食番町

食番町喺日頭（左）同埋晚黑（右）時嘅景象

食番町（粵拼：sik6 faan1 ding1；日文：食番町たばんまち^{(Taban Machi)}；英文：Ichiban Street）係中國廣東佛山一商業步行街，2020年9月21號開業，喺南海區大瀝鎮嘅潯峰洲入面，南靠教育路；北靠體育路；西靠沙溪路；東靠西環高速公路。

呢條步行街東邊冇幾遠就係廣州白雲區金沙洲，西邊冇幾遠就係南海泌沖，北邊對面就係南海萬達廣場潯峰洲店，入面嘅裝飾好似日本東京銀座啲寫字樓同商業街噉。開業期間嗌過一番街（jat1 faan1 gaai1；日文：一番街いちばんかい^{(Ichiban Kai)}）個名。佢之所以出名，係因爲2020年中華人民共和國國慶同中秋雙節期間俾日本媒體關注。不過隨後開業無耐，因部份商舖掛咗抗日戰爭期間用嘅大日本帝國軍旗同埋抄襲日本文化而好快停運整頓，隨後店舖改掛中華人民共和國國旗同改咗部份抄襲嘅元素而喺同年11月26號改名做食番町而重新開業。家下亦係廣州白雲同佛山南海之間比較旺嘅商業地方。