Talk:仙子契媽

Fairy Godmother 係咪譯做「契媽仙子」或「契媽仙人」地道啲呢？「教母」通常係叫神父，傳道人、牧師嘅老婆。不過，Godfather 真係譯做「教父」 WikiCantona (傾偈) 2023年7月14號 (五) 10:16 (UTC)

@WikiCantona： 你肯定契媽可以等如教母？Dr. Greywolf (傾偈) 2023年7月14號 (五) 10:30 (UTC)

就我所知，Godmother or Godfather 係基督教，天主教嘅傳統裏面嘅一種關係，「契」一般冇宗教儀式（話契就契），亦可以用道教式，契嘅唔只係人（有聽過「契黃大仙」未？），你話係唔係「等如」—— 唔係，不過兩個 concept 相當似。其實係唔係 迪士尼咁樣譯法㗎？--WikiCantona (傾偈) 2023年7月14號 (五) 10:51 (UTC)

Godparent 喺天主教，粵語的確係叫契，不過唔清楚其他基督教會唔會用（我自己未遇過有 godparent 嘅基督教教派）；外人寫書面語寫 ｢教父教母｣，天主教寫書面語寫 ｢代父代母｣，天主教粵語講 ｢契爺契媽｣。

如果真係講緊天主教嘅制度，就唔係話契就契，係特定時候先會搵，據我所知淨係領洗同堅振先會搵，未聽過其他時候可以搵。我都覺得似普通嘅契而唔係天主教講嘅契，契個神仙，喺基督教係冇可能嘅事（喺基督教嘅角度，神仙即係鬼）。Al12si (傾偈) 2023年7月14號 (五) 18:40 (UTC)

PS: @WikiCantona ｢神父嘅老婆｣ 其實係有可能嘅，東正教嘅神父可以結婚，天主教就可能好細⸺原則上冇可能，但係如果有個神父本來係東正教，後來某種原因轉咗入天主教，佢仍然會有老婆。

PPS: 不過我未聽過牧師或者傳道人嘅老婆叫教母，淨係聽過 ｢師母｣；｢教母｣ 係咪外人嘅叫法？ Al12si (傾偈) 2023年7月14號 (五) 19:00 (UTC)

係呀。其實我唔清楚喺港澳教區，godparents 正式嘅譯名叫乜，如果向外國人解釋「契爺」、「契媽」、「契仔」呢個 concept，一般係譯做 godfather，godmother，godson.... 咁。因為呢兩個 concept 好似。

天主教有做，新教嘅基督教都有，如果你同意 英國王室信嘅係新教，睇吓: 英國王室啲王子公主嘅 godparents。

PS:東正教唔係叫「神父」，好似叫「教父」、「丈老」、「父老」？？ 要去問吓 AI 先 或者呢度: en:Hierarchy of the Catholic Church 可以同埋[1] 或 en:Organization of the Eastern Orthodox Church --WikiCantona (傾偈) 2023年7月14號 (五) 20:24 (UTC)

Yeah, 聖公會有，其實我都有朋友係聖公會，不過平時傾謁從來冇講過呢個問題，所以真係唔識，搵咗 Google，佢哋書面語寫教父母，口語唔知係咪一樣。

我嘅理解係東正教喺台灣係叫神父（台灣資料可以搵 https://theological.asia/ ，不過個site好難搵嘢），但係喺粵語地區真係唔知；如果冇記錯，喺香港，天主教講東正教係叫神父，但係唔表示佢哋自己真係咁叫。 Al12si (傾偈) 2023年7月14號 (五) 21:34 (UTC)

PS: 喺天主教嘅理解，長老（presbyter）即係神父，原則上神父可以叫長老，不過冇人會咁叫；東正教嘅理解可能一樣，唔知。 Al12si (傾偈) 2023年7月14號 (五) 21:39 (UTC)