火星文

火星文（火星人文字），比喻一種網上流行語。因為網民求方便、識字有限或者彰顯個性，就用同音字、近音字、符號取代正字。結果產生唔標準嘅用字，文法奇怪難讀，「地球人唔會明」作為諷刺。個叫法臺灣發明，之後到香港、中國大陸，甚至華僑。

雖然呢種叫法本來係針對中文，但係並唔係中文先有咁嘅現象；例如，火星文喺法文嘅網路世界亦曾經常見。

定義

香港對火星文定義有兩種，具體如下：

狹義有符號、將漢字拆開寫、特別係簡體字，重有符號當字用。唔識就會一頭霧水。

廣義上所有未受到政府教育局 (香港)、考評局等部門規範用語。但係唔同機構會有爭議。

來自方言或外語

港女文

港女文係香港特色火星文一種，泛指「港女」打字好獨特，有種語言密碼形式。

加上未糾正語音情況下，大家發明帶懶音偽廣東話火星文有：：

本字	粵音	普通話讀音	與普通話讀音相似的粵字	相似字粵音
我	ngo5	wǒ	禾	wo4
點	dim2	diǎn	典	din2
好	ho2	hǎo	巧	haau2

例子：

• 「陰謀」寫成「陰毛」
• 「我點算好？」寫成「禾典扇巧？」。

日文用語

• 你係我好麻吉！（英文match翻成日語再譯中文變成「麻吉」，實際指夥伴）
• 私今天沒事做。（「私」日文中解「我」）
• 紅豆泥？（日語「本当に？」意指「真嗎？」）
• 摳你菊花。（日語「こんにちは」意指「日安」）

關鍵字過濾助長火星文

敏感内容、政治、違法用字過濾問題上，市民會想取代品，火星文就係一種暗號！

出面網站

• 火星文VS典雅用語