麥路人
| 麥路人 i’m livin' it | |
|---|---|
| 資料明細 | |
| 導演 | 黃慶勳 |
| 監製 | 鄭保瑞 |
| 製片 | 黎世華 |
| 編劇 | 潘幸枝 |
| 主演 | |
| 攝影 | 葉紹麒 |
| 剪輯 | 小霸王 關詠雯 |
| 製片商 | |
| 片長 | 115分鐘 |
| 產地 |  香港 |
| 上畫同發行 | |
| 上畫日期 |  2019年10月29日（東京電影節）   2020年9月17日[1] |
| 發行商 | 寰亞電影 |
| 票房 | 828萬港元（香港） 1803萬人民幣（中國大陸） |
《麥路人》（英文：i'm livin' it），係2020年上畫嘅港產片，由郭富城、楊千嬅、萬梓良、張達明、劉雅瑟、鮑起靜、顧定軒、吳嘉星主演，黃慶勳執導。2017年簽約[2]，2018年開拍[3]，電影用香港嘅「麥難民」（麥當勞寄宿者）做主題。廣東話入面《麥路人》同「陌路人」同音，更凸顯其主題。
呢套戲原本喺2020年初上畫，但由於武漢肺炎香港疫情嘅關係，而褪到9月17號上畫[4]。
故事簡介
[編輯]曾經係金融才俊嘅阿博（Bowen），終日喺24小時快餐店借宿，店內有唔少同路人同阿博為伍，相互改寫各自人生。 分別有一直為奶奶還債而債台高築又帶著囡囡嘅媽媽、唔敢返屋企嘅等伯、離家出走嘅少年深仔，仲有暫居庇護宿舍嘅歌女秋紅都以阿博為首，各人互相扶持，盡力幫助彼此走過人生低谷.....
人物角色
[編輯]| 角色 | 演員 | 備註 |
| 董浩博（阿博） | 郭富城 | |
| 杜秋紅（阿珍） | 楊千嬅 | |
| 梁惠妍（媽媽） | 劉雅瑟 | |
| 盧振強（等伯） | 萬梓良 | |
| 葉生祥（口水祥） | 張達明 | |
| 李曉華（囡囡） | 黃悅珈 | |
| 王洛深（深仔） | 顧定軒 | |
| 梁韻蘭 | 鮑起靜 | |
| 董潔如 | 吳嘉星 | |
| 九指哥 | 蘇浩才 | 黎鳳嘅債主，三番兩次搵梁惠妍收數。 |
| 黎鳳 | 苗可秀 | 惠妍嘅婆婆，因兒子死後爛賭搞到周身債，非常痛恨媳婦，覺得佢係掃把星。 |
| 社工南哥 | 周祉君 | |
| 阿博主診醫生 | 潘芳芳 | |
| 廟祝 | 羅永昌 | |
| 馬丁 | 朱柏謙 | |
| 深仔媽 | 袁興哲 | 深仔嘅阿媽。 |
| 深仔大嫂 | 岑日珈 | |
| 快餐店經理 | 盧海鷹 | |
| 社區飯堂主任 | 黃翠儀 | |
| 停車場女心男 | 張進翹 | |
| 阿燕 | 李漫芬 | 阿珍歌唱酒店嘅花炮會司儀 |
| 快餐店客人 | 張詩欣 | |
| 印花少女 | 陳曾寧 | |
| 片場副導演 | 何啟華@ERROR | |
| 女社工周姑娘 | 劉展翹 | |
| 歌廳老闆 | 區再奇 | |
| 義診中醫 | 黃華和 | |
| 船夫 | 余達志 |
取景
[編輯]呢套電影主要喺土瓜灣馬頭圍道駿豪居一個空置地舖，用70萬搭出「麥當勞」景[5]，同埋旺角花園街一帶取景。
票房
[編輯]電影香港上映5日，突破300萬累積票房[6]，去到10月5號票房累積突破700萬。
宣傳期間事件
[編輯]郭富城力數楊千嬅醜樣
[編輯]楊千嬅同郭富城為呢套電影宣傳嘅時候，喺一間電影院接受無綫電視節目《東張西望》嘅訪問，期間郭富城忽然指住電影螢幕，扮嗮肉緊不停講「楊千嬅好醜樣、楊千嬅眼袋好大、楊千嬅好醜樣」，就算楊千嬅有意插嘴郭富城都無理，而郭富城最後以「角色設計」作為打圓場。期間楊千嬅表現非常尷尬，雖然郭富城亦有讚楊千嬅係為咗說服觀眾好專業，但訪問嘅片段得到好多網民嘅關注，甚至有啲網民話郭富城其實係真心踩楊千嬅[4][7]。
楊千嬅成為電影宣傳入面受到爭議嘅對象
[編輯]電影宣傳期間，楊千嬅成為一啲網民（泛民主派支持者）爭議嘅對象，演出亦有部分人批評。
電影公開上映之前，楊千嬅喺香港修例風波入面嘅言論偏向親中陣營，因而喺連登討論區，有啲人就認為要杯葛呢套戲[8]。時事評論員黃世澤就指，依家將演出角色同自己立場割裂，已經近乎無可能。佢又話，演員要有修養，楊千嬅如果無自己政治信仰嘅堅持，咁樣演社會議題或政治有關角色嘅時候，就會被質疑到底係咪相信呢樣嘢，係咪真係關心呢個議題[9]。
電影歌曲
[編輯]| 曲別 | 歌名 | 作曲 | 作詞 | 演唱 |
|---|---|---|---|---|
| 主題曲 | 灰色星塵 | 金培達 | 小美 | 郭富城 |
奬項及提名
[編輯]本地
[編輯]| 年度 | 颁奖典礼 | 奖项 | 姓名 | 结果 |
|---|---|---|---|---|
| 2020年 | 第3屆最港電影大獎 | 最港電影 | 《麥路人》 | 獲獎 |
| 我最喜愛影片 | 提名 | |||
| 最港女演員 | 楊千嬅 | 提名 | ||
| 最港男演員 | 郭富城 | 獲獎 | ||
| 第39屆香港電影金像獎 | 最佳男主角 | 提名 | ||
| 最佳電影 | 《麥路人》 | 提名 | ||
| 最佳男配角 | 萬梓良 | 提名 | ||
| 張達明[4] | 獲獎 | |||
| 最佳女配角 | 劉雅瑟 | 提名 | ||
| 最佳美術指導 | 文念中、利國林 | 提名 | ||
| 最佳服裝造型設計 | 文念中、陳寶欣 | 提名 | ||
| 最佳原創電影音樂 | 金培達 | 提名 | ||
| 最佳原創電影歌曲 | 《灰色星塵》 作曲：金培達 填詞：小美 主唱：郭富城 |
提名 | ||
| 新晉導演 | 黃慶勳 | 提名 | ||
| 香港電影編劇家協會大奬2020 | 年度推薦劇本獎 | 潘幸枝 | 提名 | |
| 年度最佳電影角色獎 | 郭富城 | 提名 | ||
| 香港電影我撐場民選大獎2020 | 最撐電影大獎 | 《麥路人》 | 提名 | |
| 最撐男主角 | 郭富城 | 提名 | ||
| 最撐男配角 | 張達明 | 提名 | ||
| 萬梓良 | 提名 | |||
| 最撐女配角 | 劉雅瑟 | 提名 |
香港以外
[編輯]呢套電影喺「東京國際電影節」全球首映，入圍「亞洲未來」單元[10]。其後分別獲邀成為第四屆「倫敦東亞電影節」[11]同埋第四屆「澳門國際影展暨頒獎典禮」[12][13]嘅閉幕影片。男主角郭富城喺「倫敦東亞電影節」獲邀為「焦點影人」，仲攞埋最佳男主角[14][15]。
參考
[編輯]- ↑ 〈郭富城主演《麦路人》内地定档9月 金像奖十项提名 讲述麦当劳过夜人的故事〉。《Mtime时光网》。2020-08-20。喺2020-08-20搵到。
{{cite web}}: CS1 maint: url-status (link) - ↑ 蒙曉盈 (2019-12-27)。〈【麥路人】導演黃慶勳望郭富城奪影帝 顧定軒指前輩冇架子〉。《香港01》 (香港中文)。喺2020-02-04搵到。
- ↑ 〈黃慶勳《麥路人》正式開鏡拜神〉。《講。鏟。片》。2018-08-27。
- ↑ 4.0 4.1 4.2 沈洛嘉 (2020-09-17)。〈麥路人｜郭富城訪問突然爆戲 「力數」楊千嬅︰好醜樣眼袋好大！〉。《香港01》 (香港中文)。喺2020-09-17搵到。
- ↑ 沈洛嘉 (2020-09-22)。〈麥路人｜70萬搭出「麥當勞」景 美指偷影裝修︰職員問影嚟做咩？〉。《香港01》 (香港中文)。喺2022-04-07搵到。
- ↑ 〈【麥路人】郭富城向麥當勞前線人員打氣 城城：生活中守望相助〉。《經濟日報》。2020-09-23。喺2020-10-12搵到。
- ↑ 〈《麥路人》訪問俾郭富城狂數「醜樣」！楊千嬅無力招架、網友笑指「睇得出城醒係真心」 | 最新娛聞〉。《東方新地》 (美國英文)。2020-09-17。喺2021-01-07搵到。
- ↑ "LIHKG". 《LIHKG 討論區》. 喺2022-04-07搵到.
- ↑ 《楊千嬅演麥路人點解被人鬧爆 黃世澤幾分鐘 #評論 20200922》 (英國英文)，喺2022-04-07搵到
- ↑ 許育民 (2019-11-01)。〈【麥路人】東京首映反應熱烈 郭富城楊千嬅夜逛激安店慶祝〉。《香港01》 (香港中文)。喺2020-02-04搵到。
- ↑ 許育民 (2019-10-09)。〈【麥路人】再入圍國際影展 郭富城「焦點影人」帶新作倫敦分享〉。《香港01》 (香港中文)。喺2020-02-04搵到。
- ↑ 沈洛嘉 (2019-12-04)。〈【澳門國際影展】開幕電影有施嘉莉祖安遜 《麥路人》成閉幕〉。《香港01》 (香港中文)。喺2020-02-04搵到。
- ↑ 許育民 (2019-12-10)。〈【澳門國際影展】《麥路人》城城親授千嬅演技：唔係咁演我會出聲〉。《香港01》 (香港中文)。喺2020-02-04搵到。
- ↑ 〈演技派天王郭富城二夺英伦影帝 《麦路人》闪耀伦敦〉。《时光网》 (簡體中文)。2019-11-11。喺2019-11-19搵到。
- ↑ 許育民 (2019-11-04)。〈【麥路人】出戰倫敦東亞電影節 郭富城奪影帝充滿人民情感電影〉。《香港01》 (香港中文)。喺2020-02-04搵到。
出面網頁
[編輯]- 麥路人嘅facebook頁
- 《麥路人》喺香港影庫嘅資料