𧌇䖢

𧌇䖢（粵音：bang1 saa1），有時寫做崩紗、崩砂或者崩沙，係一個已經唔再用嘅古粵語詞語，意思就係依家講嘅蝴蝶（butterfly）。雖然依家已經唔再叫蝴蝶做𧌇䖢，不過嚟喺東南亞有啲地方，蝴蝶仍然叫𧌇䖢，例如泰文嘅蝴蝶叫做 ผีเสื้อ（讀做：P̄hīs̄eụ̄̂x），發音有啲似粵語嘅𧌇䖢。喺老撾嘅蝴蝶叫做 ຜີເສື້ອ（讀做：phi seu），發音亦都好似粵語嘅𧌇䖢。

小食

依家𧌇䖢呢個粵語詞語主要用喺食物上面，例如：

• 大良嘅南乳𧌇䖢（又叫做大良𧌇䖢，或者就咁叫𧌇䖢），係一種用麵粉加水、南乳、蛋、糖搓成蝴蝶形嘅油炸小食。因形呢種小食嘅形狀似蝴蝶展開兩對翅膀嘅樣，又因為呢種小食最初係喺順德大良整嘅，所以南乳𧌇䖢又叫做大良𧌇䖢，或者就咁叫𧌇䖢。
• 崩紗腩，係指啲喺牛嘅肚皮兩邊，喺橫隔膜附近，連住少少腩肉嘅部分，展開之後似蝴蝶展翅嘅樣，所以叫做崩紗腩或者崩紗牛腩（註：牛腩分成三種，牛爽腩、牛坑腩、崩沙腩。牛爽腩係指崩沙腩後面嘅牛腩；牛坑腩係指崩沙腩同牛爽腩下面，肚腩位置嘅牛腩）。

睇埋

• 古越語