秀全大媽

秀全大媽（粵拼：sau3 cyun4 daai6 maa1）係中國內地啲媒體對中國廣東廣州花都區秀全街道啲婦女嘅稱呼。由於佢成日喺維持交通秩序同促進街坊之間嘅關係等方面，而成爲秀全街嘅共享社會治理格局嘅主力軍而出名，重喺2019年4月24號列咗入第一屆「廣州街坊品牌榜」名單。

背景

内文：秀全街道

秀全街道喺1980年代初花都區大開發咗幾年之後，成爲一繁華城區。從2000年代尾開始，秀全街道附近都係啲賣車同埋汽車產業基地嘅地方，自然吸引咗喺中國大陸成幾十萬位同汽車有關啲產業人才落戶，重有啲外地人為咗支持仔女事業兼照顧第三代而嚟咗廣州打拼。尤其係花港社區，嗰邊98%都係外地人。

史

2010年，一班嚟自中國東北、湖北、內蒙古、新疆、甘肅、一系列華北同華中、華東省份啲人，初期嚟到花都時因氣候、語言、文化、飲食同佢哋原居地差好遠，同花都人之間有好多誤會。同年10月，張曉英等幾位熱心人士傾咗下而成立咗「小紅帽志願服務隊」，成立初期有27人，主要負責花港社區嘅巡邏。經歷咗一段時間之後，2019年已經發展到有1100人嘅規模。