花力會

出自維基百科,自由嘅百科全書
東門
西門

花力會粵拼faa1 lik6 wui2*6英文FAIRY SPORTS CLUB)係中國廣東廣州嘅一間體育中心兼會所,2004年開業,位置喺荔灣區芳村,東靠花地大道北;南靠大策村;西靠瓦土地直街;北靠芳村大道中。佢既係中美合資嘅體育中心會所,又係中國大陸最有規模同綜合性最犀利,甚至經營項目最先進嘅體育會所之一。

概況[編輯]

間嘢佔地面積1公頃多啲,入面分別有羽毛球場、游水場、健身場、美食場、理療會所同埋美容會所等6大場地組成。

主要部門[編輯]

游水館
健身館
體育館
體操館

健身部[編輯]

健身部喺會所中間 嘅舞蹈館入面。佔地面積1600m²,樣似英式庭院風格;樓頂有好先進嘅室內隔熱系統。室內樣似複式哥特式風格,有2層樓。其中1樓係健身器械廣場,2樓係三間舞蹈培訓廳。但北邊係玻璃幕墻,可以睇到個大泳池。入面專門有好似體舞瑜珈武術散打拉丁舞芭蕾舞Para Para等舞蹈培訓。

美容部、理療部[編輯]

美容部同理療部都喺會所東邊嘅游泳館入面,分別喺大門上邊嘅2樓同3樓、4樓,都喺2010年開業,入面專門幫男女兩性搞護膚、美容同理療。

游水部[編輯]

游水部喺會所東邊嘅東門隔籬。入面有三個游水池,水池啲水質都係歐美地區最先進嘅過濾淨化系統,其中更衣室有兩層樓(男1樓,女2樓)。喺泳池北邊隔籬有間超大型多功能塑身健體水療池同埋健身館響度。兩個水池可以做國際化嘅游水比賽用都得。

  • 室內池:面積25m×12m,水深1.45~1.55m
  • 室外池:面積50m×25m,水深1.35~1.55m
  • 兒童池:面積12m×12m÷2,水深0.7m

羽毛球部[編輯]

羽毛球部喺會所西邊嘅西門隔籬。佔地面積2000幾m²,高度10m,鋼架弧頂結構,外形設計有特殊嘅子母館模式噉,入面有18個標準嘅羽毛球場。頂部用大型落地幕做牆幕,頂部同入面嘅鋼構用嘅係CSR隔音同隔熱處理。

美食部[編輯]

美食部喺會所嘅游泳館入面,泳場大池北邊隔籬。佢一般幫運動客(包括泳客)搞美食、餐點同茶點啲嘢。除節假日、週末及寒暑假、晚黑前半夜外,其它時間都拍嗮烏蠅。

親子部[編輯]

親子部喺會所嘅游泳館入面,2011年開業,位置喺泳場大池東北邊隔籬。入面主要係親子樂園,主要畀細路玩沙、瀡滑梯等一系列啱細路玩嘅設施。平時嚟講冇乜人幫襯,但係寒暑假同節假日、週末期間比較多細路玩。

出面網頁[編輯]