霸王鴨係傳統廣府菜，相傳係1945年由蓮香樓發明，做法係將原隻2斤重嘅鴨拆骨，再釀入蓮子、薏米、鴨肉粒、冬菇粒、白果、鹹蛋黃各4両，再上老抽炸到金黃色，再將成隻鴨用陳皮上湯浸2個鐘，浸到鴨身腍透就上碟，最後喺面頭灑鹹蛋黃碎。
霸王鴨個名同霸王雞似，但做法完全係兩回事。霸王鴨嘅做法反而同上海菜嘅八寶鴨似。
