戰鬥定逃走反應

一群狼追住隻加拿大馬鹿，隻加拿大馬鹿展示嘅就係戰鬥定逃走反應入面嘅逃走。

戰鬥定逃走反應zin3 dau3 ding6 tou4 zau2 faan2 jing3（英文：fight-or-flight response）喺心理學同生理學上係動物喺有危險嘅環境－例如係撞到獵食者－之下會有嘅活動^[1]。

簡化噉講，喺人同大鼠等嘅哺乳類動物當中，一旦隻動物探測到對佢生存有威脅性嘅事物－例如係獵食者（環境刺激）－佢就會驚；當一隻動物驚嗰陣，佢會有一柞明顯嘅生理變化－佢心跳同唞氣會加快，而呢啲生理變化會幫佢應付威脅，例如心跳加速會令隻動物嘅肌肉暫時多咗血用，而呢點有助佢做跟住落嚟要做嘅動作，包括係還手（戰鬥）或者快速噉走佬（逃走）呀噉（量度得到嘅動作）^[2]^[3]。

表情[編輯]

睇埋：驚

喺包括人在內嘅某啲動物物種當中，驚仲可以引致面部表情出現變化－一塊表示驚嘅面會有多種特徵，例如係對眼好多時會擘到大一大（都係量度得到嘅動作）；順帶一提，驚嘅面部表情俾一啲心理學家指係一種進化上嘅適應，因為擘大啲對眼能夠幫助隻動物更加睇清楚周圍嘅環境^{[註 1]}，有利於佢探測周圍環境當中嘅危險或者逃生路線^[4]。

註釋[編輯]

↑ 呢點對於好似人類呢啲以視覺為主要感官嘅動物嚟講零舍重要。

睇埋[編輯]

心理壓力

攷[編輯]

↑ Cannon, Walter (1932). Wisdom of the Body. United States: W.W. Norton & Company.
↑ McNaughton, N., & Corr, P. J. (2004). A two-dimensional neuropsychology of defense: fear/anxiety and defensive distance. Neuroscience & Biobehavioral Reviews, 28(3), 285-305.
↑ McNaughton, N., & Corr, P. J. (2008). The neuropsychology of fear and anxiety: A foundation for Reinforcement Sensitivity Theory.
↑ Rinn, William E. (1984). "The Neuropsychology of Facial Expression: A Review of the Neurological and Psychological Mechanisms for Producing Facial Expressions". Psychological Bulletin. 95 (1): 52–77.

拎[編輯]

維基同享中有關戰鬥定逃走反應嘅資源類

[4] 呢點對於好似人類呢啲以視覺為主要感官嘅動物嚟講零舍重要。

[1] Cannon, Walter (1932). Wisdom of the Body. United States: W.W. Norton & Company.

[2] McNaughton, N., & Corr, P. J. (2004). A two-dimensional neuropsychology of defense: fear/anxiety and defensive distance. Neuroscience & Biobehavioral Reviews, 28(3), 285-305.

[3] McNaughton, N., & Corr, P. J. (2008). The neuropsychology of fear and anxiety: A foundation for Reinforcement Sensitivity Theory.

[5] Rinn, William E. (1984). "The Neuropsychology of Facial Expression: A Review of the Neurological and Psychological Mechanisms for Producing Facial Expressions". Psychological Bulletin. 95 (1): 52–77.

[1]

[2]

[3]

[註 1]

[4]