瑪麗·居里

瑪麗·居里
姓名原文	Marie Curie、Maria Skłodowska-Curie
出生日	1867年11月7號
出生地	華沙
本名	Marya Salomea Skłodowska
死亡日	1934年7月4號  （66歲）
死亡地	Sancellemoz
死因	aplastic anemia
國籍	法國、俄羅斯帝國、波蘭第二共和國
母語	波蘭文
識嘅語言	俄文、波蘭文、法文、德文、英文
信奉	不可知論
學位	licentiate、博士
母校	Science Faculty of Paris、Flying University、巴黎大學、X LO im. Królowej Jadwigi in Warsaw、巴黎大學、巴黎大學
職業	物理學家、化學家、大學教員
僱主	巴黎大學、索邦樓、Curie Institute
名作	Treatise on Radioactivity
配偶	居里
仔女	伊雷娜約里奧居里、Ève Curie
家族	House of Skłodowski
阿爸	Władysław Skłodowski
阿媽	Bronisława Skłodowska
兄弟姊妹	Bronisława Dłuska、Józef Skłodowski、Helena Skłodowska-Szaley
[改維基數據]

瑪麗·居里（又叫居里夫人、居禮夫人，全名瑪莉亞·沙洛美亞·斯郭多夫斯卡－居里，Maria Salomea Skłodowska-Curie，1867年11月7號—1934年7月4號）係波蘭物理學家同放射化學家，亦係頭一個攞諾貝爾獎嘅女科學家。

佢攞過兩次諾貝爾獎，一次係諾貝爾化學獎，一次係諾貝爾物理學獎。1903年同老公皮耶·居里（Pierre Curie）同埋安托雲·昂希·碧格希勒（Antoine Henri Becquerel）分享咗諾貝爾物理學獎，1911年又因放射化學方面嘅成就獲得諾貝爾化學獎。而佢之所以得到諾貝爾化學獎，係因為佢發現咗鐳呢一種元素。

佢亦係「居里學院」嘅始創人。

生平

瑪麗1867年喺波蘭華沙出世，曾經患咗一年嘅精神病。由於係女性，佢唔可以響任何俄羅斯或者波蘭嘅大學繼續進修，所以做咗幾年嘅家庭教師。最後，佢喺家姐嘅經濟支援下移居法國巴黎，而且響法蘭西大學（以前叫做索邦書院，1896年改名做巴黎大學）學數學同物理，後來重成為咗法蘭西大學嘅第一名女性講師。

瑪麗響索邦識咗另一名講師，皮耶·居里，即係佢後來嘅老公。佢哋兩個成日一齊做放射性物質嘅研究，以瀝青鈾礦石為主，因為呢種礦石嘅總放射性比佢所含嘅鈾嘅放射性重要強。1898年，居里夫婦對呢種現象提出咗一個邏輯嘅推斷：瀝青鈾礦石中一定有某種未知嘅放射成分，佢放射性遠遠大過鈾。響12月26號，瑪麗居里公佈咗呢種新物質存在嘅設想。

之後嘅幾年裏面，居里夫婦不斷噉提煉瀝青鈾礦石中嘅放射成分。努力不懈之後，佢哋終於成功分出咗氯化鐳，重發現咗兩種新嘅化學元素：釙（Polonium, Po, 84）同鐳（Radium, Ra, 88）。因為佢哋喺放射性上嘅發現同研究，居里夫婦同安托雲·昂希·碧格希勒一齊分享1903年嘅諾貝爾物理學獎，瑪麗居里亦因此成為史上頭一位攞諾貝爾獎嘅女性。八年之後嘅1911年，佢又因為成功分離鐳元素而獲得諾貝爾化學獎。出乎意料嘅係，瑪麗居里喺獲得諾貝爾獎之後，冇為提煉純淨鐳嘅方法申請專利，而係將提煉方法公佈咗出來，呢種做法有效推動放射化學嘅發展。

瑪麗居里係史上頭一位攞兩項諾貝爾獎嘅人，而且係僅有嘅兩個喺唔同領域攞諾貝爾獎嘅人之一。喺第一次世界大戰時期，瑪麗居里提倡用放射學救護傷者，推動放射學喺醫學領域裏面嘅運用。之後，佢曾經喺1921年去美國旅遊並為放射學嘅研究籌款。瑪麗居里由於過度接觸放射性物質而喺1934年7月4號死喺法國上薩華。

後來，瑪麗居里個大女伊軒·左里俄-居里（Irène Joliot-Curie）喺1935年獲得諾貝爾化學獎；細女伊芙·居里（Eve Curie）喺瑪麗居里死咗之後寫咗《瑪麗居里傳》。喺1990年代嘅通貨膨脹期間，瑪麗居里嘅頭像曾經出現喺波蘭同法國嘅銀紙同郵票上。化學元素鋦（Curium, Cm, 96）就係為紀念居里夫婦而命名嘅。