跳去內容

Talk:文白異讀

頁面內容唔支援其他語言。
出自維基百科，自由嘅百科全書

Copied from the edited discussion, originally found here: User talk:Lee Sau Dan#Re: 浮、埠嘅改動

..... 順帶一問，「唔洗唔該」、「駛錢」之中嘅 sai² 有人話係「使」嘅白讀，唔知「文白兩讀」有情況有幾普遍呢？有冇 info 幾多個中文字喺粵語裏頭有「文白兩讀」？係唔係有法則嘅？一話約定俗成呢？--WikiCantona (傾偈) 2011年1月5號 (三) 13:45 (UTC)[回覆]

.....
有關個「使」字，語知點解我由小學開始，就覺得可以白讀做 sai2，可以用來寫「唔使客氣」、「唔好使阿媽做嘢」等等。小學嗰陣我都未開始睇啲有關粵語本字嘅書，所以我只可以話呢個係直覺，亦可能同我識聽台山話有關。「使人做嘢」，有「差使」嘅意思，絶對解得通。「洗錢」？係唔係用番梘啊!?「駛錢」？使唔使車牌!?「使錢」就可以拆解成「使用金錢」，好合理。至於「使唔使」，我就唔敢肯定咯。呢一個字就無「古無輕唇音」f<->b/p 嗰一堆咁有規律喇。可能同「生」(sang1<-->saang1)，「輕」(hing1<-->heng1)有關，因為都係元音嘅轉變，有待考證。文白異讀喺其他「方言」都有，閩南話重多！具體嘅規律可以好複雜，但係就有一個籠統嘅通則：白讀音比較古老；文讀音係後來模彷當時新潮啲嘅中原口音而發展出嘅，所以比較新。如果響唔同時代經歷過多次咁樣嘅中原音入侵，就有可能産生多幾個文讀音。語言學家借助呢一啲「活化石」，就可以推敲出中原口音嘅發展歷史。
敦 (傾偈) 2011-01-05T16:30Z
.....
「文白異讀」同「一字多音」，最主要嘅分別在於來源。白讀保留古音，文讀追貼近代音（以中原音為中心嘅講法），因為語音古今有別，造成文白異讀。由於文、白音都係同出一轍，所以佢地嘅聲韻係相關嘅，有一定嘅規律。致於一字多音，係更籠統嘅講法，包括埋文白異讀，成因有好多。「凹」字正式讀aau³，而nap⁷（或者nip⁷）呢個音（唔好用懶音 l 啦），兩個音差天共地，相信係來目唔同嘅源頭。我估後者有可能唔係漢語詞（待證），因為m、n、l係濁聲母，古漢語嘅濁聲母字響今粵語好少會配陰聲調（第1、2、3、7、8調），只有好少數嘅例外。如果係咁，用「凹」來寫nap⁷，就屬於轉注中嘅義轉，係另一個一字多音嘅成因。呢一類嘅一字多音，每個音嘅源頭都唔同，之間無必然關係。呢個情形類似日文用「日」字來寫和語詞ひ（hi，太陽咁解），令「日」係日文一字多音：ひ（hi，和語）、にち（nichi，漢源詞）……。 -- 敦 (傾偈) 2011-01-07T06:53Z‧

對外連結有變 (2024年11月)

[編輯]

各位編輯仝人：

我啱啱救返文白異讀上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2024年11月19號 (二) 04:04 (UTC)[回覆]

由「https://zh-yue.wikipedia.org/w/index.php?title=Talk:文白異讀&oldid=2208014」收