2010年世界博覽會香港館
2010年世界博覽會香港館係2010年世界博覽會入便代表香港嘅展館，喺A片區、中國國家館西南邊，佔地約莫600平方米，用「無限城市、智能城市」做主題。
香港館分咗做三層。其中底層嘅主題係「同全球連繫」，展示香港同內地同全球嘅聯繫；中間層主題係「連繫·意念·資訊·多元」，展示香港嘅開放同埋現代化；頂層嘅主題就係「連繫·大自然」，展示香港嘅天然資源。
香港嘅出名流行樂歌手張學友係呢屆世博會香港嘅對外形象推廣大使，張學友重帶埋孫耀威、謝安琪、張敬軒等歌手主唱世博會香港主題曲《無限之城》，首歌由孫耀威作曲，粵語版歌詞由陳少琪填。首歌嘅國語版同埋英文版《City of Hope》就由陳奕迅主唱。
