蔡耀昌

蔡耀昌
2010年七一游行
出世	(1967-09-11) 1967年9月11號  英屬香港
屋企	香港
國籍	中國（香港）
教育程度	香港大學法律學學士
職業	支聯會副主席 民間監管公共事業聯委會發言人 曾任民主動力執委 社區組織協會幹事 民主黨前中委
政黨	民主黨 支聯會

蔡耀昌（英文：Richard Tsoi Yiu Cheong，1967年9月11號—），香港民監會發言人、支聯會副主席、真普選聯盟成員團體代表、做過民主動力執委，曾任沙田區區議員、民主黨中委。祖籍廣東深圳，中學時期開始參加社運，大學時期支援八九民運並參加「六四」鎮壓後嘅營救工作。1993年8月畀人沒收回鄉證，返唔到大陸直至2016年。政界暱稱「阿狗」或「狗哥」。

學歷

• 保良局何壽南小學（1980年）
• 保良局第一張永慶中學畢業（1985年）
• 香港中文大學理學院數學系（1985-1991年，未能畢業）
• 香港大學法律學學士（1997年）
• 清華大學中國法律學士（第二學位）（2003年）

籌辦2003年「七一大遊行」

想知多啲：民間人權陣線同七一大遊行

2003年7月1日，香港主權移交中國六週年，當年嘅七一大遊行，是八九民運以來最大規模的遊行示威，受到國際輿論重視。由於《香港基本法第二十三條》嘅立法程序，加上SARS事件導致香港社會好唔景氣，大量香港市民唔滿。遊行主題為「反對廿三，還政於民」，大會呼籲市民着黑衫參加遊行，以表達對政府嘅不滿。雖然當日香港天氣炎熱，但有大量人士參與遊行。主辦團體民間人權陣線（民陣）估計遊行人數超過50萬，而警方則就公佈當日截至下晝六點，由起點到終點之間共有35萬人。司徒華喺回憶錄中提到，佢收到消息，警方內部獲悉的遊行人數為67萬5千人。遊行所引發的七一效應，使政府停止對二十三條的立法程序，並使親建制派喺同年的2003年香港區議會選舉大敗。

路透社、美聯社、法新社、美國有線新聞網、英國廣播公司同埋德新社等等西方通訊社，圖文並茂報道香港嘅大遊行。美聯社形容，示威人士係「憤怒和憂慮的香港人」；路透社話：「示威者嚟自社會各階層，包括商人、退休人士，也有年輕夫婦推嬰兒車，同著名嘅民主派人士一起遊行」。

當年嘅蔡耀昌並非泛民重量級人物，擔任民陣的二十三條工作組召集人，事後回想，「嗰時覺得好大鑊，又唔知（沙士）幾時完，宣傳又難，加上23條去到法案審議階段，好技術性，冇人會理，但點都要堅持」。原來民怨已經喺沙士期間不斷升溫：「沙士前年輕人唔理政治，但沙士嗰時返唔到學，中學生、大學生因為冇嘢做，又開始有網上討論區，就開始留意時事。」 回看遊行，蔡耀昌認為當年50萬人上街，令特區政府撤回23條立法，向新一代年輕人證明，只要市民團結，和平遊行一樣可以成功：「7.1就係大家一齊做到一樣嘢，改變到政局。」

獲發回鄉證

蔡耀昌喺1993年8月陪同內地工運領袖韓東方返大陸期間，在廣州遭沒收回鄉證及遣返回港，此後便一直返唔到中國大陸，也未能成功重新申證，直至2016年12月17日，蔡畀中共當局發還回鄉證，這是因為中共早前透過幫港出聲的周融發佈消息，會向香港反對派人士發還回鄉證，畀人沒收或註銷回鄉證的民主派人士可獲「解凍」重新申請領證。他攞證後即日在羅湖過關再搭和諧號動車上廣州，又拍照留影，呢個係他23年以來再次踏足內地。佢坦言經過羅湖橋時「有點感觸」，堅稱日後「該做的事都會繼續」，如同埋內地維權人士見面等。在內地關口，佢感覺比其他人需時較長，過程約2分鐘，關員喺電腦輸入一啲資料，不過過程裏面關員沒有向佢提問。

投訴「黃店」歧視大陸客

2020年新型冠狀病毒肆虐期間，有食肆怕中國大陸傳染病毒，貼咗告示唔招待講普通話嘅顧客幫襯。身兼民主黨中委嘅社區組織協會幹事蔡耀昌，向平等機會委員會投訴食肆拒招待大陸人及香港新移民涉歧視，不過此舉引起民主黨內嘅爭議，蔡被指打壓「黃店」（立場支持民主派嘅商店）。蔡強調唔會收回食肆歧視中國人嘅言論，但明白到黨友喺地區工作上因其言論承受壓力，決定辭去民主黨中委職務，但唔會退黨。