功夫 (電影)

出自維基百科,自由嘅百科全書
跳去: 定向搵嘢

功夫》係香港出品嘅電影之一,係笑片巨星周星馳喺2004年嘅作品。

成部戲係周星馳自己嘅公司搵嚟美國荷里活資金拍攝。上畫嗰陣收六千幾萬港紙票房。而當其時係聖誕節,全香港就淨周星馳呢部戲先至係香港電影。

電影資料[編輯]

制作[編輯]

出品機構:

  • 星輝海外有限公司
  • 哥倫比亞電影製作(亞洲)有限公司
  • 華誼兄弟太合影視投資有限公司
  • 中國電影集團公司北京電影製片廠

出品人:楊步亭、王中軍

監製、導演:周星馳

編劇:周星馳、曾瑾昌、霍昕、陳文強

動作導演:袁和平

主演:周星馳、林子聰、元華元秋、梁小龍、黃聖依馮小剛……等。

劇情大綱[編輯]

呢套戲係借用民初時期嘅中國上海嗰個黑幫橫行嘅時代做背景;

故事話當時最大勢力嘅黑幫就係斧頭幫,有一肥一瘦兩個流氓(分別由林子聰及周星馳飾演)因為生活艱苦,好想加入斧頭幫搵食,於是走去做壞事。有一個叫做「豬籠城寨」嘅地方,入面有個成日鬧啲租客嘅惡死包租婆(元秋飾演),佢老公(元華飾演)就係一個鹹濕佬,成日調戲啲女租客,重有一個做搬搬抬抬嘅咕喱強,一個賣白粥油炸鬼嘅阿鬼,同埋幫人造衫嘅阿勝,不過原來佢哋五個都係已經退出咗江湖嘅隱世武林高手,後來因為顯露武功力抗黑幫而惹上麻煩。

跟住黑幫搵咗武林入面最高武功嘅火雲邪神出山,瘦流氓覺得唔應該做遺背良心嘅事,於是改邪歸正,但係就俾火雲邪神打到重傷……

最後嘅結局係邪不能勝正。

出面網頁[編輯]