電腦模擬模型驗證同確認

喺電腦模擬上，驗證（英文：verification）同確認（英文：validation）係指整一個電腦模擬模型嗰陣，確保個模型能夠準確噉描述研究緊嗰樣現象－：

• 驗證係指睇吓個模型嘅輸出同原模型嗰啲微分方程嘅解答接唔接近；呢個過程包括檢查個模型啲源碼做嘅運算係咪同預想中嘅演算法相同，仲有係睇吓用個模型計出嚟嘅結果係咪合符用解析解得出嘅結果（如果個模型模擬嗰樣現象係有可能用解析解計嘅話）。
• 確認係指睇吓個模型「表示到現實嗰樣系統嘅程度」係咪足以達到場電腦模擬嘅目的；呢個過程通常會涉及個研究者行完場模擬之後走去做實驗攞數據，睇吓啲數據係咪真係合乎個模型嘅預測，例如一個工程師做電腦模擬，模擬一個新設計嘅摩打行起上嚟係點，個模型預測個摩打嘅效率「會係咁多咁多」，而個模型預測嘅效率數值非常好（根據佢個理論，個摩打效率非常咁高），令佢有信心郁手整個摩打嘅原型出嚟；响整好咗個原型之後，佢就開始試行吓個原型摩打，並且搵方法量度個摩打嘅效率（攞到數據）－「啲數據係咪合符佢嘅原先預期」就反映佢個模型掂唔掂。

睇埋

• 電腦模擬
• 工程學上講嘅驗證同確認