秋天的童話

出自維基百科,自由嘅百科全書

秋天的童話粵拼cau1 tin1 dik1 tung4 waa6*2英文An Autumn's Tale);字面嘅粵語意思係秋天嘅童話;佢係張婉婷導演嘅港產片1987年上映,由周潤發鍾楚紅主演。電影攞咗第七屆香港電影金像獎最佳電影、最佳編劇(羅啟銳)、最佳攝影(James Hayman、鍾志文)三項獎項,同時得到最佳男、女主角以及最佳音樂提名。電影喺臺灣上演時,改名叫「流氓大亨」。周潤發攞到金馬獎最佳男主角。

劇情介紹[編輯]

秋天的童話大部份場面喺美國拍攝。描寫一個細致、童話式嘅愛情故事。男主角周潤發同女主角鍾楚紅都做得好好。特別係周潤發,啱啱做完英雄本色嘅有型大佬,一轉成為唐人街老粗企堂,令人耳目一新。戲中一幕,周潤發買咗禮物想畀鍾楚紅,但係撞見紅跟前度男友上車走咗,臉上嘅難過同失望表情,完全係金像獎表現,令人印象深刻。周潤發呢部片提名香港電影金像獎最佳男主角,但係由同年另一部電影龍虎風雲得獎。

結局[編輯]

十三妹搵到工搬去長島,離別時,船頭尺用佢架錢七同100美金,買咗條錶帶送畀十三妹襯佢隻手錶,點知十三妹將手錶送咗畀船頭尺。個結局抄自美國短篇作家 O. Henry 嘅 The Gift of the Magi(女嘅賣頭髮去買錶帶畀男嘅,男就賣手錶買把梳畀女嘅)。

主要人物[編輯]

  • 李琪(十三妹)(鍾楚紅飾):英文名 Jennifer。一個香港後生女,單獨去美國紐約留學,想話搵已經响波士頓留學嘅男友。初抵埗,由一個遠親船頭尺接機打點起居。李琪人生路不熟,要船頭尺照顧。後來發現原來男友另有新歡,而船頭尺對佢竟然日久生情。但二人生活世界截然不同,理性在保持距離,又在感性嘅接近。咁啱呢個時候Vincent 又再次出現,李琪更不知所措。
  • 船頭尺周潤發飾):英文名Samuel Pang。一名喺唐人街生活,餐館做企堂嘅老粗。又爛賭,又爛玩,不修邊幅。發現對李琪生情後,嘗試改變發奮,又自覺配人唔上,唔敢表露。「船頭尺」係相關語,意思係「度水」即係同人攞錢。
  • Vincent陳百強飾):李琪前男友。

片中經典對白[編輯]

  • 船頭尺:「女人真係茶煲。」十三妹:「你話乜嘢係茶煲?」船頭尺:「茶煲呀,Trable (Trouble),你唔識英文嘅咩?」
  • Vincent:「Woody Allen 講過,愛情要好似條鯊魚咁不停向前游㗎。」船頭尺:「阿倫邊有咁講過啫!阿倫凈係話『這陷阱!這陷阱!偏我遇上』之嘛!Bullshit!」
  • 船頭尺:「Table for two?」
  • 船頭尺:「又要生又要死,又要用刀仔拮大髀。」
  • 船頭尺:「三大規條:戒酒、戒賭、戒煙;五大目標:學海無涯,唯勤是岸;攞完綠咭要攞金咭;著鞋要著襪;英文講grammer;想做就去做,船頭(有人)愛茶煲」

[編輯]