蕭若元

出自維基百科,自由嘅百科全書
跳去導覽 跳去搵嘢
蕭若元
Stephen Shiu Yeuk-yuen 2011.jpg
出生地英屬香港 喺Wikidata改呢個
母校香港大學 喺Wikidata改呢個
職業生意人編劇、電視主持、新聞從業員政治人 喺Wikidata改呢個
政黨人民力量 喺Wikidata改呢個
仔女蕭定一 喺Wikidata改呢個
蕭若元

蕭若元英文Stephen Shiu1949年7月22號—),人稱「蕭才子」,係香港資深傳媒人。

佢早年做過新聞主播同節目主持,之後轉行做編劇,1992年更憑電影《跛豪》同麥當雄一齊攞香港電影金像獎最佳編劇。佢而家主要喺網上做時事評論員,同埋搞下唔同生意,包括財務公司易還財務,同埋飲業食務元卓集團。佢個仔蕭定一亦參與電影製作行業。佢網台最爲人所知嘅節目,有佢嘅「最新蕭析」。

「神燈」[編輯]

蕭若元爲網民熟知嘅一大特色,就係佢被戲稱「神燈」嘅能力,多數喺佢平台所談及對時事嘅估計,都會以反效果呈現返。經常畀網民用「燒山」一稱恥笑,仲成日有「燒山好嘢」哩句出現,意思啫係蕭又估錯或者係網民祈求佢講嘅嘢同現實相反。

蕭若元清楚知道網民對「神燈」嘅嘲笑,喺佢嘅 Twitter,網民曾經問佢可唔可以祈求中印兩國唔會打仗(為求「燈」中有反效果),蕭風趣回答「我知你想做乜」。

蕭亦會睇連登,有連登網民話蕭嘅 Twitter 唔係自己出帖文,蕭喺 Twitter 隨即反駁叫連登網民下次佢錄音坐定定聽晒佢[1]

2019年雙十一三罷當日發生黑衫蒙面示威者向持唔同意見嘅57歲男子淋潑易燃液體再放火燒人嘅馬鞍山燒人事件中文馬鞍山燒人事件。蕭若元話單嘢「係假嘅、係拍戲嘅」,話被燒男子係特技演員,身上搽咗拍戲用嘅易燃物先至會瞬間着火,被淋嘅液體係道具先至好快就熄,並指稱被燒男子收咗200萬港幣報酬後製造輿論。其後醫院管理局發聲明確認傷者已被威爾斯親王醫院收治,情況危殆。

[編輯]

  1. "喺連登話唔係我本人出tweet嗰啲下次我錄音你坐定定同我聽晒佢🔥". Twitter (英文). 喺2020-07-04搵到.