太平洋麵包樹（粵拼：taai3 ping4 joeng4 min6 baau1 syu6；學名：Artocarpus altilis），舊稱麵包樹，又叫羅蜜樹（lo4 mat6 syu6）、馬檳榔（maa5 ban1 long4）、麵磅樹（min6 bong6 syu6），英文系國家又叫breadfruit，係桑科菠蘿蜜屬嘅四季常綠大喬木。原產馬來半島同埋波利尼西亞，後來因人類傳播而分佈到波利尼西亞、印度南部、加勒比地區等熱帶地區。而家喺印度南邊、斯里蘭卡、巴西、非洲熱帶同亞熱帶地區、臺灣、中國嘅廣東、南太平洋嘅熱帶島國、馬來半島都可以搵到。
植株一般高6～10米，最高去到35m，公乸同樹，樹幹比較粗兼枝葉多。葉大而靚兼一葉三色，互生兼革質，樣屬菱形到橢圓，長1～5dm。花嘅方面，樹公叢集成波形，樹乸集成穗狀。果係一個花序形成嘅聚花果，大細冇固定，大嘅有足球咁大，細嘅得柑桔咁細，最重有20公斤 （44磅，40市斤）咁重；結果期從每年11月到第二年7月，一年可以收穫3次，而且同大樹菠蘿一樣，從樹幹上到根都可以結果。果肉比較多兼香甜。每樖樹可以出麵包果有60～70年咁長。
植株鍾意喺有陽光、高溫兼潮濕嘅地方生，亦鍾意喺土層好深兼肥泥地生，但唔禁凍。
佢嘅果既可以食，又可以整果醬同酒。風味雖然同麵包差唔多，但喺樹上摘熟咗啲麵包果必須要煮熟先可以食。
 樹幹 | 樹幹 |
 樹上啲枝葉 | 樹上啲枝葉 |
 果（未熟之前） | 果（未熟之前） |
 果（熟咗之後） | 果（熟咗之後） |
|
 喺南亞當地一間市場入面賣嘅麵包樹果 | 喺南亞當地一間市場入面賣嘅麵包樹果 |
 喺南美洲，當地有人試過用火燒麵包樹啲果。 | 喺南美洲，當地有人試過用火燒麵包樹啲果。 |
|
.jpg)
.jpg)
