廣州（粵拼：gwong2 zau1，英文：Canton/Kwongchou），簡稱穗（seoi6），亦叫省城、羊城、花城、穗城、粵垣，目前歸屬中華人民共和國嘅嶺南嘅一個特大型城市、國家中心城市，係廣東省嘅省城、副省級城市，亦係廣東省政治、經濟、文化、科技、教育嘅中心同交通樞紐，面積7434.4平方公里。廣州重係華南地區最大、歷史最耐嘅對外通商口岸同中國歷史文化名城。廣州喺正廣東省中間、珠江三角洲嘅北邊，有西江、北江、東江流經，南邊珠江口出南海，鄰近港澳，中國大陸度被睇作係渠嘅「南大門」。
