綠野僊館

新聞紙告白

綠野僊館一九四九年一月廿二號刊登開幕廣告

綠野僊館，香港遊樂場之一，喺大埔頭，九廣鐵路側，英文叫Green Ville Amusement Park。佢喺戰後開設，華僑商人鄧綽然，投資港幣幾十萬。一九四九年一月廿二號禮拜六開張。館有酒吧、酒家、旅舍、遊樂場、舞廳等設施。游泳池重起緊，南約理民府巴利主持剪綵，旅舍每座兩三間房，分佈園林各處。不過開張半年就迫住執笠。皆因國共內戰已迫近廣東，同年七月廿七號禮拜三，香港政府宣佈收返塊地做英軍軍營。同期粉嶺安樂村都一同徵用。

佢塊地戰前原本為道教場所，後改為遊樂場名華樂園。及後一九四一年日本攻入香港，全港淪陷。而綠野僊館之後，為英軍軍營，後再重拾遊樂場，名松園仙館。如今為華樂豪庭。