車仔麪

出自維基百科,自由嘅百科全書
(由車仔麵跳轉過嚟)
港式車仔麵,配料分別係豬紅、魚蛋同牛柏葉,仲有咖喱湯底。

車仔麪香港好多人鍾意嘅一款,上面都係放一啲平價料餸來食。開頭係街邊小販推架車仔木頭車,響街邊度賣,唔係好乾淨,所以又叫做嗱喳麪。因為夠晒平,所以有唔少人幫襯。以2006年來計,大概係十幾蚊一餐到,睇下要幾多料。

家下無咁多小販,唔少車仔麪都唔再係推車仔,而係響舖頭賣,有時重會有貴價料㖭。

起源[編輯]

車仔麪大概1950年代出現,二次大戰國共內戰之後無幾耐。呢個時間香港市民生活都幾苦,唔少人都係大陸走難落來香港。唔係咁易搵到嘢做,所以好多人做小販攞檔,其中唔少小販係推架木頭車出來賣咖喱魚蛋同車仔麪。

車仔[編輯]

車仔就係木頭車,車裏面有鋼或者其他金屬做嘅,打橫打直分成一格格。每格放唔同,麪。另有一格係用來煮。木頭車裏面就裝石油氣爐,以前可能係火水爐,開火㷫住啲湯料同煮熟來賣。

[編輯]

一個麪可以配唔同料。買嘅人可以任揀。料就檔檔都唔同。常見有豬紅豬皮豬大腸蘿蔔紅腸雞翼、魷魚、燒賣牛丸、咖哩魚蛋獅子狗丸雲吞粉腸蟹柳冬菇墨魚丸牛腩等等。

[編輯]

麪多數係粗麪,但係亦都可以揀幼麪雲吞麪、瀨粉、河粉、油麪、烏冬公仔麪伊麪。睇下間舖有無。