紅移

星體光譜之中，物質吸收特定頻率色綫。綫整批移向紅色，就係紅移證據。

紅移（英文：Redshift）指物體移離自己，光譜亦移向紅色一邊。佢相反係藍移，代表物體移近自己。可見光係電磁波來，一端紅，一端藍，紅低頻，藍高頻，紅波長，藍波短。按杜卜勒效應，物體移走時，物體有嘅光會偏咗紅色一邊，波長變大，頻率變低。推而廣之，唔單止可見光，電磁波其他段一樣係咁。唔單止物體移遠會有紅移，萬有引力亦可搞到紅移，廣義相對論有提及，人稱引力紅移。天文學分析眾星光譜，多數紅移，就知宇宙膨脹。