跳去內容

𤓓

出自維基百科,自由嘅百科全書

𤓓(粵讀:lo3 )[1][2]本先係指一啲嘢食咗抑或燒燶咗而傳出嚟嘅一浸臭除,又嗌𤓓味粵讀:lo3 mei6)。跟住後嚟畀人引伸做一種情緒狀態,指喺面對緊一啲唔容易搞掂嘅嘢而導致嘅一種唔知點算好嘅怕醜狀態;當人感受到呢種情緒嗰陣又可以嗌做好粵讀:jyu2)同埋好kam粵讀:kem2)[3],家下又會跟普通話嗌做尷尬粵讀:gaam3 gaai3),又或者引伸嗌做老尷粵讀:lou5 gaam1)。而喺多數情況之下,覺得𤓓爆嘅人塊面䏭墩會變到紅卜卜bok1 bok1,噉係因為當我哋𤓓爆嗰陣,會唔覺意噉啟動咗「戰鬥定走佬」反應,呢樣嘢係人撞到緊急情況嗰陣會自動撻着嘅自然機制,從而令我哋嘅心跳同埋唞氣頻率會含含聲噉加速,去傳送多啲氧氣畀肌肉同埋第二啲器官,同時我哋副偈會釋放腎上腺素,令到微絲血管擴張,所以就搞到面都紅埋喇。

睇埋[編輯]

參考資料[編輯]