鄭則士

出自維基百科,自由嘅百科全書
(由鄭則仕跳轉過來)
Jump to navigation Jump to search
鄭則士
男演員
英文名 Kent Cheng
花名 肥Kent
國籍 Flag of Hong Kong.svg 中國香港
職業 演員

鄭則士Kent Cheng1951年5月22號—),人稱Kent哥、肥Kent,係出名嘅香港演員,當選過1986年1997年香港電影金像獎最佳男主角。

生平[編輯]

鄭則士喺香港出世,自細就對演戲有好大興趣。據佢所講讀書嗰陣,曾經喺作文「我的志願」入面寫大個之後要做一個演員,但就因為咁俾老師鬧貪慕虛榮,將成篇文撕爛,要佢由頭作過。

鄭則士係喺1972年加入咗電影公司藝員訓練班入行,但只係做二打六。到1976年佢加入無綫電視,先參與咗好多劇集嘅演出。佢第一部出場嘅劇集係1976年長篇劇《狂潮》,飾演一個私家偵探。1979年佢喺劇集《四眼神探》入面第一次做主角。除此之外佢重演出咗《強人》、《流氓皇帝》、《二人三足》、《獵鷹》等等劇集。

但鄭則士喺電視界只係打滾咗幾年,就喺1980年佢開始全心參與電影演出。佢第一部電影係周潤發主演嘅《灰靈》。其間佢唔但只做演員,重做埋導演以至監製。好似1985年佢執導咗《何必有我》,喺入面飾演「肥貓」呢個角色,就成功贏得香港電影金像獎最佳男主角。鄭則士成日話呢個角色係佢出道以來最鍾意嘅,所以之後佢喺1988年搵嚟張曼玉同其他演員,拍攝咗《何必有我》續集《肥貓流浪記》。

出道以嚟鄭則士以一身肥胖嘅形象示人,以精湛同具火喉嘅演技出名。因為身形關係,出任主角嘅作品唔多,但演技成日都俾人誇讚。九十年代佢一直參與警匪片嘅演出:喺李連杰主演嘅《中南海保鑣》飾演一個幫辦;喺《四大探長》飾演一個沙展;喺成龍嘅《重案組》飾演一個貪污警員。呢啲警匪片使到佢塑造出警長嘅形象。其後佢終於憑住《三個受傷的警察》,喺1996年再度贏得香港電影金像獎最佳男主角。

佢喺1993年靠參演萬梓良嘅《龍兄鼠弟》返番無綫電視,但佢喺無綫所演嘅劇集好少。由於覺得唔受到重用,佢決定喺1997年轉投亞洲電視。喺亞視佢先演出咗「肥貓」系列嘅劇集,無耐佢開始演繹一啲歷史人物,好似孫子蘇東坡等等,吸引咗一啲唔鍾意亞視嘅觀眾特登轉台欣賞佢嘅演出。

近年佢主力喺大陸拍劇,直到2006年先至再選擇重返無綫。

2019年參與劇集《荷里活有個大老千》,同王子涵、吳業坤同埋BabyJohn等新人合作。[1]

演出作品[編輯]

電影[編輯]

電視劇(無綫電視[編輯]

電視劇(亞洲電視[編輯]

電視劇(其他)[編輯]

連出去[編輯]

  1. "【鄭則仕專訪】鄭則仕:不做電視可能沒落". 明周娛樂 (用英文寫). 2019-02-09. 喺2019-05-22搵到.