蓋爾特語族
閱讀設定
蓋爾特語族(粵讀:koi3 ji5 dak6 jyu5 zuk6 | 英文:Celtic languages)係印歐語系屬下嘅一個語族,屬下嘅語言曾經遍佈西歐,但係目前就剩返六種語言。
影響
[編輯]睇埋:英文史
古英文係一種日耳曼語言,蓋爾特語言嘅影響相對微細。不過喺英格蘭以至蘇格蘭同威爾士嘅個別地方,到咗依家都仲有唔少蓋爾特-日耳曼融合嘅地名,例如
廿一世紀英文 古蓋爾特語言 York,約克 Eborakon,大致係「紅豆杉樹之地」[1] Dover,多佛 Dubras,大致係「水體」[2] Carlisle,卡賴爾 Carleol,大致係「穩化咗嘅小鎮」[3]
呢啲英格蘭地名,都被指係出自蓋爾特語言嘅[4]。
分類
[編輯]目前語言學家將已經發現嘅蓋爾特語族語言歸為四類,至於點樣將伊四類再歸類,就重有爭議。伊四類分別係:
- 高盧蓋爾特語言:主要喺被羅馬征服之前嘅高盧使用,已經消亡;
- 伊比利亞蓋爾特語言:主要喺伊比利亞半島北部,今日嘅加利西亞同埋阿拉岡一帶使用,已經消亡;
- 蓋爾語言:包括今日嘅愛爾蘭蓋爾文、蘇格蘭蓋爾文同埋萌島文;
- 布列塔尼亞(布禮斯)語言:包括今日嘅布禮斯文、康和文同埋威爾斯文。
目前通行嘅做法係將伊四類歸為兩大類,至於點樣歸類,就用兩種意見。
海島/大陸分類法
[編輯]伊種分類法係將高盧同伊比利亞兩類歸為一大類,將蓋爾同布列塔尼亞歸位另一大類。
- 原始蓋爾特語言
P/Q分類法
[編輯]伊種分類法係將高盧同布列塔尼亞兩類歸為一大類,將蓋爾同伊比利亞歸位另一大類。
- 原始蓋爾特語言