速記機

附圖 1：SOFT/HRUF 開源速記鍵盤

速記機（粵拼：cuk1 gei3 gei1）係指設計嚟專門幫手做速記嘅輸入架生。

速記鍵盤

睇埋：速記

想像而家要打字速記。原則上，速記員可以搵普通嘅電腦鍵盤逐隻逐隻字符噉打，不過响實際應用上，速記員通常都會用速記機幫手。好似係速記專用鍵盤噉，附圖 1 入面嘅特製鍵盤同一般鍵盤非常唔同，明顯分開左右兩橛gyut6。

要理解呢啲鍵盤點樣用，首先想像下圖：

個鍵盤嘅設計如下：

• 速記員左手擺鍵盤左半邊（STPHKWR 嗰忽），右手擺鍵盤右半邊（FPLTDRBGSZ 嗰忽）；
• 左半邊用嚟打音節嘅開頭輔音，而右半邊就用嚟打音節嘅結尾輔音—唔似得一般嘅鍵盤噉靠撳掣嘅先後次序得知啲輔音邊個係開頭邊個係結尾；
• 下邊嗰四粒掣（AOEU）用嚟打音節中間嘅元音；
• 某啲輔音同元音，可以設做某啲音嘅結合，例如將個鍵盤設做「同時打 PW 等於打咗 B 呢個開頭輔音字符」呀噉；

例如速記員而家想打英文 bat（近似粵拼：bet1，蝙蝠噉解）呢隻字詞，就要同時撳 PW-A-T 呢幾粒掣（撳一吓掣）—噉做已經快過 B-A-T 逐個逐個撳（要撳三吓掣）。而如果速記員要打多音節嘅字詞，鍵盤就可以設計做「如果連續撳，就會將啲音節拼埋做一隻字」噉。

睇吓

• 打字遊戲

出面網頁

• （粵文） 打字快過你講嘢！速記神技點樣學？，用粵語講解速記式打字，仲有粵文字幕。
• （香港繁體） 無定向學堂﹕速記𠵱家仲邊有人學㗎？，明報。