跳去內容

白寶山 (罪犯)

出自維基百科,自由嘅百科全書

白寶山粵拼baak6 bou5 saan1簡化字白宝山1958年11月6號1998年4月29號)係中國大陸嘅危險罪犯,北京人,亦係中華人民共和國成立之後半世紀以嚟,先後犯咗15單連續殺人案而成爲「中國行偵第一案」同「世界第三殺人案」嘅主兇,成爲中華人民共和國境內,犯案程度最爲嚴重嘅殺人犯之一。佢啲罪案亦被拍成劇集——《末路——1997中國刑偵一號案[1][2]

生平[編輯]

白寶山喺1958年11月6號出世,阿爸同阿媽都喺首都鋼鐵公司(今日嘅首鋼集團)打工,兩歲時因阿爸死咗同阿媽改嫁,佢去咗河北保定徐水同阿爺阿嫲一齊生活。雖然1971年返到北京讀書,但因家庭背景而自卑,淨讀咗兩年就去做醬菜廠做臨時工。十九歲去咗石景山區第一電碳廠做裝卸工,試過喺工廠入面嘅實彈射擊入面,而鍾意咗槍支同射擊。廿四歲時同廠入面識得嘅女工而結婚組成家庭,重喺一年後生埋龍鳳胎。後嚟因自己收入太少而經濟壓力太大,而俾朋友滾去偷嘢。喺1982年12月到1983年1月試過同第啲人偷晾曬衫褲、單車蚊帳同埋女式手表,而喺1986年3月8號判咗入獄4年。收監後,因爲俾獄友話佢曾經偷過包粟車肽TV、倉庫零件同埋用木棍揼人哋個頭致重伤等前科,令宣武區人民法院將佢哋罪行夾埋一齊,判咗夾埋15年監禁。直到1991年被遣送到新疆石河子新安監獄,因爲喺監獄表現良好而向獄警學咗武器知識。喺收監期間,重喺1993、1994年涉嫌殺埋兩位獄友,雖然差佬有好多懷疑,但係冇證據。而白寶山喺1996年3月7號出獄,重喺5日後返到北京。佢老婆喺白寶山1986年收監後無耐,亦宣佈咗同佢離婚[3]

白寶山出獄後嘅第5日直到1997年8月26號為止,先後喺北京同新疆實施咗13單連環槍支殺人案,重喺1997年9月5號再次收監,最後喺1998年3月3號被判死刑,喺同年4月29號正式執行咗槍決。

[編輯]

  1. . . 原著喺2021-07-16歸檔. 喺2021-07-16搵到. {{cite web}}: Unknown parameter |dead-url= ignored (|url-status= suggested) (help)
  2. 疆检察机关依法对黄亚波决定逮捕,曾参与侦破"白宝山案". 广. 喺2021-07-16搵到.
  3. 天大案纪实|中国刑侦第一案-白宝山杀人案. . 原著喺2021-07-18歸檔. 喺2021-07-16搵到. {{cite web}}: Unknown parameter |dead-url= ignored (|url-status= suggested) (help)