居里夫人

出自維基百科,自由嘅百科全書
Jump to navigation Jump to search
居里夫人
Marie Curie (Nobel-Chem).jpgMarie Curie c1920.jpg
姓名原文 Marie Curie、Maria Skłodowska-Curie
出生日 1867年11月7號 Edit this on Wikidata
出生地 華沙 Edit this on Wikidata
本名 Marya Salomea Skłodowska
死亡日 1934年7月4號 Edit this on Wikidata
死亡地 Sancellemoz Edit this on Wikidata
死因 aplastic anemia Edit this on Wikidata
國籍 法國波蘭 Edit this on Wikidata
母語 波蘭文 Edit this on Wikidata
通曉 俄文波蘭文法文 Edit this on Wikidata
信奉 不可知論 Edit this on Wikidata
母校 Science Faculty of Paris、Flying University、巴黎大學、Sorbonne、Q9383191、巴黎大學巴黎大學 Edit this on Wikidata
職業 物理學家化學家、大學教員、nuclear scientist Edit this on Wikidata
僱主 巴黎大學 Edit this on Wikidata
配偶 居里 Edit this on Wikidata
仔女 Irène Joliot-Curie、Ève Curie Edit this on Wikidata
家族 Q63531961 Edit this on Wikidata
阿爸 Władysław Skłodowski Edit this on Wikidata
兄弟姊妹 Bronisława Dłuska、Józef Skłodowski、Helena Skłodowska-Szaley Edit this on Wikidata

居里夫人(又叫居禮夫人,全名瑪莉亞·沙洛美亞·斯郭多夫斯卡-居里Maria Salomea Skłodowska-Curie1867年11月7號1934年7月4號)係波蘭物理學家同放射化學家,亦係頭一個攞諾貝爾獎嘅女科學家

佢攞過兩次諾貝爾獎,一次係諾貝爾化學獎,一次係諾貝爾物理學獎。1903年同老公皮耶·居里(Pierre Curie)同埋安托雲·昂希·碧格希勒(Antoine Henri Becquerel)分享咗諾貝爾物理學獎,1911年又因放射化學方面嘅成就獲得諾貝爾化學獎。而佢之所以得到諾貝爾化學獎,係因為佢發現咗呢一種元素

佢亦係「居里學院」嘅始創人。

生平[編輯]

居里夫人1867年喺波蘭華沙出世,曾經患咗一年嘅精神病。由於係女性,佢唔可以響任何俄羅斯或者波蘭嘅大學繼續進修,所以做咗幾年嘅家庭教師。最後,佢喺家姐嘅經濟支援下移居法國巴黎,而且響法蘭西大學(以前叫做索邦書院,1896年改名做巴黎大學)學數學同物理,後來重成為咗法蘭西大學嘅第一名女性講師。

居禮夫人響Sorbonne識咗另一名講師,皮耶·居里,即係佢後來嘅老公。佢哋兩個成日一齊做放射性物質嘅研究,以瀝青鈾礦石為主,因為呢種礦石嘅總放射性比佢所含嘅鈾嘅放射性重要強。1898年,居里夫婦對呢種現象提出咗一個邏輯嘅推斷:瀝青鈾礦石中一定有某種未知嘅放射成分,佢放射性遠遠大過鈾。響12月26號,居里夫人公佈咗呢種新物質存在嘅設想。

之後嘅幾年裏面,居里夫婦不斷噉提煉瀝青鈾礦石中嘅放射成分。努力不懈之後,佢哋終於成功分出咗氯化鐳,重發現咗兩種新嘅化學元素:(Polonium, Po, 84)同(Radium, Ra, 88)。因為佢哋喺放射性上嘅發現同研究,居里夫婦同安托雲·昂希·碧格希勒一齊分享1903年嘅諾貝爾物理學獎,居里夫人亦因此成為史上頭一位攞諾貝爾獎嘅女性。八年之後嘅1911年,居里夫人又因為成功分離鐳元素而獲得諾貝爾化學獎。出乎意料嘅係,居里夫人喺獲得諾貝爾獎之後,冇為提煉純淨鐳嘅方法申請專利,而係將提煉方法公佈咗出來,呢種做法有效推動放射化學嘅發展。

居里夫人係史上頭一位攞兩項諾貝爾獎嘅人,而且係僅有嘅兩個喺唔同領域攞諾貝爾獎嘅人之一。喺第一次世界大戰時期,居里夫人提倡用放射學救護傷者,推動放射學喺醫學領域裏面嘅運用。之後,佢曾經喺1921年去美國旅遊並為放射學嘅研究籌款。居里夫人由於過度接觸放射性物質而喺1934年7月4號死喺法國上薩華

後來,居里夫人個大女伊軒·左里俄-居里(Irène Joliot-Curie)喺1935年獲得諾貝爾化學獎;細女伊芙·居里(Eve Curie)喺居里夫人死咗之後寫咗《居里夫人傳》。喺1990年代嘅通貨膨脹期間,居里夫人嘅頭像曾經出現喺波蘭同法國嘅銀紙郵票上。化學元素(Curium, Cm, 96)就係為紀念居里夫婦而命名嘅。