40. "B.C. Place to see action by October". The Vancouver Province. 2011-02-08. 喺2011-02-17搵到.{{cite web}}: CS1 maint: url-status (link)