Talk:福島第一核電廠核災

頁面內容唔支援其他語言。
出自維基百科,自由嘅百科全書

提議搬到福島核災[編輯]

福島暫時得一單核災,可以簡寫福島核災,道理就同唐山地震一樣。--Eihsuh (傾偈) 2011年9月14號 (三) 14:27 (UTC)[回覆]

同意。--WikiCantona (傾偈) 2011年9月14號 (三) 20:12 (UTC)[回覆]
而家暫時得一單核災啫,但係福島縣重有福島第二核電廠,冇人可以保證嗰間廠可以一世冇事。將「福島第一核電廠核災」改咗做「福島核災」之後,如果福島第二核電廠真係唔好彩出埋事咁係唔係要將個名打回原形,定係兩間核電廠嘅嘢擺晒落同一篇文?
個名簡化還簡化,本人覺得應該盡量用一個第日冇乜機會要執手尾嘅名。好似而家咁留「福島核災」做跳轉已經得,唔使搞咁多嘢。219.77.157.11討論2011年9月15號 (四) 15:35 (UTC)[回覆]
我都同意用福島核災第一次世界大戰完後,當時嘅人只係叫佢做「大戰」(The Great War),唔通當時嘅人可以保證個世界以後都唔會發生另一次大戰咩?更重要係維基百科文章可以因應時勢隨時搬到第二個名,唔似得傳統書本要搞改版,「用一個第日冇乜機會要執手尾嘅名」呢個理由似乎唔夠說服力。況且大部份人心目中都唔會care福島邊間核電廠出事,只係關心福島成個地方爆發核災。--219.77.181.209討論2011年9月15號 (四) 16:13 (UTC)[回覆]
簡單福島核災就够,因爲迄今只此一次,無必要遷就啲未發生嘅事,而搞到個名咁長。就好似省港大罷工,大家都難保未來唔會有,唔通就要遷就,寫第一次省港大罷工咩?福島第一核電廠核災,咁代表唔到福島第一核電廠唔會再有核災,咁係咪要第一次福島第一核電廠核災?如今福島核災,絕無含糊,咁寫就够喇。HenryLi (傾偈) 2011年9月16號 (五) 00:40 (UTC)[回覆]
得. * = )< Hillgentleman||二零一一年九月十六號(星期五)格林威治 08點01分27秒。>
福島第一核電廠而家搞成咁都冇乜可能再用嚟發電。呢次核災到而家都重未完,我覺得最快都要好似切爾諾貝爾核電廠整石棺咁樣,整咗個用得耐嘅隔離層封住佢先可以話暫告一段落。到時福島第一核電廠核災應該唔會咁易再有第二次,除非個隔離層用用下穿咗窿就唔同講法。
至於「維基百科文章可以因應時勢隨時搬到第二個名」呢句,我覺得要睇埋粵語維基百科係咩環境。周不時上粵語維基百科嘅維基友我估計頂多都係得十幾人,粵語維基百科成萬幾篇文,啲文好易耐咗冇人理亦好易變out俾人話,我冇嘢驚最驚就係真係要搬嗰陣冇人搬咋。「用一個第日冇乜機會要執手尾嘅名」呢個理由我就反而覺得唔係冇道理,起碼個名唔使點理,咁就可以集中精力去做第啲嘢好似去巡新更改、執下啲問題文、更新舊文等等,點都顧少一範先。兼且人哋「語體」中文同埋英文維基多人睇住,同呢篇文同型嘅文嘅標題都係「福島第一」開頭,而呢度就建議縮短到連「第一」都冇埋我就真係好唔理解囉。
我覺得建議個名改到咁短,係唔係應該問埋邊位維基友「認頭」可以做到喺有需要搬文嘅時刻出現之後最多一兩日內搬到文呢(因為如果今次改咗唔知會唔會做咗參考案例)?如果呢樣嘢講唔掂數嘅就不如hold住先。SC96 (傾偈) 2011年9月21號 (三) 03:43 (UTC)[回覆]
就算而家改名勢在必行我都係要講一次㗎喇,半年前 閣下將「福島第一核電廠危機」改成「福島核危機」,雖然個名唔係少人用,但我覺得齋打「福島」都唔知 閣下想講邊個福島而打回頭。而家 閣下提出嘅呢個建議只係將「核危機」改成「核災」,我除咗「從簡」以外亦睇唔出有乜嘢新嘅改名理由,睇落成支「新瓶舊酒」, 閣下可唔可以同佢加啲新酒?SC96 (傾偈) 2011年9月16號 (五) 15:02 (UTC)[回覆]