分解和弦伴奏

莫札特1788年嘅 《C大調第16號鋼琴奏鳴曲》（K 545）開頭，分解和弦伴奏用咗嘅次序係 ｢低高中高｣；和弦進行可以分析做 I–Vc–I，但係和音用咗持續音，第二小節嘅 Vc 變咗 V7c（實際伴奏和弦 G7sus）  Play 

分解和弦伴奏係古典樂常見嘅一種低音伴奏嘅編曲方法，指將用嚟做和音嘅和弦分解，然後用某種次序喺受和弦影響嘅時值之內將分解和弦入面所有嘅音，續個單音彈哂出嚟。

分解和弦入面嘅個別音並冇話要有乜嘢特定次序，亦唔一定話要重覆某個音。決定點拆、次序係點、甚至和弦配置，喺某程度上亦會視乎喺個琴度易唔易彈。

名

粵語講嘅分解和弦伴奏可以分兩大類，第一類叫 Alberti bass，直譯阿爾伯蒂低音，另外一類叫 broken chord，直譯分解和弦伴奏。

第一類之所以叫 ｢阿爾伯蒂低音｣，係因為18世紀嘅阿爾伯蒂（Domenico Alberti）成日用，所以用咗佢個名叫，但係發明呢種方法嘅人其實唔係佢，佢究竟係乜其實亦都冇一個明確嘅定義。佢最常見嘅定義（尤其係喺學術界）係 ｢低高中高｣ 嘅次序，即係最低嗰個音符行先，跟住最高音嗰個，跟住中間嗰個，最後再出多次最高音嗰個。雖然咁彈係阿爾伯蒂佢自己嘅做法，但係其實根本冇共識咁樣定義；有啲音樂人會叫第一個音係底音而其他音有上有落彈哂成個分解和弦嘅彈法都叫阿爾伯蒂低音，即係話如果個和弦係三和弦，有啲音樂人會認為 ｢低中高中｣ 嘅彈法亦都算係 ｢阿爾伯蒂低音｣。

攷

{{music-stub}