菲德爾·卡斯特羅·迪亞斯-巴拉特

出自維基百科,自由嘅百科全書
Jump to navigation Jump to search
菲德爾·卡斯特羅·迪亞斯-巴拉特

 菲德爾·卡斯特羅·迪亞斯-巴拉特粵拼fei1 dak1 ji5 kaa1 si1 dak6 lo4 dik6 aa3 si1 baa1 laai1 dak6西班牙文Fidel Castro Díaz-Balart西班牙文讀音:[fiðel kastɾo ˀdiaθ balart]1949年9月1號2018年2月1號)係古巴嘅核物理學家同政壇官員,亦係前總統菲德爾·卡斯特羅個仔,夏灣拿省夏灣拿人。

佢係由菲德爾卡斯特羅嘅第一夫人——米達·迪亞絲-巴拉特所生,1955年兩公婆離婚,佢同阿媽搬咗去美國佛羅里達州邁阿密住。喺阿媽同佢返到古巴探訪菲德爾卡斯特羅時俾佢前任阿爸夾硬留低[1]。佢9歲時同阿爸一齊,正式喺美國嘅電視台入面作為嘉賓形式而出鏡[2]

1968年喺佛洛尼茲周立大學畢業之後正式移居蘇聯(而家屬俄羅斯一部分)莫斯科[3]。期間佢費事俾阿爸發現而化名做荷西·魯爾·費南迪斯西班牙文José Raúl Fernández[4]。之後揀咗世界象棋冠軍得主荷西·魯爾·卡帕布蘭卡西班牙文José Raúl Capablanca嚟搞咗卅年嘅科學研究發佈[5],重喺1970年學埋物理教育之後踏入核物理學界嘅研究範疇[3]

巴拉特返到古巴之後,1980年成立咗古巴原子能委員會,重喺加勒比海最大嘅島發展核電站直到古蘇斷交為止[6]。但隨後因核電站嘅財務狀況出現惡化,加上管理不善,喺1992年正式離開權力界。返到莫斯科後,喺1999年加入咗庫查托夫原子能協會(今日嘅庫查托夫協會俄文Курчатовский институт)繼續搞核能研究[3]。佢2010年代返到古巴,一直做住國務委員會嘅科學顧問同埋古巴科學院嘅副院長。

喺2018年2月1號,佢因為患重度抑鬱症,喺古巴夏灣拿嘅私人住所入面自殺死咗,終年68歲[7]。呢單嘢震驚成個古巴政壇,有古巴媒體話巴拉特嘅死係單唔正常嘅事件[8]

[編輯]