和弦

和弦（英文：chord，粵拼：粵化口語音：kot1），喺音樂理論，係指兩個或者以上連續音程嘅組合。最基本嘅和弦有三個唔同嘅音^[1]，叫三和弦（三個音嘅和弦）；基本嘅三和弦由兩個連續嘅三度組成，另外有二度同四度組成嘅和弦，兩個連續嘅四度組成嘅和弦等等。和弦係和音嘅基礎。

根據咁嘅定義，淨得兩個音，原則上唔算和弦，如果有三個音但係有兩個音係重覆音（即係一樣音名，但係唔同八度）亦唔算數^[1]，不過喺現實，有啲叫和弦嘅嘢有時會唔足三個音。例如，喺做和音嗰陣有時原則上係實現緊某個和弦，但係因為某種原因需要省略一個音；電結他亦有一種叫 power chord 嘅彈法，名係叫和弦，但係得兩個音，就算係三條線嘅彈法都係用咗重覆音^[2]，樂理上唔算數。

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 }} \new Staff = "main" \with { \remove Bar_engraver \remove Time_signature_engraver } << \new Voice \transpose c c' { \key e \major << e gis b >> \ottava -2 << e,, b,, >> \ottava 0 e8[gis b gis] << \voiceOne gis4 \new Voice { \voiceTwo e } \new Staff \with { \remove Bar_engraver \remove Time_signature_engraver } \transpose c' c << % undo transpose \new Voice { \clef bass \voiceThree b } \new Voice { \voiceFour e, } >> >> } >>$

左到右：一般人心目中嘅 E 大和弦、電結他嘅 E power chord（基本掃法，下面個 15⌟ 表示實際音係低兩個八度）、分解和弦一例、作曲或者編曲嗰陣其中一個可能會用嘅和弦配置。

雖然定義上，和弦係兩個或者以上連續音程嘅組合，但係知道咗係呢個組合係邊幾個音之後，啲音喺邊個八度出現，其實係可以揀嘅。實際上㨂邊幾個音高嚟實現某個和弦，叫和弦配置。

和弦唔一定要一齊彈，亦可以拆散嚟彈，拆散嚟彈嘅叫分解和弦。

一段樂曲通常會用多過一個和弦，所用嘅和弦隨住時間嘅變化叫和弦進行。

順階和弦

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override LyricText #'font-size = #-3 }} << \new Staff = "main" \with { \remove Bar_engraver \remove Time_signature_engraver } \transpose c c' { c1 d e f g a b } \new Lyrics \lyricmode { C D E F G A B } \new Staff \with { \remove Bar_engraver \remove Time_signature_engraver } \chordmode { c d:m e:m f g a:m b:dim } \new Lyrics \lyricmode { C-E-G D-F-A E-G-B F-A-C G-B-D A-C-E B-D-F } >>$

上：構成 C 大調嘅七個音；下：喺 C 大調入面對應嘅七個基本三和弦。

無論係乜嘢音階，都可以順住音級，逐個音當做｢根音｣（root；根音嘅音名會成為和弦名嘅一部分^[1]）去整一系列對應嘅三和弦出嚟，呢啲三和弦叫｢順階和弦｣^{[註 1]}（英文：diatonic chords^[3]^{[註 2]}）。

整順階和弦嘅方法係根音加三音^{[註 3]}（根音當係第一個音，順住音階向高數嘅第三個音）再加五音^{[註 3]}^[1]。例如，如果係 F 大調，根音係 G，對應嘅三和弦就係 G-B♭-D，中間係 B♭ 係因為音階入面嗰個位係 B♭，唔係 B。

順階和弦嘅數量未必等如音階入面音嘅數量；例如，構成大調嘅音有七個，每個大調亦有七個順階和弦，但係旋律小調雖然淨係得九個音（原則上七個音，但係有兩個上落唔同，所以實際上係九個），但係因為除咗根音之外，三音或者五音都可能係上落唔同嘅嗰兩個音，結果係旋律小調有十三個順階和弦而唔係九個。

延伸和弦

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override LyricText #'font-size = #-3 }} << \new Staff \with { \remove Bar_engraver \remove Time_signature_engraver } \transpose c c' { \set fingeringOrientations = #'(right) <c-1 e-3 g-5>1 <c e g b-7> <c e g b d'-9> <c e g b d' f'-11> } >>$

左到右：C 大三和弦、大七和弦、大九和弦、大十一和弦。

基本嘅三和弦可以再向上延伸，叫延伸和弦^{[註 4]}（chord extension）或者就咁叫延伸，但係延伸之後嘅名就唔係計有幾多個音，而係延伸到邊度。三和弦延伸一次叫七和弦^{[註 5]}（因為去到第七個音，唔係話佢有七個音），再延伸一次叫九和弦^{[註 6]}，如此類推。

和弦嘅性質

和弦按佢嘅性質，主要分大和弦^{[註 1]}（major chord）、小和弦^{[註 1]}（minor chord）、增和弦^{[註 1]}（augmented chord）同減和弦^{[註 7]}（diminished chord）四大類，呢四大類同和弦嘅結構有關^[4]：

種類	根音同三音之間嘅音程	三音同五音之間嘅音程
大和弦	大三度	小三度
小和弦	小三度	大三度
增和弦	大三度	大三度
減和弦	小三度	小三度

去到延伸和弦，就算啲音全部係相隔三度，咁樣分都唔會再夠用，所以會開始有其他分類，例如，七和弦開始會有一種叫｢屬和弦｣^{[註 8]}（dominant chord）嘅分類。

原位同轉位

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override LyricText #'font-size = #-1 \override HorizontalBracket.direction = #DOWN }} << \new Staff = "main" \with { \remove Bar_engraver \remove Time_signature_engraver \consists Horizontal_bracket_engraver } \transpose c c' { \set fingeringOrientations = #'(right) <c-1 e-3 g-5>1\startGroup <c-1 g-5 e'-3>\stopGroup <e-3 g-5 c'-1>\startGroup <e-3 c'-1 g'-5>\stopGroup <g-5 c'-1 e'-3>\startGroup <g-5 e'-3 c''-1>\stopGroup } \new Lyrics \lyricmode { "原位" _ "第一轉位" _ "第二轉位" _ } >>$

左至右：原位即係根音（1）係底音，第一轉位即係三音（3）係底音，第二轉位即係五音（5）係底音。

每一個和弦都可以有原位同轉位；原位即係上面講嗰種，根音喺底，轉位即係根音唔喺底。如果三音喺底，叫第一轉位；如果五音喺底，叫第二轉位。喺底嗰個叫｢底音｣（base note）。

樂理上，一個和弦係原位定轉位，只係睇根音同底音嘅關係，即係如果根音等如底音，樂理上就算原位，但係例如如果底音係三音，就算係第一轉位。

掛留和弦

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override LyricText #'font-size = #-3 \override HorizontalBracket.direction = #UP \override TimeSignature.break-visibility = #'#(#f #t #t) \omit BarNumber }} \new StaffGroup \with { \consists Horizontal_bracket_engraver } << \new Staff \transpose c c' << \new Voice { \voiceOne \repeat unfold 2 { \time 4/4 c'2 d' c'1 \break }} \new Voice { \voiceTwo \repeat unfold 2 { f2 g e1 }} >> \new Lyrics \lyricmode { % 維基嘅 Lilypond 太舊，用唔到 \after，唯有夾硬嚟 ""2 ""4\tweak HorizontalBracketText.text "延留音"\startGroup ""4\stopGroup } \new Staff \absolute << \clef bass \new Voice { \voiceThree \repeat unfold 2 { a2. b4 g1 \break }} \new Voice { \voiceFour \repeat unfold 2 { f,2 g, c1 \break }} >> \new Lyrics \lyricmode { "IV"2 "V" "I"1 \break "F"2 "Gsus2"4 "G" "C"1 } >>$

掛留和弦示意圖：上：編曲人心目中嘅和弦進行；下：實際出現嘅和弦。

喺和弦進行嘅過程中，作曲或者編曲人有時會將和弦嘅某個音暫時保留，即係理論上應該已經轉咗第個和弦，但係仍然有部份舊和弦嘅音喺度，呢種做法叫延留音^{[註 9]}（suspension）^[5]。

延留音嘅出現就係實際上改變咗實現出嚟嘅新和弦，令新和弦冇咗某個應該有嘅音，但係又多咗個本來唔應該有嘅音，呢種唔應該有嘅音喺中文叫｢和弦外音｣^{[註 6]}（non-harmony notes）。

延留音本來係種作曲或者編曲技巧，但係實際上出現嘅｢掛留和弦｣^{[註 10]}（suspended chords）已經變成一種和弦^[6]，指三和弦唔彈三音。

掛留和弦本身冇咗三音，樂理上唔係和弦，所以通常都會寫明加咗邊個延留音（即係中文所講嘅外音）；不過，所謂延留喺現時嘅音樂好多時其實並唔存在，作曲或者編曲人好多時係當成套嘢係一種和弦。

和弦寫法

除咗用五線譜直接寫明和弦配置之外，寫和弦有幾種方法，都係唔會指明和弦配置（除咗轉位之外）。

結他（古典結他除外）寫和弦係要彈出嚟，所以寫和弦嘅方法通常都好直接；直接寫音名（例如 C 表示 C 大和弦，即係 C-E-G），小和弦註 m 或者 min（例如 Am 表示 A 小調，即係 A-C-E），轉位加斜線再註明底音係乜（例如 C/E 表示 C 大和弦第一轉位，即係 E-G-C）。另外仲有其他符號表示其他嘢。

作曲或者編曲寫和弦嘅目的就係創作需要，所以用一種比較抽象化嘅寫法；呢種寫法係按所用嘅音階，按根音嘅音級由 1 開始編號碼，音階嘅第一個音做根音嘅和弦叫 1，第二個音做根音嘅和弦叫 2，如此類推，但係用羅馬數字寫，大楷表示係大和弦，細楷表示係小和弦。後面可以加 a、b、c 等等表示原位、第一轉位、第二轉位等等。另外仲有其他符號表示其他嘢。

另外有種方法作曲、編曲同結他都有用，類似上面羅馬數字呢種，但係用阿拉伯數字，不過轉位就好似直接寫音名嗰種咁寫成好似分數咁，呢種寫法叫 Nashville Number System（NNS）^[7]，有譯｢數字和弦｣^{[註 11]}。

再另外有種寫法叫｢數字低音｣（figured bass），源於巴洛克音樂^[8]。呢種方法係用某種方法標底音（巴洛克時期嗰陣本來係用五線譜^[9]），但係上面係邊兩個音（底音為之 1）用上標同下標阿拉伯數字表示，唔標即係 ${}_{3}^{5}$ ^[9]。學術界亦常見，用嚟做分析，佢哋會將數字低音配之前講嗰種羅馬數字，即係羅馬數字標嘅唔係底音，而係根音^[10]。

例

C 大調嘅七個和弦

構成大調嘅有七個音，對應七個和弦：

五線譜^{[註 12]}		$\new Staff \with {\remove Time_signature_engraver \remove Bar_engraver} \transpose c c' { <c e g>1 }$	$\new Staff \with {\remove Time_signature_engraver \remove Bar_engraver} \transpose c c' { <d f a>1 }$	$\new Staff \with {\remove Time_signature_engraver \remove Bar_engraver} \transpose c c' { <e g b>1 }$	$\new Staff \with {\remove Time_signature_engraver \remove Bar_engraver} \transpose c c' { <f a c'>1 }$	$\new Staff \with {\remove Time_signature_engraver \remove Bar_engraver} \transpose c c' { <g b d'>1 }$	$\new Staff \with {\remove Time_signature_engraver \remove Bar_engraver} \transpose c c' { <a c' e'>1 }$	$\new Staff \with {\remove Time_signature_engraver \remove Bar_engraver} \transpose c c' { <b d' f'>1 }$
構成音		C-E-G	D-F-A	E-G-B	F-A-C	G-B-D	A-C-E	B-D-F
根音		C	D	E	F	G	A	B
寫法	結他	C	Dm	Em	F	G	Am	Bdim^{[註 13]}
	羅馬數字	I	ii	iii	IV	V	vi	vii°
	數字和弦	1	2-	3-	4	5	6-	7°
	數字低音	I 或者 I ${\,}_{3}^{5}$	ii 或者 ii ${\,}_{3}^{5}$	iii 或者 iii ${\,}_{3}^{5}$	IV 或者 IV ${\,}_{3}^{5}$	V 或者 V ${\,}_{3}^{5}$	vi 或者 vi ${\,}_{3}^{5}$	vii° 或者 vii° ${\,}_{3}^{5}$

A 自然小調嘅七個和弦

構成自然小調嘅亦都係七個音，同樣係對應七個和弦；注意 C 大調同 A 自然小調嘅調號一樣，所以呢個例嗰啲和弦同上一個例嗰啲其實完全冇分別，但係除咗結他寫法冇變之外，啲編號全部唔同晒，原因係音階唔同咗：

五線譜^{[註 12]}		$\new Staff \with {\remove Time_signature_engraver \remove Bar_engraver} \transpose c c' { <a, c e>1 }$	$\new Staff \with {\remove Time_signature_engraver \remove Bar_engraver} \transpose c c' { <b, d f>1 }$	$\new Staff \with {\remove Time_signature_engraver \remove Bar_engraver} \transpose c c' { <c e g>1 }$	$\new Staff \with {\remove Time_signature_engraver \remove Bar_engraver} \transpose c c' { <d f a>1 }$	$\new Staff \with {\remove Time_signature_engraver \remove Bar_engraver} \transpose c c' { <e g b>1 }$	$\new Staff \with {\remove Time_signature_engraver \remove Bar_engraver} \transpose c c' { <f a c'>1 }$	$\new Staff \with {\remove Time_signature_engraver \remove Bar_engraver} \transpose c c' { <g b d'>1 }$
構成音		A-C-E	B-D-F	C-E-G	D-F-A	E-G-B	F-A-C	G-B-D
根音		A	B	C	D	E	F	G
寫法	結他	Am	Bdim^{[註 13]}	C	Dm	Em	F	G
	羅馬數字	i	ii°	III	iv	v	VI	VII
	數字和弦	1-	2°	3	4-	5-	6	7
	數字低音	i 或者 i ${\,}_{3}^{5}$	ii° 或者 ii° ${\,}_{3}^{5}$	III 或者 III ${\,}_{3}^{5}$	iv 或者 iv ${\,}_{3}^{5}$	v 或者 v ${\,}_{3}^{5}$	VI 或者 VI ${\,}_{3}^{5}$	VII 或者 VII ${\,}_{3}^{5}$

轉位

假設用緊 G 大調，C 大和弦（即係 G 大調嘅第四和弦）嘅原位同轉位會寫成咁：

		原位	第一轉位	第二轉位
五線譜^{[註 12]}		$\new Staff \with {\remove Time_signature_engraver \remove Bar_engraver} \transpose c c' { \set fingeringOrientations = #'(right) <c-1 e-3 g-5>1 }$	$\new Staff \with {\remove Time_signature_engraver \remove Bar_engraver} \transpose c c' { \set fingeringOrientations = #'(right) <e-1 g-3 c'-6>1 }$	$\new Staff \with {\remove Time_signature_engraver \remove Bar_engraver} \transpose c c' { \set fingeringOrientations = #'(right) <g-1 c'-4 e'-6>1 }$
構成音		C-E-G	E-G-C	G-C-E
根音		C	C	C
底音		C	E	G
寫法	結他	C	C/E	C/G
	羅馬數字^{[註 14]}	IV 或者 IVa	IVb	IVc
	數字和弦	$4$	$4 \over 6$	$4 \over 1$
	數字低音^[10]^[11]	IV 或者 IV ${\,}_{3}^{5}$	IV ${\,}^{6}$ 或者 IV ${\,}_{3}^{6}$	IV ${\,}_{4}^{6}$

借用和弦

$\layout { line-width = #72 ragged-last = ##f \context { \Score \override SpacingSpanner.spacing-increment = #1/2 \override StanzaNumber #'font-size = #-3 \override LyricText #'font-size = #-3 \override HorizontalBracket.direction = #DOWN \override TimeSignature.break-visibility = #'#(#f #t #t) \omit BarNumber }} << \new Lyrics \lyricmode { "I"1 "V" "V/V" } \new Staff \with { \remove Bar_engraver \remove Time_signature_engraver \consists Horizontal_bracket_engraver } \transpose c c' { <>\tweak HorizontalBracket.direction #UP \tweak HorizontalBracketText.text "C大調"\startGroup c1 g\tweak HorizontalBracketText.text "G大調"\startGroup d' <d' fis' a'>\stopGroup\stopGroup } \new Lyrics \lyricmode { ""1 "I" "V" } >>$

副屬和弦示意圖：假設用緊 C 大調，屬音係 G，G 大調嘅屬音係 D，所以 C 大調嘅副屬和弦係 D 大和弦。

喺作曲或者編曲嗰陣，有時會想暫時用一用第個音階嘅和弦，呢種唔屬於用緊嗰個音階嘅和弦叫｢借用和弦｣^{[註 15]}（borrowed chord），其中一個常見嘅借用和弦係副屬和弦^{[註 15]}（secondary dominant，又叫 V of V^{[註 16]}，寫 V/V，即係屬音（音階嘅第五個音）做主音嘅嗰個音階嘅屬音做根音喺嗰個音階嘅順階和弦）。

睇埋

參考資料

1 2 3 4 Koutso, Alex. "La formation des accords en musique (accord majeur, mineur…)" (法文). 喺2024年10月20號搵到.
↑ Keith (2011年7月17號)。《必修電結他入門系列(一):初學者必看基本技巧 POWER CHORD》。喺2024年10月20號搵到。
↑ Crowley, Andy (2025年3月10號). Every Guitarist Gets STUCK Without These Music Theory Basics! (英國英文). 時間 0:57. 喺2025年3月12號搵到.
↑ Hutchinson, Robert (2017). "Introduction to Triads". Music Theory for the 21st-Century Classroom (美國英文). 喺2024年10月21號搵到.
↑ Michelmore 2025, 16:24.
↑ Michelmore 2025, 13:56.
↑ Martin, Dave (July 8, 2022). "The Nashville Number System Demystified". InSync (英文). Sweetwater. 喺2024年10月20號搵到.
↑ Bultitude, Jade (September 7, 2023). "Figured Bass Made Simple: Tips And Techniques" (英文). 喺2024年10月20號搵到.
1 2 "Introduction to thoroughbass" (英文). 喺2024年10月20號搵到.
1 2 "Chords" (PDF). Music in Theory and Practice (英文). p. 78. 原著 (PDF)喺2024年12月8號歸檔. 喺2024年10月20號搵到.
↑ Kulma, David. "Roman Numerals and Inversion Symbols" (英文). 喺2024年10月20號搵到.

註

1 2 3 4 譯名見：いちむらまさき 2019, 目錄
↑ 不過呢個名喺英文好少用。
1 2 譯名見：徐弦 2016
↑ 譯名見：〈【吉他小教室】讓和弦變好聽的秘訣–延伸音〉 (臺灣中文)。2021年10月17號。喺2024年10月21號搵到。
↑ 譯名見：課程發展處藝術教育組 2023，頁 49
1 2 譯名見：課程發展處藝術教育組 2023，頁 36
↑ 譯名見：課程發展處藝術教育組 2023，頁 16
↑ 譯名參考：課程發展處藝術教育組 2023，頁 17
↑ 譯名見：課程發展處藝術教育組 2023，頁 53
↑ 譯名見：〈司琴教學系列 — 和弦篇：掛留和弦 sus4 (Suspended chord)〉 (香港中文)。2014年2月19號。喺2024年10月22號搵到。又：〈林家謙唱《冷戰》超驚喜與鋼琴家張貝芝四手聯彈《特倫斯夢遊仙境》〉 (香港中文)。2024年7月13號。喺2024年10月22號搵到。
↑ 譯名見："The Bridge Music" (香港中文). 喺2024年10月20號搵到.
1 2 3 五線譜太精確，表達唔到啲咁概念性嘅嘢，所以咁寫純粹係示範性質，呢個只係其中一個可能嘅和弦配置。
1 2 即係 B 減和弦（B diminished），或者寫 Dm6/B，構成音冇分別。
↑ 呢度指嘅係作曲或者編曲人會用嘅寫法；學術界會用數字低音。
1 2 譯名見：課程發展處藝術教育組 2023，頁 8
↑ 讀｢five of five｣。

書目

徐弦 (2016年10月7號)。〈【樂人專欄：有樂有理】應用樂理《作曲編曲小秘笈》〉。《樂人谷》 (香港中文)。喺2024年10月21號搵到。
課程發展處藝術教育組 (2023年9月)。〈音樂科學與教常用英漢辭彙〉 (PDF) (英文、香港中文)。教育局。喺2024年7月22號搵到。
いちむらまさき (2019)。〈圖解流行·搖滾音樂理論〉 (產品目錄) (臺灣中文)。易博士編輯部翻譯。易博士。
Michelmore, Guy (2025年2月21號). Boring Chords = Boring Music (英國英文). 時間 13:56–18:20. 喺2025年2月21號搵到.

[Koutso_(n.d.)-1] 1 2 3 4 Koutso, Alex. "La formation des accords en musique (accord majeur, mineur…)" (法文). 喺2024年10月20號搵到.

[2] Keith (2011年7月17號)。《必修電結他入門系列(一):初學者必看基本技巧 POWER CHORD》。喺2024年10月20號搵到。

[4] Crowley, Andy (2025年3月10號). Every Guitarist Gets STUCK Without These Music Theory Basics! (英國英文). 時間 0:57. 喺2025年3月12號搵到.

[Hutchinson_(2017)-11] Hutchinson, Robert (2017). "Introduction to Triads". Music Theory for the 21st-Century Classroom (美國英文). 喺2024年10月21號搵到.

[FOOTNOTEMichelmore202516:24-14] Michelmore 2025, 16:24.

[FOOTNOTEMichelmore202513:56-16] Michelmore 2025, 13:56.

[17] Martin, Dave (July 8, 2022). "The Nashville Number System Demystified". InSync (英文). Sweetwater. 喺2024年10月20號搵到.

[19] Bultitude, Jade (September 7, 2023). "Figured Bass Made Simple: Tips And Techniques" (英文). 喺2024年10月20號搵到.

[Open_Music_Theory-20] 1 2 "Introduction to thoroughbass" (英文). 喺2024年10月20號搵到.

[RCBOE-21] 1 2 "Chords" (PDF). Music in Theory and Practice (英文). p. 78. 原著 (PDF)喺2024年12月8號歸檔. 喺2024年10月20號搵到.

[25] Kulma, David. "Roman Numerals and Inversion Symbols" (英文). 喺2024年10月20號搵到.

[g-6a2d3d611a13b8aad495043b961c7d20-3] 1 2 3 4 譯名見：いちむらまさき 2019, 目錄

[5] 不過呢個名喺英文好少用。

[g-6868de1155dfdb4ac063d50d409a0c34-6] 1 2 譯名見：徐弦 2016

[g-171aac24f300f452727e3a04ea5c628e-7] 譯名見：〈【吉他小教室】讓和弦變好聽的秘訣–延伸音〉 (臺灣中文)。2021年10月17號。喺2024年10月21號搵到。

[g-ce0c366b80d398e36f068d20f6b0750b-8] 譯名見：課程發展處藝術教育組 2023，頁 49

[g-720979cd38c81506bfa0110a47765615-9] 1 2 譯名見：課程發展處藝術教育組 2023，頁 36

[g-60cc712147ec1b4ac81d1d0a58e36330-10] 譯名見：課程發展處藝術教育組 2023，頁 16

[g-21035221a1c246a7d97ca05cdfaaafcb-12] 譯名參考：課程發展處藝術教育組 2023，頁 17

[g-c06a679927e922753c938785c218352c-13] 譯名見：課程發展處藝術教育組 2023，頁 53

[g-100a58d5b2044aef3434bcc51ca0187b-15] 譯名見：〈司琴教學系列 — 和弦篇：掛留和弦 sus4 (Suspended chord)〉 (香港中文)。2014年2月19號。喺2024年10月22號搵到。又：〈林家謙唱《冷戰》超驚喜與鋼琴家張貝芝四手聯彈《特倫斯夢遊仙境》〉 (香港中文)。2024年7月13號。喺2024年10月22號搵到。

[g-a709339f81a5c2094e0822d232ba886d-18] 譯名見："The Bridge Music" (香港中文). 喺2024年10月20號搵到.

[ex-22] 1 2 3 五線譜太精確，表達唔到啲咁概念性嘅嘢，所以咁寫純粹係示範性質，呢個只係其中一個可能嘅和弦配置。

[Bdim-23] 1 2 即係 B 減和弦（B diminished），或者寫 Dm6/B，構成音冇分別。

[24] 呢度指嘅係作曲或者編曲人會用嘅寫法；學術界會用數字低音。

[g-cf91d581126042b6ddfb388ffe4aaebf-26] 1 2 譯名見：課程發展處藝術教育組 2023，頁 8

[27] 讀｢five of five｣。

[1]

[2]

[註 1]

[3]

[註 2]

[註 3]

[註 4]

[註 5]

[註 6]

[註 7]

[4]

[註 8]

[註 9]

[5]

[註 10]

[6]

[7]

[註 11]

[8]

[9]

[10]

[註 12]

[註 13]

[註 14]

[11]

[註 15]

[註 16]

睇傾改旋律同和音
音高同音名音符音階音級音程協和同不協和旋律郁動（結合同分離郁動）旋律間距節奏音色
聲部、複音音樂同四部和音重複（模進）樂句樂想（主導樂想）弱起解決終止式裝飾音（震音）旋律類型唱腔
和音化伴奏（分解和弦伴奏 · Boom cha cha · Oom pah）和弦（和弦進行）和奏連音音樂韻律合唱同合奏
拉雜相關概念音樂樂理（音樂元素 · 樂譜 · 音樂形式）作曲（叶音）聲設計韻律聲學聽覺音樂感音樂心理學