葵涌焚化爐
葵涌焚化爐（英文：Kwai Chung Incineration Plant），香港舊日垃圾焚化爐，用來燒垃圾。爐處於葵涌青洲側，擸𢶍灣填地邊，同青衣隔住青衣門洋面。原煙通好高，高一百五十米，上半油上紅白相間，夜有紅燈，好顯眼，以防飛機飛近，不過今下已拆咗。焚化爐最初只近青衣大橋，後起咗更近佢嘅青葵公路同長青橋。遠少少重有荃灣華人永遠墳場、荃灣避風塘、葵涌貨櫃碼頭、葵涌火葬場。
爐起喺擸𢶍灣填地上，佔地一公頃四，即三英畝半。一九七八年十月啓用，耗資達一萬五千萬[1][2]。
香港原有垃圾焚化爐四座，用來燒固體垃圾，除咗葵涌依座，重有堅尼地城焚化爐、荔枝角焚化爐、梅窩焚化爐。一九八九年六月，香港政府發表《對抗污染莫遲疑》白皮書，考慮環境污染，影響公眾健康，決定停用焚化爐處理固體廢物，所有焚化爐作廢，最後拆晒。一九九七年五月，停用葵涌焚化爐，係四座之中，最後停用。直到二〇〇八年，分三段清拆。
拆卸
[編輯]
由於起咗青葵公路天橋，二〇〇七年打算拆煙通時，特別小心。為免拆時有噪音塵埃，唔用爆破，唔用撞擊，而另用新法。首先置個吊臂，長一百六十八米，套個鋼鐵保護網落煙通度。再用電動鑽石鏈切割機，一截一截切落來。用新法亦無額外成本。
焚化爐燒垃圾，亦留低一啲毒物，如二噁英、呋喃、石棉、重金屬、石油碳氫化合物等等，拆時要特別處理。
攷
[編輯]- 化學廢物處理中心 > 常見問題〉">〈焚化 > 化學廢物處理中心 > 常見問題〉。環境保護署。原著喺2008-05-14歸檔。喺2008-01-26搵到。
- 〈新切割技術拆卸葵涌焚化爐〉。《星島日報》。星島新聞集團。2009-09-07。
- 〈立法會規劃地政及工程事務委員會 工務計劃項目第 657CL 號 — 葵涌焚化爐建築物、構築物和煙囪拆卸工程〉 (PDF)。香港立法會。喺2017-09-27搵到。
