贅語

贅語（粵拼：zeoi6 jyu5，音同「序語」，意思係「好纍贅」；英文：Pleonasm）係指一句嘢入便有啲字詞意思重複咗，所以「講嚟或者寫嚟都嘥氣」。

簡化例子：用粵語白話文寫「元旦朝頭早」可以算係「句子入便有多餘嘅資訊」；喺古代，旦呢隻漢字本身就有太陽啱啱出地平線嗰一刻噉嘅意思，而元可以有起始噉嘅意思—所以元旦已經可以理解為新一年第一個朝頭早嘅意思；根據呢種理解，「元旦朝頭早」入便嗰個「朝頭早」係多餘嘅。

基礎

睇埋：語義

舉個例子說明，想像而家阿明同阿偉兩個人喺度傾偈，阿明開口問：

「喂，你鍾唔鍾意食芝士呀？」

假設阿偉鍾意芝士，佢可以噉答：

「Yes 呀，我鍾意芝士。」

原則上，句嘢有啲多餘：Yes 同埋佢後面嗰句嘢，是但一嚿都可以表達到「係，我鍾意芝士」噉嘅意思。阿偉查實並冇必要講到咁「唚氣」。

睇埋

• 修辭手法
• 語言冗餘
• 廢話