莉露露
| 莉露露 | |
|---|---|
| 日文原名 | リルル |
| 配音 |  山本百合子（舊）／澤城美雪（新） 未知（舊）／黃紫嫻（新）  姜瑰瑾（舊）／傅其慧（新） |
| 簡介 | |
| 年紀 | 16歲嘅樣 |
| 性別 | 女 |
| 物種 | 機械人 |
| 身高 | 170cm |
| 國籍 | 美卡托比亞星 |
| 職業 | 間諜 |
背景[編輯]
莉露露係一個造型同地球女仔一樣嘅機械人。雖然個樣好索，但其實係由機械理想國派到地球引導鐵人兵團侵略地球嘅間諜。佢知道大雄嘅地板釣魚場可以通去鏡世界之後，喺鏡面世界開始起攻擊地球嘅基地。
樣[編輯]
喺舊版入面，佢有飄逸嘅粉紅頭髮，墨藍色眼，深邃嘅眼珠，兩撇髮絲偏向右眼，頭髮去到腰嗰度。一開始着藍紫色間條衫衣服，淺粉裙，粉紅鞋；後嚟受傷之後着黃領的嘅白衫，黃裙子，白鞋；後嚟因為歷史嘅改變，佢全身變咗淺藍跟住消失；最後變成天使，服裝同開頭一樣。
喺新版入面，佢有飄逸嘅粉紅頭髮，寶藍色嘅眼，頸有個綠色頸圈，左手上臂有個綠環，一開始着白衫同白鞋；後嚟着淺藍衫、深藍褲，繫白色皮帶；受傷之後着靜香嘅淺綠色短袖衫，外面套一件白色吊帶裙，戴綠星頸錬，着粉鞋；最後同樣變做天使，多咗兩對翼。
性格[編輯]
對自己嘅祖國忠心；一開始冷漠無情，後嚟畀靜香佢哋感化之後變到溫柔善良，最後為咗友情犧牲咗自己。
能力[編輯]
識飛，戰鬥力強，手指可以發射電磁炮。
人際關係[編輯]
- 拍檔：聖誕武士／裘多
- 隊長：美卡托比亞星機械人隊長／總司令
- 老細：博士
經歷[編輯]
佢原先想喺北極起基地，但係機械人裘多啲組件被大雄同多啦A夢拎走咗，所以靠裘多嘅指示去咗日本搵機械人。後嚟聽到大雄有機械人，於是識咗大雄，喺鏡面世界順利拎返裘多，重攞走咗鏡面世界入口，喺嗰度起基地。
後嚟大雄同多啦A夢發現咗佢嘅陰謀，佢喺追大雄同多啦A夢嗰陣，想擴大鏡面世界嘅出入口，而造成次元大爆炸，佢被埋喺土入面，出唔返現實世界。後嚟當大雄佢哋再次入返鏡面世界嗰陣，莉露露畀靜香救咗，喺同靜香相處嘅過程入面，慢慢受到佢嘅感化，對於祖國嘅征服計畫有咗懷疑，覺得噉樣違背咗原本嘅心意。佢扮瞓着走去同鏡世界嘅鐵人兵團見面，勸佢哋唔好進攻地球，但係失敗咗重畀人捉咗去懲罰，後嚟多啦A夢佢哋救咗佢。
因為佢自己亦唔確定自己嘅諗法，雖然佢認為捉人類做奴隸係唔啱，但係佢始終唔可以同祖國戰鬥，於是喺大家同鐵人兵團作戰嗰陣，佢要求將自己困喺籠入面，但係因為突然嘅一句説話，令靜香諗到可以返返去30000年前嘅美卡托比亞，話畀神知呢啲機械人嘅所作所為，而莉露露亦都支持，後嚟重幫科學家將最早嘅機械人設定做有個識得體諒人嘅心，將咁多人嚟靜香畀佢嘅包容同愛放入部機械人到，最後歷史改變咗，邪惡嘅機械人消失曬，而莉露露亦都唔存在，莉露露握住靜香嘅手，同佢講：「如果有來世，我希望做一個天使機械人」同埋「一定要做好朋友」跟住消失。
不過歷史改變之後，新嘅莉露露喺30000年之後重生，喺故事嘅最後，佢出現喺大雄課室出面，變咗天使喺天度飛，完咗自己嘅心願。