美卡挪

出自維基百科,自由嘅百科全書
Jump to navigation Jump to search
美卡挪
Mecano
Logomecano.jpg
藝人或藝術家
出道地  西班牙馬德里
活躍年代 1981年~1992年,1998年,2012年
唱片公司 哥倫比亞唱片、新力BMG
前任合作成員
亞娜·托羅哈(Ana Torroja)
拿楚·卡挪(Nacho Cano)
荷舍·瑪利亞·卡挪(José María Cano)

美卡挪粵拼mei5 kaa1 no4西班牙文Mecano)係個西班牙樂隊,1981年組隊,直到1992年解散。美卡挪係西班牙流行樂史上最成功嘅樂隊之一。支樂隊直到今時今日都仲係西班牙最暢銷嘅樂隊,喺全世界賣出超過兩千五百萬張唱片[1]。喺1998年佢暫時重歸樂壇。喺佢哋嘅活躍年代,啲人認爲佢哋係支前衛樂隊。

支樂隊嘅成員有主唱亞娜·托羅哈(Ana Torroja)同卡挪兄弟拿楚(Nacho)同荷舍(José),同佢哋合作過嘅藝人有亞圖羅·提里沙(Arturo Terriza)、馬挪羅·亞基拉(Manolo Aguilar)、拿楚·馬俄(Nacho Mañó)、哈韋耶·奇李斯(Javier Quílez)、晏曉·舍拉打(Ángel Celada)、柯斯卡·亞斯特路加(Óscar Astruga)。

佢哋三個嘅音樂生涯分成咗兩個唔同嘅階段。第一階段係1985年前,基本上係支流行電音樂隊;到第二階段美卡挪向流行搖滾方向進展,融合嘅元素有民謠舞曲佛蘭明歌波沙挪華探戈騷沙倫巴舞波麗露鬥牛舞、甚至有埋雷鬼

佢哋前所未有嘅成功亦影響到拉美。另外,佢哋又將啲歌改編成第啲語種版本,佢哋亦影響到唔講西班牙文嘅國家,譬喻意大利、法國,例如佢哋有法文歌《一個女人同一個女人》(Une femme avec une femme),呢首歌至今仲係法國排行榜上持續上榜最耐嘅歌之一。

佢哋銷量最大嘅單曲有《咁難忘記你》(Me Cuesta Tanto Olvidarte)、《命運嘅力量》(La Fuerza del Destino)、《月亮之子》(Hijo de la Luna)、《那華哈斯嘅十字架》(Cruz de Navajas)、《一個女人同一個女人》(Une femme avec une femme;西班牙文版:《女人搞女人》,Mujer contra Mujer,喺世界範圍內攞到第一嘅歌)、《9月7號》(El 7 de Septiembre)。

樂隊始末[編輯]

支樂隊開頭係流行電音樂團(西班牙文叫tecno pop),成員有卡挪兄弟(拿楚、荷舍·瑪利亞)同埋主唱亞娜·托羅哈,佢哋喺1981年嘅馬德里組隊,受過英國新浪潮樂隊詩班竇芭蕾嘅影響[2][3]。喺西班牙民主化之後,興起一段文化實驗時期,美卡挪憑住頭張單曲攞到佢最初嘅聲望,《今日我起唔到身》(Hoy no me puedo levantar)呢首歌唱嘅係後生細仔嘅無聊心境同埋宿醉。佢哋頭炮專輯係樂隊同名專輯,後來呢張輯評做經典,代表到1980年代嘅西班牙流行樂。

喺呢陣時,拿楚·卡挪出咗樂團去參加第啲樂隊,兩兄弟都開始幫其他流行歌手寫歌。雖然嗰啲業餘創作都未達到美卡挪樂團所攞到嘅成功水平,但對佢哋來講,呢啲都係爲美卡挪做創作嘅試驗埞方。

喺1986年,憑藉住《咁難忘記你》(Me cuesta tanto olvidarte),佢哋又試攞到大成功。支隊改革佢啲作曲方式,喺專輯《天地之間》(Entre el cielo y el suelo),佢哋以新嘅音樂風格從電音變成咗流行樂。噉就令到佢哋啲歌發行到拉美。當中最傑出、最證明到佢哋嘅作品係《月光之子》(Hijo de la Luna)。呢首歌亦都畀支樂隊遞交去參賽,作爲代表西班牙參賽隊去參加1986年嘅歐洲歌唱大賽,但TVE揀咗第支隊:卡的也喀

佢哋接住落來嘅專輯、《禮拜日唞》,整咗兩首佢哋最受歡迎嘅單曲:《命運嘅力量》(La fuerza del destino),女演員彭妮露古絲喺呢隻歌嘅MV度首次出演,之後佢同拿楚·卡挪保持咗幾年情人關係。仲有《女人搞女人》(Mujer contra mujer),首歌講嘅係叻士關係,透過一位老友嘅視角講述,呢位老友直到最後先察覺出佢哋呢段關係。呢首歌錄咗法文Une femme avec une femme)、英文同埋意大利文版本,爲美卡挪帶來真正嘅首次全球熱播。呢支單曲喺1989年喺拉美發行,坐咗排行榜首,兼且喺法國流行榜坐咗七個禮拜嘅榜首,從1990年11月10號坐到12月22號;呢首歌成咗法國史上最經典嘅流行曲之一[4]

佢哋接落來嘅專輯係《噢,達賴》(Aidalai),發行喺1991年,同佢哋之前兩張專輯一樣咁成功。

《9月7號》(El 7 de septiembre)係獻畀歌羅馬·菲能地斯·亞美羅(Coloma Fernández Armero),佢係拿楚·卡挪幾年嘅女情侶。《9月7號》係喺1992年夏天發行,係樂隊最後喺拉美排名第一嘅流行曲,首歌嘅MV發行過,佢嘅靈感出自1927年嘅德國默片《大都會》。呢張係樂隊最後嘅原創專輯。

1993年,支樂隊宣佈暫時休息。

1998年,樂隊發行咗專輯《亞娜、荷舍、拿楚》(Ana, Jose, Nacho),係張新歌加精選。嗰年遲啲時候支隊散水,三位成員單飛,各自發展,但就得亞娜一個做歌手係成功嘅。2005年,拿楚·卡挪用32首美卡挪嘅歌寫咗齣音樂劇,用佢哋第一支單曲嘅名做題名。

2005年,美卡挪嘅成員發行咗個CD/DVD套裝碟,來紀念支樂隊成立25週年。呢張輯叫做《美卡挪影錄》(Mecanografia),包含咗佢哋單曲彙編、未發行嘅歌,而DVD度有啲影片同早期演唱會嘅錄像。

[編輯]

  1. "Historia de Mecano(美卡挪歷史)". Grupo mecano.com (用西班牙文寫). 喺2018年1月29號搵到. 
  2. "Toward a Cultural Archive of la Movida: Back to the Future". Google圖書. 喺2018年3月27號搵到. 
  3. "Todos los singles de Mecano ordenados de peor a mejor". Vanity fair. 2015年7月10號. 喺2018年3月27號搵到. 
  4. "Classement officiel des ventes de singles en France du 09 novembre 1990 au 15 novembre 1990(粵譯:1990年11月9號到11月15號期間法國流行榜單曲排位)". Purebreak charts. 喺2018年6月1號搵到.