跛豪

出自維基百科,自由嘅百科全書
Jump to navigation Jump to search
跛豪
To Be Number One
基本資料
導演 潘文傑
監製 蕭若元
麥當雄
編劇 蕭若元
麥當雄
主演 呂良偉
鄭則士
葉 童
配樂作曲 陳永良
攝影 鮑起鳴
剪輯 潘 雄
製片商 嘉禾電影 (香港) 有限公司 出品
麥當雄製作有限公司 出品及攝製
產地  英屬香港
語言 粵語國語
上映及發行
上映日期 Flag of Hong Kong (1959–1997).svg1991年4月5號

跛豪》(To Be Number One)係一部由麥當雄擔任出品人及編劇,蕭若元擔任監製及編劇、潘文傑導演嘅港產片,喺1991年4月上映,以香港1960年代1970年代嘅大毒梟跛豪(吳錫豪)嘅傳奇生平為題,由呂良偉鄭則士葉童主演。

呢套戲透過描述跛豪五十年代尾由中國大陸到香港,發跡成為大毒梟,同貪污警察稱兄道弟;至七十年代廉政公署成立後被捕;交織寫出當年香港嘅地下秩序同埋某層面嘅社會百態。

電影中跛豪係潮州人,喺片內經常講潮州話粗口;而其他唔同籍貫嘅黑道人物亦大講佢哋方言嘅粗口;不過電影上映時並無因此而被定為三級。

跛豪片長超過兩個鐘頭,喺當時嘅港產片中屬少見嘅長片。上映時票房超過3800萬,係當年全年第三。呢套戲亦開創傳記片熱潮,之後跟風開拍嘅類似電影有《五億探長雷洛傳》、《賭城大亨》等等。

呢套戲拍攝之前,麥當雄曾專程請示吳錫豪,希望得到佢許可,但吳錫豪並未同意,所以喺片頭處可以睇到一段短小嘅致歉信,內容如下:「本片攝製時,未經吳錫豪先生同意。如片中有模仿影射情節,實屬巧合。並為可能引起不便之處,向吳先生致歉意。

故事大綱[編輯]

1962年,毛澤東大躍進失敗後,中國各地出現大饑荒,一個隨難民潮逃到香港嘅汕頭青年吳國豪,不甘俾黑幫蝦,投靠黑幫大佬肥波。喺幾場血戰後,吳國豪獲肥波信任,並且確立咗佢喺黑幫中嘅地位。吳國豪勢力日大,肥波漸感威脅,就設局令吳國豪俾毒梟大哥江追殺,吳國豪雖倖免,但已成跛豪。為咗報仇,吳國豪設美人藏毒計,誣陷肥波藏毒,終於令肥波瑯璫入獄。吳國豪又藉總華探長奪位,接管肥波嘅事業,成為港九四大家族之一。1973年,香港成立廉政公署,貪污者紛紛走佬,總華探長呂樂被迫退休。呂樂臨行前勸佢收手,但吳國豪因位高狂妄自大,終致眾叛親離,更被手下出賣。吳國豪終於入獄,喺鐵窗渡過佢下半生。

主要人物[編輯]

  • 吳國豪,綽號茅躉豪(跛豪,呂良偉飾):五十年代末中國大陸大飢荒時逃亡香港,後從事販毒,漸成黑幫阿頭,六十年代起同貪污警察探長雷老虎(即現實中嘅呂樂)同謀合污,七十年代初控制大部分香港毒品入口。至七十年代中廉政公署成立後被捕。呂良偉為咗做呢個角色,喺拍攝其間一度增肥幾十磅。
  • 吳國豪妻(葉童飾)
  • 陳大文(李子雄飾):跛豪手下。
  • 阿明(吳啟華飾):跛豪手下,後來做證人指證跛豪。
  • 啞七(徐錦江飾):原金牙炳手下,後來係跛豪手下,對跛豪忠心耿耿。
  • 肥波(鄭則士飾):雷老虎手下,原本係跛豪老大,後成為對手之一,老謀深算。
  • 楣楣(葉子楣飾):本來係肥波情婦,但同阿明有染。
  • 雷老虎總華探長(曾江飾):貪污探長,肥波嘅靠山,最後同跛豪同流合污。
  • 大聲雄探長(黃光亮飾):貪污探長,爛賭成性,係跛豪手下,最後出賣咗跛豪。

獎項[編輯]

連出去[編輯]