赤崗塔
| 赤崗塔 | |
|---|---|
 | |
| 明細 | |
| 原名 | 赤崗塔 |
| 類型 | 塔 |
| 用途 | 觀光 |
| 構造 | 樓閣式磚塔 |
| 樓數 | 出面9層樓，入面17層樓 |
| 高度 | 53.7m |
| 逳手 | 1619年 |
| 落成 | 1627年 |
| 喺邊 | 中國 廣東省 廣州市 海珠區 廣州塔南邊，南韓駐廣州總領事館嘅隔籬。 |
| 座標 | 23°6′15.16″N 113°19′2.34″E / 23.1042111°N 113.3173167°E |
| 保護形式 | 廣州市文物保護單位 |
| 登記名 | 赤崗塔 |
| 號 | 3-7 |
| 登錄 | 1989年12月 |
赤崗塔（粵拼：cek3 gong1 taap3）係中國廣東省廣州市嘅一座塔。喺海珠區嘅廣州塔南邊嘅藝苑西路邊嗰度，隔籬冇幾遠就係南韓駐廣州總領事館。呢座塔同琶洲塔、蓮花塔並稱為「廣州三華表」。
名[編輯]
呢座塔係因為起喺座紅砂岩嘅山仔度先至改咗噉嘅名，而附近嗰帶都係赤紅色一片嘅砂岩，所以呢座塔附近一帶都改咗名嗌「赤崗」。
史[編輯]
其實呢咗塔喺明朝萬曆卌七年（1619年）由西洋「力士」命令王命璿嚟起嘅風水塔。喺起緊呢座塔半佬就因為唔夠錢先至爛咗尾，直到天啟年間（1621一1627年），有位官至戶部尚書嘅佛山佬——李待問嚟繼續起埋呢座塔[1]。後嚟呢座塔經過咗好多年嘅風雨，搞到成座塔出現咗嚴重嘅損壞。到咗民國時期，政府為咗唔冇畀座塔冧，先至用咗紅磚嚟加固塔身。但係過咗幾十年之過後，由於塔身同塔簷都冇笪係好嘅，差唔多就嚟冧噉。雖然話呢座塔喺1989年6月份俾廣州市政府列入咗市級文物保護單位，但就喺1996年，嗰時赤崗地區重喺度規劃緊，由於工程隊同考古發掘專家發現咗呢座塔佢傾斜咗1米，而且隨時識冧都有嘅現象，結果先至俾政府關注咗，後嚟政府出咗100幾萬蚊嚟搞過成座塔[2]。而工程一直到1999年6月1號先至搞好。2010年10月8號，呢咗塔重多咗燈光出嚟，同廣州塔一樣，一齊搞咗燈光儀式[3]。
建築風格[編輯]
赤崗塔係廣州市明代建築入面，比較有特色嘅一座古塔。成座塔係樓閣式青磚塔，平面八角形，內膛八角直井式，塔高53.7米，其中1樓嘅直徑有12.5米，外觀9級，內分17層。1樓嗰度重可以入去2樓嘅塔門嗰度，佢嘅門徑有12.5米長、墻有3.8米厚，喺塔嘅南北門重可以入到去1樓嘅塔心室，嗰度重有嚿神前拜台嘅花崗石板響度，雖然話北門嘅塔墻俾人拆咗一大片青磚，但喺民國時期俾人用咗紅磚嚟修復，重整返嚿0.36×0.27m嘅花崗石碑出嚟，上面畫住「番禺縣政府禁盜塔磚告示」呢啲字。西門有梯級可以去到2樓嘅塔心室。而梯級方面，佢係穿心環墻平座式，一轉到頂，但係而家嘅木樓板已經爛咗，唔可以再爬上去喇。而塔嘅體積嗰度都整咗神龕出嚟。而塔基嗰度係八角形，邊長5.5米、高1米嘅紅砂岩嚟整嘅，而基面雖然話之前用咗灰色斑岩嚟砌嘅，但係東邊嗰度喺後嚟裝修嗰陣，用咗花崗石嚟鋪嘅。而門口嗰度都有石級去到基面都得。而塔基嘅八個角嗰度，都有16同17世紀嘅西方人形像響度，佢係明朝嗰時，廣州嘅正石雕，重係考古學家喺研究明代石雕同廣州海外貿易嘅實物資料入面最緊要嘅一部分[4]。
附近嘅地鐵站改名[編輯]
喺2005年12月26號14:00開通咗嘅3號綫首通段，喺呢度附近嘅車站就用咗「赤崗塔站」嘅名，但係到咗2013年12月28號，由於廣州塔起好變成附近嘅新地標，所以站名就變咗而今嘅「廣州塔站」，就冇用到之前嘅「赤崗塔站」。
附近嘅交通[編輯]
攷[編輯]
- ↑ 赤岗塔 新中轴线上 古塔生辉 互聯網檔案館嘅歸檔，歸檔日期2016年3月4號，. 信息时报 （2013-11-11 S6版）
- ↑ 地情文献库 珠江水口三塔━━琶洲
- ↑ 广州塔周边光亮工程花样多 赤岗塔佛光初现 互聯網檔案館嘅歸檔，歸檔日期2020年3月28號，. 鳳凰網 （2010-10-09）
- ↑ 广东省文物考古研究所 (1999). 《广东古塔》. 广东省地图出版社. p. 38. ISBN 7-80522-577-X.