青雲觀

出自維基百科,自由嘅百科全書
Jump to navigation Jump to search
青雲觀青雲觀福座

青雲觀英文Tsing Wan Kwun)係香港存在最早嘅道場,喺新界屯門區青山東麓嘅青山禪院裏面,主神係斗姆(又叫斗姥),重有供奉觀音菩薩三帝呂祖王靈官彌勒朱立天君濟公關帝泰國佛

歷史[編輯]

南朝劉宋嘅時期,聽講杯渡禪師坐住個大木杯過海南下屯門青山,啲人為咗紀念佢,就喺青山上面起咗杯渡庵。原本係佛寺嘅杯渡庵喺隋朝嗰時改叫普渡道場,到唐朝又改叫雲林寺,再至到五代十國廣東地區由南漢統治,佢哋嘅君主信奉佛教,就封咗青山做瑞應山,屯門縣官陳延曾經下令鑄造杯渡禪師像安放喺山上供奉。到咗北宋宣和元年(1119年),再將佢改做寺院道場,迫啲僧人改着道服居住,下詔改名斗姆宮。至到兩朝期間,又改叫青雲觀清朝初時因為沿海遷界而荒廢咗,到復界後又恢復舊名,係屯門陶氏起嘅,更擁有青雲觀,直至到道光時期至批准擴建。

原本係道教先天道道長嘅香港商人陳春亭獲委任做青雲觀嘅住持,但佢喺1918年(又有人話喺1921年)前往寧波觀宗寺出家,皈依佛門,法號顯奇,回港後就同埋張純白居士(本名張森泉,法號了幻)、青雲觀同埋附近土地嘅業主屯門陶氏商議喺塊地修建寺院,到咗1920年,各項工程都起好,改叫「青山禪院」,同時重修喺大雄寶殿側邊破損嘅青雲觀,成為寺院裏面嘅一間道觀,完工嗰日屯門陶氏重送嚟牌匾祝賀。

青雲觀正門嘅石額係道光己丑(即道光九年,即係1829年)秋來時所刻,道觀依山而起,裏面分兩層,底層係前殿,供奉觀音大士,高層前面係天階,後面係正殿,中間供奉斗姆,旁邊係王靈宮。觀裏面有一條長木魚,壁上面嵌有道光廿三年(1843年)屯門陶氏善信題助田租細目嘅「送田芳命碑」、道光廿二年(1842年)重修時南海譚心翼捐贈嘅銅鐘同民國九年(1920年)青山禪院落成開幕紀念標題係「道院重光」木匾。

圖片[編輯]

出面網頁[編輯]

"青雲觀". 華人廟宇委員會.