賽義夫·伊斯拉姆·穆阿邁爾·卡達菲（阿拉伯文：سيف الإسلام معمر القذافي，1972年6月25號—）係利比亞領導人卡達菲第二任老婆所生嘅第一胎，排行第二。畀人認為係卡達菲嘅接班人。
佢係一位工程師、政治人，去過瑞士、奧地利、英國等國留學，講到一口流利嘅英文、德文同法文。
喺2011年利比亞內戰入面，佢一直扮演重要角色，重率領卡達菲嘅支持者打擊反對派。2011年8月21號，利比亞國民解放軍聲稱佢已經畀人拉咗，但係兩日之後嘅朝頭早，佢出面向西方記者表示自己行動自由，冇畀人拉到。
