石器時代

出自維基百科,自由嘅百科全書
跳去: 定向搵嘢

石器時代用石做大部分嘅工具嘅時代,分做舊石器時代中石器時代同埋新石器時代。石做嘅工具叫做石器

人進化史入便嘅第一次技術大範圍傳播就喺石器時代。人自東非大草原(savannas)散居到世界各地亦都喺石器時代開始。農業畜牧業銅器技術嘅發展結束咗石器時代。石器時代嘅歷史冇文字記載,亦叫做史前時期。

「石器時代」呢個稱呼被考古學家用來指冶金時代之前嘅漫長時期,喺呢段時期各種石製工具嘅使用遠多過用其他(更軟嘅)材料整嘅工具。喺John Lubbock 1865年寫嘅經典書《史前時代》(Pre-historic Times)中,石器時代係佢嘅三代法(three-age system)中嘅第一級,佢又被細分為舊石器時代、中石器時代同埋新石器時代(Palaeolithic, Mesolithic and Neolithic periods)。事實上,喺唔同地區(同文化)中,時代嘅更替彼此間有極大唔同。而且,甚至喺冶金時代中人類仍然不斷向新嘅地區擴張,因此當被提及到嗰時,並冇一個確定統一嘅「石器時代」。