香港補習文化

出自維基百科,自由嘅百科全書
Jump to navigation Jump to search

香港補習文化,指香港學生學習依賴補習。根據香港政府統計處統計,2004至2005年度,中小學生當中3成人曾有去補習,預科就有一半。補習學生平均花費800港元以上。[1][2]而根據香港青年協會2009年時所調查,中小學生補習整體比率升至五成。[3]

起源[編輯]

由於香港主權移交後,特區政府香港教育缺陷[4]結果令連鎖補習社群魔亂舞,推出「精讀班」以「唔可能時數」[5]將大量課程灌入學生客仔個腦,但內容只有考試貼題,答案重點,完全無視道德同課程內容本意,課程質素成疑。

發展[編輯]

由中小學生幫襯雞精補習,其後又有其他工業課程都發展出雞精教學模式。例如:考牌車牌等方面。

雞精班[編輯]

雞精班,又有精讀班速成班唔同稱呼,係一種社會現象。原本係對香港補習社一種短期課程稱呼,但而家成為指「速成教學」方面帶有貶義性質流行語同社會風氣。除香港正規學校質素下滑問題外,港孩現象同「高分低能」可能重會出自中學小學雞精補習,因為香港教改後,課程內容重視知識國教,而顯得道德教育係冇分加就唔重要。

盛行期[編輯]

原因[編輯]

  • 香港教育制度以成績決定一切,公開試成績會決定學生前途,同各行業要求。
  • 希望能用短時間完成課程
  • 補習班提供應試重點
  • 筆記較學校精簡,只有重點,也有評卷準則、外國試題、「考試陷阱」等
  • 心態上,認為補習社教學方式比日校更好或更「考試導向」
  • 日校教師質素都有參差
  • 預測試題準確
  • 羊群心理,「人有我有」

報導指,而家補習係市場主導,屬幾個拔尖教育龍頭競爭,加上家長同學生心存「有病醫病,無病補身」信仰,務求用錢換成績,致令補習產業日趨蓬勃[6]

宣傳手法[編輯]

上門補習/小型補習社[編輯]

上門補習導師一般靠超市免費客戶廣告或網上宣傳,小型補習社一般只用傳單宣傳或提供優惠。

大型補習社[編輯]

大型補習社經常到電視報章巴士車身賣廣告,廣告通常將補習導師包裝成拯救者、超人之類,並會強調往績,商業包裝到佢係「補習天王」、「補習天后」、「捉路之王」、「考試專家」、「以一敵百」、「萬人之師」、「Econ King」(經濟科專家)、「化學教父」、「數神」、「物理技巧王」等虛名。曾有廣告出現補習天王,天后身穿古裝打扮成武俠小說角色或歷史人物,好奇怪。

參見:蕭源貼中試題風波

除此之外,好多導師會借新聞宣傳自己。2007年香港中學會考,英皇教育導師蕭源成功預測中文作文題目,而有社會爭議,蕭源藉此接受傳媒訪問,獲得免費宣傳機會。多年前自開補習社英文導師Joseph Li「貼中」題目,被廉署調查,其後佢成日用廣告大肆宣傳自己被廉署調查一事,以證明自己「貼題」能力得到「認同」。

公開考試成績公布後,補習社以獎學金吸引考取好成績學生登記,然後到報章、網站上公開學生名單,顯示自己教學能力高,學生能奪得優秀成績。不過,有部分補習社會技巧地加長奪優名單,把一些只有卷部而非科部等級(俗稱「細Grade」或「細分」)獲A學生都計埋,甚至會收買無報讀而奪A考生,疑有造假之況。

爭議性[編輯]

  • 教學同學習風氣爭議性。補習社教師明星化,學校企業化,香港補習社收費係針對中產家庭,名校高材生同成績差學生都會幫襯[7]。近年,香港補習社就廣告同宣傳上都疑出現誤導同造假成分,《商品說明條例》生效前情況普遍[8]。香港考試教育造成教育消費文化(culture of consumption)[9]
  • 有日校聲音批評政府,對補習社冇嚴格監管,導致市場上補習社質素參差不齊[10]韓國政府管理補習,如規定營運時間只到每晚十點,但香港教育局無政策係干預補習社[11]

社會反應[編輯]

  • 香港家長協進會主席陳星達直斥,補習業只重視搶客,忽略師資質素[12]
  • 香港律師補習班係另類課程,有條件收生。律師會前會長熊運信話,課程內容似PCLL,以免課程成為「補習雞精班」;並預料考生係應屆或以前未入讀PCLL學生為主。[13]
  • 唔係個個細佬家長都會接受仔囡服用「雞精班」,有報導指近年唔少家長拒絕[14]

補習社醜聞[編輯]

想知多啲:香港教師#案件列表

流行文化[編輯]

電視劇[編輯]

2007年,香港有線電視首次自製電視劇補習天后》,同無綫電視又係2008年播出《尖子攻略》,都係宣傳香港補習文化。

此外,由於香港補習社競爭激烈,有補習社會派“兵”(即學生)同老師親自攻擊競爭對手,例如現代教育Kris Lau(劉冠華),親自拍片攻擊遵理學校,英皇教育英文老師 Billy Ng(伍嘉朗),並拍片稱呼伍為「侏儒」。[未記出處或冇根據]

參考[編輯]

  1. 補習成風近瘋狂月涉3億元,蘋果日報 互聯網檔案館歸檔,歸檔日期2009-03-07.
  2. 最新以2004/05年為基期的消費物價指數,政府統計處
  3. 學生補習13年飆22% 大公報[失咗效嘅鏈]
  4. 香港教育缺陷:填鴨式教育TSA操練、公開試分數問題。
  5. [唔可能教學時數:數小時完成2至3年正規教育課程。]
  6. 梁亦華 (2011-07-31). "從補習學校招股看補習風氣". 《星島日報》,A18. 
  7. 補習這門生意 互聯網檔案館歸檔,歸檔日期2017年9月11號,.| 獨角財經| 立場新聞
  8. [ news.takungpao.com.hk/paper/q/2013/0717/1766182.html 補習社廣告或犯誤導]_大公資訊_大公網
  9. 從補習天王到三三四新學制——探討教育產業化的轉型現象 嶺南大學黃汶欣
  10. [www.cskms.edu.hk/kui_shing/kui_shing4/pieces/p50.pdf 學生文章--我看補習社]
  11. 港大研究72%中六生有補習 促政府加強學校質素2012年05月19
  12. 探射燈:補習社送板腦 「貼錢」搶客 東方日報 2014年10月6
  13. 律師會另推執業試 多間大學表有意開準備課程 熊運信:勢在必行
  14. 叩門不靠「雞精班」 家長分享3叩3勝實戰經驗 2016/05/24

睇埋[編輯]

出面網頁[編輯]