小調
閱讀設定
(由自然小調跳轉過嚟)
小調(英文:minor scale)係一種音階,基本上同大調類似,但係特徵係音階嘅第三個音會低同名大調一個半音(flat third),例如 C 大調第三個音符係 E 音,而 C 小調嘅第三個音就係 E♭(讀「E-flat」)。
小調分三種,叫自然小調[註 1](natural minor)、和聲小調[註 2](harmonic minor)同旋律小調[註 3](melodic minor)。自然小調即係淨係第三個音降半音,其餘同大調一樣;和聲小調除咗第三個音降半音之外,第七個音亦升半音;旋律小調就除咗第三個音降半音之外,升上去嗰陣第六、七個音都升半音,但係落返嚟嗰陣同自然小調一樣。
和聲小調之所以叫和聲小調,係因為寫和聲嗰陣用嘅小和弦通常係用呢種小調(不過如果唔牽涉到第七個音,整出嚟嘅和弦同用自然小調唔會有分別);而旋律小調叫旋律小調,就係因為寫旋律嗰陣通常係用佢。
自然小調有第個名,叫伊奧利安調式[註 4](Aeolian mode[註 5])。
例
[編輯]好似降 E 小調(E♭ minor)就係一段出名嘅小調(除咗第二個音 F 音之外,啲音符冚唪唥要降號):
但係用降 E 小調寫旋律,除非係想用伊奧利安調式,其實通常唔會用上面嗰隻,而係會用旋律小調,上去同落返嚟唔同:
註
[編輯]- ↑ 譯名見:課程發展處藝術教育組, p. 35
- ↑ 譯名見:課程發展處藝術教育組, p. 24
- ↑ 譯名見:課程發展處藝術教育組, p. 32
- ↑ 譯名見:課程發展處藝術教育組, p. 2
- ↑ Aeolian 通常係讀 /eɪˈoʊliən/。
參考書目
[編輯]- 課程發展處藝術教育組 (2023年9月)。〈音樂科學與教常用英漢辭彙〉 (PDF) (英文、香港中文)。教育局。喺2024年7月22號搵到。