酥油茶

出自維基百科,自由嘅百科全書
用碗裝著嘅酥油茶

酥油茶粵拼sou1 jau4 caa4威利轉寫ja-srub-ma, 藏文拼音:ཇ་སྲུབ་མ་,英文Butter tea),又叫酥油奶茶,係藏人嘅特色居家茶品。酥油茶相信係世界第一樣係日常食嘅奶茶西域蒙古奶茶都係由佢衍生嘅[1]。呢種茶依家主要喺喜馬拉雅地區,印度次大陸等地盛行。

[編輯]

喺當地嘅色拉寺度存放嘅打茶棍

據話係喺唐代時,文成公主入藏,傳入咗茶葉,重創制埋奶茶嘅整法(另說係藏人自己創制嘅),奶茶就咁開始,成咗當地啲上流人士嘅日常飲食。而到咗宋元時,就傳咗呢種飲品去西域蒙古[2]。 而直到咗13世紀左右嘅薩迦王朝時代,酥油茶先至開始普及當地嘅社會,形成風俗。

風俗[編輯]

藏人僧侶打咁酥油茶
喺扎什倫布寺度一位僧人倒咁酥油茶

依家當地飲酥油茶係成咗慣常,例如做嘢前啲藏人都會飲返啲酥油茶,同埋經常用來招呼人客。

根據藏人嘅習慣, 茶同油係要分開飲嘅(?), 而且每次人客飲咗一啖,主人都會即時加滿返。所以人客碗茶就永遠係滿嘅。客係唔想一路飲嘅,做客時就唯有始終唔掂個碗,直到打算走啦就一次過飲完。咁樣做就尊重到啲風俗、唔會冒犯到東主[3]

1962年藏人飲酥油茶嘅場景

當地係當成主食,夾埋糌粑一起食用,有禦寒提神醒腦、生津止渴嘅作用。呢種奶茶係用酥油溝濃茶整嘅。酥油茶用嘅奶,係當地特有嘅氂牛粵拼mou4 ngau4)所產。由於磚茶係含好多鞣酸,會刺激腸胃快消化,所以先至夾埋酥油(Yak Butter)或牛奶

工藝[編輯]

整酥油茶前,需要將熟成嘅普洱磚茶用水煲開,整成茶湯後,再跟著落啲酥油(無水奶油)、牛奶、鹽等,放入細長嘅木桶度,人手用支攪棒出力咁攪打成乳濁液。另外仲有種方式,就係將酥油同茶等料,入嗮落皮袋,索著個口,再用木棒出力敲打。故而整茶嘅工序,就叫打酥油茶藏人傳統係招呼啲客時候,就由啲女主人落手落腳咁「打茶」,會有啲嘥工夫,現代就可以用電動攪拌機去替代,餐廳就可以用新式嘅打茶罐或果汁機去整[4]

現代嘅影響[編輯]

而有位美國人2004年過當地試過啲酥油茶,返咗美國後念念不忘,開始試製類似嘅飲品,由2012年始推出咗避彈咖啡(Bulletproof coffee)到市面[5]

睇埋[編輯]

參考[編輯]

  1. 世界上第一杯奶茶:源自西藏口味偏咸 互聯網檔案館歸檔,歸檔日期2020年4月16號,. 多维新闻网 2016-05-27
  2. 奶茶是哪里发明的,探索奶茶的发明历史 搜狐 2018-05-07
  3. Chapman, F. Spencer. (1940). Lhasa the Holy City, pp. 52-53. Readers Union Ltd., London.
  4. 奶茶控手刀收藏!這些異國知名奶茶你一定要試試! 自由時報 2018-02-19
  5. 西藏酥油茶與美國防彈咖啡:一個鮮為人知的故事 BBC中文